Nipadrelane 22:15 - Ngudradreadrekadhane Ka Sisiu 魯凱語聖經

¹⁵ Ai kwidra la kiaparu tawpungu ku kakwakudhane, twalrisilrisi, wacapange ki sawvalai si ababai, papacai ki umawmase, wasukubu ki samiamiange, ku kaika patengane ku vaga si kakwakudhane, lri asuru ilatadre ki cekele makanaelre.

Nipadrelane 22:15 Iomraidhean Croise

1 Latalialalai 22:8

Ku Ahabe la kawriva, “Yakaiyana ku tangeanga, amani kudra lalake ki Imela ka Mikaia. Ai magirimucaku iniane, asi lwiyane kwini lasu kai kawrivariva ku mathariri ku vaga; kwini lasu takawrivane ku malisi ku vaga.” Ku Yehusapate la kawriva, “Kaisu lri maka iya kwini kawriva!”

Kavagavagane 12:22

Ku watavuvulrucu ku ngudwi, ku Tamatama magirimucu; ku pangiamia ku takiketeketane, lri kidrengedrengere.

Kavagavagane 7:27

Lu mwasu papia ki daaneini, papiapiangasu swadriadringi, katwatwase papia ki ngudedethe ki kadalranane ka sapapia ki apacadhane!

Isaiya 47:12

Pacungucungula arakai ku lrisi! Pacungucungula arakai ku pusu tulrisi! Sa icengecengeananasu kiatwalrawngasu arakai, kilakikai alau lri arakaaiyanasu, lri dulrwana kukuludru ki badhasu.

Isaiya 47:9

Kai ka athingathingalane, yasasane, la ngimia kikai taidrusane. Adravane arakaisu ku manemane tulrisi, subulrubulrusu ku sapuswane, lri tara kawlrasesu ki tawanesu si lalake ka sawvalai!

Isaiya 57:3

Kunumi ka lapasalrisalriu ka umawmase naika wakela numi si kisaibange! Alau kai numi ka mathaithariri ki lataraivigi, ki latarapasalriu ki ababai, ki lapairairange.

Yerimia 5:31

Ku yuginsia atavuvulrucane sikakathane; ku barakalai ngiapapasikaikaai ribici ku puku si akaesadhane sikakathane; kai kawkawluli la kai balrebalre. Ku apathavungane ku vai sana kela, lai lri tumane kwi lalasu?”

Malaki 3:5

Amia kai ku Tamatama ka abebeelengenga ki sanaka kwapingi, “Lri ikaiyaku numiane utaluvaivai, si saibange. Lri makakaaiyaku siwmi kukusu kudra ki la twalrisilrisi, manganganga ki sawvalai si ababai, ku kawarivariva ku kaika patengane, ku kiavala ku nikaungane ku lapaisu, ku pangwa drepete malra ku lawbubulu ki lawalibakane si lapakulrulrulu, si twasinalreme ki la wakela iziu ka umawmase. Lri hukukaku sanaka kai mwasakene nakwane ka umawmase.”

Matai 7:6

“Madha malramalra kwini alrivilrivi ka lamanemane si cilri baai ki tawpungu, lri ngibangulu si kace numiane. Madha malramalra ku silu si cilri baai ki beke, lri dredre kwini ki silu.”

Matai 8:12

Kudra la naika amani ku umawmase ka kuni belenge, lri kipakatwaselringa pulatadre pwa ki kadradridrimitane; ikai kwini, kwi lalasu lai lri tubitubi, si apararitaitaiti ku valisi.”

Yuhani 8:46

Ikai numiane aneane ku lri dulru pelaela tupasalrivane nakwane? Kikai peaelaelaku kudra patengane ka sabulrwane, anu kai kasalru nakwane?

Nisikawlane 8:11

Asi lwiyane kwini lasu maulainga ku taarakaikaiyaneini ku lrisi si pamama liniane, lakamani kwini kiraraketeini turamuru.

Tapelane Drekase 23:18

Kudra nikipaiswane patwalai ki pairairange madha malramalra iluku mwa ki daane ki Tamatama ka Twaumase numi si sawlri ku ngiabulru numi. Asi lwiyane ku Tamatama ka Twaumase numi mavalracevace ki apairairange ka sawvalai si ababai ikai ki biu.

Pilripi 3:2

Kunumi ngipapalakeba kwidra ki lamanganganga ka umawmase, kwidra tayelrelreane ka lamanganga, amani kwidra la makecenge kigelregelre ki kinawmasaneini ku umawmase.

Kulusia 3:6

Ngwalai kilakikai, ku elathane ki Twaumase lri mulebe mwa kwidra ki kai pasalaladha iniane ka laumawmase.

1 Timuthi 1:10

wacapange ki sawvalai si ababai, mamamwa ku tara sawvalai, walrilrigili, watavuvulrucu, wadraedrangelre kawriva ku asakalisiane ki palrapalra, si kilakikai wabaebalre ki kiatulrepenge ka sabulrwane kudra la miyaiya kai ku umawmase.

Nipadrelane 18:23

Ku tinaki kai lri maka ledranga; lai kai akilalranenga ku tamatatetetengeane ki tawkarudrarudrange. Ku muswane ka tarathathathakai ka umawmase kamani ku sapupukuanenga kawmasane makanaelre; kai kawmasane kai umawmase la mialri kilrilrigili pamama!”

Nipadrelane 21:27

Ai, kudra kaika mabula, matialrase ku kakwakudhane si matavuvulrucu lri kai maka mudaane makanaelre; kathane ku kiapacase ku nagane pikai ki niake ki mibu ki Lrulai ka Kiu, ka lri dulru mudaane.

Nipadrelane 21:8

Ai, kudra la makiwcu, kai pangiamia, ngialisiane, papacai ki umawmase, wacapange ki sawvalai si ababai, twalrisi, wasukubu ki samiamiange, si watavuvulrucu kawriva, yakai ku apwi si kananu kudaladalai ka baiyu si ukalavalava liniane; amani kwini kudra saka kingipusale pacai.”