Nipadrelane 22:10 - Ngudradreadrekadhane Ka Sisiu 魯凱語聖經

¹⁰ Kwi lasu la iyana kai nakwane, “Madha caecaebe kikai yugingi ki hungu, asi lwiyane kikai miyaiya kai ku angimiane utaluvaivai lri padaalrunga si kela.

Nipadrelane 22:10 Iomraidhean Croise

Isaiya 13:6

Karaleala tubi! Ku vai ki Tamatama wakelanga; ku apakamudane ki wadulru sanaka manemane ka Twaumase wadethenga.

Isaiya 8:16

Lasituli, lri malra numi balrulu kwidra baai nakwane ki Twaumase ku sabulrwane, la pangimia ku hulriceini.

Izikile 12:23

Lri pelaelasu liniane, amiaku kaika abebeelengenga ka Tamatama, lri kainaku paedhaedhalenga kikai languvavaga; ikai ki swa Iseraylri kai lri edhalenga kikai vaga. Lri pelaelalringasu liniane: Mabeanga kai vai, ku maburusi lri padaalrunga si ngimia!

Daniele 12:4

“Daniele, kikaiasasane malra apaelre kikai hungu, si padakipi ku pinuhangeane, pakeela ku alikaiyane ki vai kai kawmasane. Lri takaalra ku umawmase ku lri pasawlra ku sakwalrialri, kisanu thingathingale ku lrika angimiane.”

Daniele 12:9

Kwi lasu la iya kai, “Daniele, lu katwasa, asi lwiyane kikai lavaga aseketane pakeela ki talikaiyane ka vai.

Daniele 8:26

Ki ngwakai ki sapatarumarane ki maungu si mialrealre ka maburusi papianga muswane lalrwai. Kikai maburusi lri tara ngimia; ai kaiasasane seketa maadha pelaelaela, asi lwiyane amanimani ki lukabibilrili kai taiyane.”

Matai 10:27

Ku ikaili kadradridrimitane pelaela numiane, kunumi ikaiya ki kalealedrane kawriva; ku kilalra numi ku nimatetetengeane ku vaga, mialria matikai ikai ki mapapangale.

Ruma 13:11

Lri tara pia numi kai, asi lwiyane wathingale numi kikai luka watumatumanenga ka vai; kikai akasimeacanenga numi twalai ki tapecane. Kaiasasane padedethengata ki satau kisusuta ku sapalribulane ki Twaumase.

Ruma 13:12

Lri padalrunga si ngilribate ku dradrimitane, lai lri kelanga ku vaiyane. Takai pianga ku ngiakulrungu ku awngane; malra ku sakikaruburuburane si ngipapadulru ku akikaruburane ikai ki vaiyane.

2 Tisaruniki 2:3

Madha kilrilrilrigili ku tapangimiane sanaka aneeanenga. Asi lwiyane, lu lri kela kudra vai lri paswalana ikai ku bibiilrilinga ku wabaebalre, kudra niyanenga ka lri tara kamudu ka tarapasalrisalriu ka umawmase lri utaluvaivai.

1 Pitiru 4:7

Ku apalikaiyane sanaka maneemanenga lri kelaanga, kunumi kipapawlringava ngiraruthuku, si kasimeameace inulri.

Nipadrelane 1:11

“Ku drelesu pacasa, ala alra kikai nibalrulane ka hungu si pakatwase baai ki swa Ipisu, Semirena, Peregamu, Tiatira, Saradi, Piladilapia si swa Lawdikia ka pitu ka kiwkai.”

Nipadrelane 1:3

Ku sialrigu ki kikai hungu lri kaesai turamuru! Ku kialalra ki kikai nisakaladhane ka vaga si paluludu kikai tapacasane ku umawmase lri kaesai turamuru! Asi lwiyane ki kikai patuelre ku lrika angimiane ku vai lri padaalrunga si kela.

Nipadrelane 10:4

Nau pacase ku taiyane ki pitu ka dreredrere iyaku, yakai ku lingau ku twalai belenge kainganai, si iya kai, “Kwi taiyane kawriva ki pitu ka dreredrere, madha paucale kikai niseketane, madha pacapacase!”

Nipadrelane 22:16

“Kwaku ka Yesu siakawlaku ki sasiakawluli belenge, ikai ki sanaka kiwkai pelaelaela numiane kilakikai. Amaniaku ku mwabaibalrithi ki tai Davidi; amaniaku ku malealedra ka sapakataleare.”

Nipadrelane 22:18

Kwaku ka Yuhani twakucingalraku pakipapawlringau kudra lakialalra kikai yugingi ikai ki hungu ku umawmase: Alaiyasi ikai ku umawmase ku yakai kai ki lavaga drima ku manemane, ku Twaumase lri malra kikai pinacasane ikai ki hungu kai amatikurwane si drima baai iniane;

Nipadrelane 22:20

Kudra amani ku pasiakai kikai patuelre pelaela yai amia kai, “Unu, lri kelanga naku!” Amingi, Tamatama ka Yesu! Bwala kela!

Nipadrelane 22:7

Ku Yesu amia kai, “Drela, lri padaalrunga naku si kela! Kudra paluludu kai tayugingane ki hungu ku umawmase lri kaesai!”

Nipadrelane 22:9

Ai kwi lasu amia kai nakwane, “Madha piapia kikai! Kunaku si kusu, si laretesanesu, kamani kudra layuginsia si palululudu kudra taiyane kai ki hungu, maramaraamau ka sasiakawlu. Sukuba kamani ki Twaumase!”

Nipadrelane 5:1

Wadrelaku kudra wanene ikai ki taetalane, la ecenge pavanale ku nibalrulane ka hungu; kikai nibalrulane ka hungu laka nipacasane paecebe palraelre, si arakai ku pitu ku hange puhange.