Nipadrelane 22:1 - Ngudradreadrekadhane Ka Sisiu 魯凱語聖經

¹ Ku sasiakawlu belenge la padrelenga nakwane ku sivale ku vaalru ki niake, ku talikalikathane mia ki walikalikathe ka lrenege, twalai ki taetalane ki Twaumase si Lrulai ka Kiu mwalwaludru,

Nipadrelane 22:1 Iomraidhean Croise

Lasenai 46:4

Yakai ku sivale ku kadravane la maililuku ku sakiaragai mwa ki cekele ki Twaumase, wailuku mwa ki taikaiyane ki Abebeelengenga ka Alrivilrivi ka taikaikaiyane.

Isaiya 41:18

Lri ikaiyaku ki kadrwa ku manemanemane ka lregelrege putaluvaivai ku kadravane, ikai ki valrwalru ki lregelrege pacebe ku acilai mwalwalwaludru. Lri paikaiyaku ku baiyu ki aenaenai, lai lri ikai ku berai ka acilai ki meameale ka kadaengane.

Isaiya 48:18

“Anatumane la kilalrasu kai drekaseli amiaku! Alaiyasi kilalrasu kai drekaseli, ku sulivatane lri mia ki kadravane mwalwaludru kai kareteretege; ku dringelresane la mia ki bikabiki ngibawbawbalrulu kainganai.

Isaiya 66:12

Ku Tamatama amia kai, “Lri pakauladhaku numiane pangiradhekane; ku tacekecekelane ki sanaka kuni lri mia ki vaalru ka mwalwaludru kai kadrekadrekare ka acilai mwa numiane kwini; lri mia numi ki tangeea ka amani ku tina ka ngiakakamani pathuthu ki lalake, si kibibi ikai ki tina la kiswaswasulrape kithalralrai.

Yerimia 17:13

Tamatama, amanisu ku sidramadrama ki swa Iseraylri; ku matwase cilri muswane ku umawmase lri kiarubwane makanaelre. Kwini lalasu lri kawlrau, mia ki nipacasane ka nagane pikai ki daedae. Asi lwiyane kwini lalasu matwasenga cilri ki Tamatama ka tacebeane ki mwalwaludru ka acilai.

Yerimia 2:13

Asi lwiyane kai kawkawluli pasalriu ku taidrusane: Kai lalasu matwase cilri nakwane ka panianianiake ka berai ka acilai; kai lalasu walruku ku kai lri maka patubaiyu ku taaciladhane.

Zakaria 14:8

Ikai kwini ki vai, lri ikai ku sapanianiakane ka acilai ku twalai Yerusalrime mwalwalwaludru, ku apararamau lri mwaludru papia ki Titimwane ka laveke, ku apararamau lri mwaludru mwa ki Miditerania ka laveke. Kikai acilai lri mwalwaludru palralrawthu kai kadrekadrekare, ani ka kalacengelravane ani ka kalaudalane thadaalrane.

Yuhani 13:32

Kudra lrigu ki Twaumase pangwakainga ki Lalake ki Umawmase paathingalane, lalri ngikakamani paathingalane ku lrigu ki Lalake ki Umawmase, si lai makakaai lrigu iniane.

Yuhani 15:26

“Ai, kudra twalai ki Ama ka tarasasasa paralubu lri kainganai, amani kwidra Ri ki patengane ka sabulrwane. Sa patwaladhaku ki Ama sikawlu pakainganai iniane yai, lri pasikai nakwane kawriva.

Yuhani 4:14

ai, ala ku aneane ku waungulu kudra baaili ku acilai, lri kai kakadhamenga palralrawthu. Ku baaili ku acilaili ikai iniane si atuturu, lai mwalwaludrunga ku acilai, ku lrika amalraneini ku palralrawthu ka niake.”

Nisikawlane 2:33

Ku Yesu kiapusubelebelengenga si ikai ki vanale ki Twaumase, si patwalai ki Tamaini tarumara ku nipalrainganenga baai ka Siri, kaiasasane ku drele numi ku kilalra numi, amani kudra baai gugu ki Twaumase mitane ka migemi.

Nipadrelane 1:1

Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 21:11

Kwini cekele swaete ku lrigu ki Twaumase, likalikathe mia ki tinukucingalrane ka lrenege, ku bulane mia ki walikalikathe ka lrenege,

Nipadrelane 21:6

Ku Twaumase la iyana kai nakwane, “Malrepengenga! Amaniaku ku Alepa si Umiga, ka sapathagili si satwalrepenge. Lri baadhaku paungulu vuutha ku berai ki niake ki makadhame ka umawmase.

Nipadrelane 21:9

Kudra wamalra ku taipitwane ka kisi, si pasuete ku taipitwane ku amatikurwane lubibilrili, ikai kwini ki tapitu ka sasiakawlu belenge, yakai kudra tangea ku kaiyanganai iya kai nakwane, “Bwala, lri padrelaku muswane kai ki kiarakerakete, amani ku taelrelre ki Lrulai ka Kiu.”

Nipadrelane 22:17

Ku Siri si kiarakerakete ka ababai amia kai, “Bwala!” Ku kialalra makanaelre la tubalre iya kai, “Bwala!” Bwala! Ku makadhakadhame ku umawmase bwala makanaelre; ku mwarikai, lri dulru vuutha tarumara ku acilai ki niake.

Nipadrelane 22:6

Ku sasiakawlu belenge amia kai nakwane, “Kilakikai vaga tengatengane ka asudralrwalrwane. Kudra amani ka wakandu ki layuginsia ka Tamatama ka Twaumase siakawlu ki sasiakawluini, la pelaela ki lasasiakawluini ku lrika angimiane kai ki kaika atarathainwanenga ka vai.”

Nipadrelane 3:21

Kudra pamalebe ku umawmase, lri baadhaku iniane ku maelane ka puku, lri taelre nakwane nene ikai ki taetalaneli, mia nakwane ka pamalebenga, kaiasasane tadrusa nai nene ki Ama ikai ki taetalaneini.

Nipadrelane 5:13

La peelanga naku kilalra ka belenge, lebe, si panianianiake adringi ki kadaengane, si panianianiake adringi ki laveke, si sanaka panianianiake kai ki kawmasane, wasenasenai makanaelre iya kai: Ku sadrengedrengerane, kiwsakenane, lrigu, si lrekeme, lri papia patuelre ki wanene ikai taetalane si Lrulai ka Kiu, kadrwanga ku apalikaiyane kai kamudunga!

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.

Nipadrelane 7:17

Asi lwiyane kwini yakai ki taetalane ka Lrulai ka Kiu lri lapunga liniane, si ililuku liniane mwa ki tacebeane ki acilai ka niake; ku Twaumase lai lri sakidri meale ku lrese lini.”