Nipadrelane 21:7 - Ngudradreadrekadhane Ka Sisiu 魯凱語聖經

⁷ Ku pamalebe ku umawmase lri dulru tarumara kilakikai, amani kai: Lri a Twaumasaku iniane; kwi lasu lai alalake nakwane.

Nipadrelane 21:7 Iomraidhean Croise

Tabekacane 17:8

Lri baadhaku muswane si lamwabaibalrithi muswane kikai tasalikaiyananesu kai kadaengane. Kikai kadaengane Kanange lrika tacekecekelane ki lamwabaibalrithi muswane apalralrawthu; la lri kamaniaku ku Twaumase lini.”

2 Samuile 7:14

Lri atamaku iniane; lri ka lalakeli iniane. Lwiyasi la pasalriu kwini lasu, lri pathavungaku iniane, mia ki tama lu pathavungu ki lalakeini.

Lasenai 89:26

Kwi lasu lri iya kai nakwane: Tamali muswane, ka Twaumaseli; amanisu ku tarapalakebe nakwane, ka tarapalribulu nakwane.

Kavagavagane 3:35

Ku ngiathingale ku umawmase lri malra ku lrigu; ku makukulrungu ku umawmase lai lri daawlulringa ku makaakalra ku akiarubwanane.

Isaiya 65:9

Lri patarumaraku baai ku akaesadhane ki swakai ki Yuda ka zuku ka swa Iseraylri; ku lamwabaibalrithi lini lri tarumara mucungulu ki lregelregeli. Kwidra lapasiakaikai nakwane kudra pinilriane ka laumawmase lri ikai kwini.

Zakaria 8:8

patwalai tali talrawane tali talriwgane ki vai alra ililuku liniane pasiwlri, la paikai liniane ka Yerusalrime. Kwi lalasu lri kamani ku kawkawluli; lai lri a Twaumasaku liniane, si arakai ku kapatengatenganane, si aparamaramavane rathudu liniane.”

Matai 19:29

Adravane ka aneane, kudra ngwalai nakwane si cilringa ku daaneini, si labetakaneini ka sawvalai si labaibai, tamaini si tinaini, lalalakeini, si laumawmaini, lri tara maalra ku walriibate ku sangwa idai ku sapawlrawlravane, si lri malra ku palralrawthu ka niake.

Matai 25:21

Ku tawki la iya kai, ‘Ala mathariri turamuru, kusu ka mathariri si matiasudralru ka sasiakawlu! Pangiamiasu ikai ki bekeelane, lri sudralrwaku pamarasikaiyaku muswane kai makaalra. Bwala mudaana si tupapalra ki tawkisu kisupisupilri si kiraragai!’

Matai 25:34

Ala lri iya kai ku talialalai kwini ki yavanale iniane: ‘Kunumi ka kiasubulrubulru ki Ama ka laumawmase; bwala! La tarumara kai kuni kai twalai saka tabekacane nipadulrwane pasikai numiane.

Maruku 10:17

Ku Yesu satau ikadadalranane, yakai ku tangea ku umawmase walailai kainganai, si pidruru icucubungu iniane, si kivaga iniane, “Makalecege ka sinsi, manemane ku apianeli ala dulru malra ku palralrawthu ka niake?”

Ruma 8:14

Sanaka kiarake ki Siri ku umawmase lalalake ki Twaumase makanaelre.

Ruma 8:19

Sanaka kiabekace siadramadrama turamuru ku lrigu ki Twaumase ku atwaladhane ki lalalakeini utaluvaivai.

2 Kurintu 6:16

Ku daane ki Twaumase si samiamiange pikakwa tara acegecege? Amanita ku mabula ka daane ki palralrawlrawthu ka Twaumase. Mia ku taiyane ki Twaumase kai: Lri taelreaku ki umawmaseli, si ikai liniane masasawlriwlri. Lri a Twaumasaku liniane; lai aumawmase nakwane.

2 Kurintu 6:18

Lri a Tamaku numiane; lai ka lalalakeli numiane. Kikai vaga yai amaniaku ka sapupukuanenga ka Tamatama ka amia.

Hiburu 8:10

Ku Tamatama la iya kai: Lubibilrili, lri kiketeketaku ku miyaiya kai ki swa Iseraylri: Lri pikaiyaku ki lusu lini ku hulriceli, si pacase pikai ki kidremedreme lini. Lrika Twaumasaku liniane; kwi lalasu lai lri akawkawlunga nakwane.

1 Pitiru 3:9

Madha arakaikai ku ngialisiane bilri ki ngialisiane, ku tusinalremeane bilri ki tusinalremeane, ngibalrealringa arakai ku sasubulrubulrwane bilri, asi lwiyane ku dawlu numiane ki Twaumase ku pacugane lri subulrubulru numiane.

Nipadrelane 2:11

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri kai kimwanga kikabebetethe ku saka kingipusale ku apacadhane.”

Nipadrelane 2:17

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku kudra niseketane ka mana. Lai lri baadhaku iniane ku vaeva ka lrawlrapungu ka lrenege, pinacasane belenge ku bavane ka nagane; kikai nagane, kathane kudra tarwamara ku umawmase, ku drumane ku umawmase kadrwa ku wathingale.”

Nipadrelane 2:25

Ai, kunumi pangimia kudra paka ikainga numi, pakela ku takelaneli.

Nipadrelane 2:7

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku iniane ku kingidri, lri dulru kane kudra madru ki niake ka angatu ka yababengelradhane ki Twaumase.”

Nipadrelane 21:3

Kialalraku ku akwadrau ku lingau ku twalai ki taetalane, ku amia kai, “Ku daane ki Twaumase yakainga kawmasane! Lri taelrenga ki umawmase, kwi lalasu lai lri kisumawmasenga iniane. Ku Twaumase lri ngikakamaninga ikai tapalra liniane, lri a Twaumase liniane.

1 Samuile 2:8

Patwalai ki thuvugu pabelenge ki matiakukuru; patwalai ki lriduku parwabelenge ki matiakuru kwalrialri ka umawmase. Pasiatalragi iniane si taelre kivavange ki lalake ki talialalai, la pakilrigu liniane. Kai karwalai ki kadaengane Tamatama ka wacegecege; piakai belenge cegecege kai kawmasane.