Nipadrelane 21:27 - Ngudradreadrekadhane Ka Sisiu 魯凱語聖經

²⁷ Ai, kudra kaika mabula, matialrase ku kakwakudhane si matavuvulrucu lri kai maka mudaane makanaelre; kathane ku kiapacase ku nagane pikai ki niake ki mibu ki Lrulai ka Kiu, ka lri dulru mudaane.

Nipadrelane 21:27 Iomraidhean Croise

Lasenai 101:8

Luka mialrealre ki vaivai lri tara amudaku ku manganga ka umawmase ku yakai ki kuni; lri patwaladhaku ki cekele ki Tamatama pakatwase ki manganga ka umawmase makanaelre.

Takatwasane Izipiti 32:32

Kiatubiaku muswane pacepa kavai pasalrivane lini; lu kai mia kwini, kiatubiaku muswane patwaladha ki lanagane ka pacase ki kawkawlusu mwalra supilri ku naganeli.”

Isaiya 35:8

Lri ikai ku madrau ku kadalranane, lri kipasi “Mabwabulanga ka kadalranane”. Ku pasalrisalriu ku umawmase kai lri maka dadavace ngukakai kikai ki kadalranane; ku makulrungu ku umawmase kai lri maka ikai kikai ki kadalranane masasawlri.

Isaiya 52:1

Swa Yerusalrime, pacuna si ngidrakale! Aru sapukwana! Saniange ka cekele ka Ziyungu, sipalimemelra kwi lrigu ka laimai! Ku maelane ka zuku kai lri ngisasingikainga capange mudaane ki lrawlrawdru ki cekelesu.

Isaiya 60:21

Ku laumawmasesu lri arakai ku dringelresane kaungu; kwi lalasu lrika palralrawthunga ucungulu kai ki kadaengane. Ngiakakamaniaku bekace liniane, si twadrau liniane, pakai ku apathingalanane ku lriguli.

Izikile 44:9

“Amiaku kikai pelaela ka abebeelengenga ka Tamatama: Kwi kai tarwamara kigelregelre ka lrisi, la kai pasalaladha nakwane ka lamaelane ka zuku, madha paudadaane ki daaneli, adravane ka yakaikaai ki swa Iseraylri ka maelane ka zuku mialri madha pudadaane.”

Yuile 3:17

Ku Tamatama amia kai, Iseraylri, lukamaninga kwidra lri thingale numi ala ka Tamatamaku ka Twaumase numi. Lri ikaiyaku Ziyungu ka saniange ka lregelrege; kai Yerusalrime lri asaniange ka cekele, ku maelane ka zuku kai lri paamakinga iniane palralrawthu.

Lrivi 13:46

Lu kaina mudringai kwini raibiu kacaeme, kwini lasu kaika mabula; kwini lasu lri tara ikai latadre ki tasuladhane, kitukudha ki palrapalra.

Zakaria 14:21

Sanaka yakaai Yerusalrime si Yuda ku palungu, lrika nitusanianganane si tu Tamatamane, tusaarakaiyane sukubu ki Tamatama ka abebeelengenga ki sanaka kwapingi. Ku amani ka patarwamara lri tusarakaiyane aga ku sapatarumarane ku beate. Ikai kwini ki vai, ku daane ki Tamatama ka abebeelengenga ki sanaka kwapingi lri kai ikainga ku pwatiatiame ku umawmase.

Taasipane 12:15

Ku Miriame la kiemenge pilatadre ki tasuladhane makapitulu; ku mapapangale lri mukalava iniane lu siwlringa lri musuburu ku tasuladhane lini.

Taasipane 5:3

Malra kwini sanaka kaika mabula ki lrisi pakatwase pulatadre, kwini lalasu lani kai kudrulru ki tasuladhane, kwini ki taikaiyaneli.”

Matai 13:41

Ku Lalake ki Umawmase lri sikawlu ki sasiakawlu subelebelenge, lai malra ruthuku kudra ki iya kai ki kunini kudra ki latarapapasalrisalriu ki umawmase si sanaka paiyaiya ku ngialisiane ka umawmase.

Maruku 7:2

Kai lalasu wadrele ki lasitu ki Yesu ku yakai ku arakai ku kaika mabula ku alrima kane ku aga, kai ngiamia ki swa Palrisai paswalana tawlrima.

Luka 10:20

Ai, madha kirimurimu ngwalai ki tapasalaladhane ki aidridringane numiane si kiraragai, pasikaiya kamani ku takipacasane ku nagane numi ikai subelebelenge si kiraragai.”

Ipisu 5:5

Kadrwa ku lrikilrikane, ku wacapange ki sawvalai ki ababai, ku matiadingeselre, ku marau ku umawmase (marau lwiya amani kai wasukubu ki samiamiange) lu tuumane kai lri maka aumawmase ki Kirisitu si kuni ki Twaumase.

Pilripi 4:3

Lapapapalrali, lri mialriaku kitubi numiane paraluba liniane kai ki tadrusa, asi lwiyane kai lamali ikai ki awngane ki hukuingi natwapapapalra nakwane, si Kelimine, si la drumane ka redelane kaungu kwalrialri, ku nagane kilakikai umawmase pinacasanenga patuelre ikai ki mibu ka niake ki Twaumase.

1 Timuthi 1:10

wacapange ki sawvalai si ababai, mamamwa ku tara sawvalai, walrilrigili, watavuvulrucu, wadraedrangelre kawriva ku asakalisiane ki palrapalra, si kilakikai wabaebalre ki kiatulrepenge ka sabulrwane kudra la miyaiya kai ku umawmase.

Hiburu 12:14

Kisamula kikadalru ki umawmase, si ngukakai ki mabula ku tacekecekelane, ku kadrwa ku bulane ku tacekecekelane kadrwa ku lri maka drele ki Tamatama.

2 Pitiru 3:13

Ai, kuta mwakalavalavata ku palrainginga ki Twaumase ku bavane ka belenge bavane ka kadaengane, ikai kwini ku dringelresane lrika apalralrawthunga ikai.

Nipadrelane 13:8

Ku sanaka umawmase kai kawmasane, sakaiyana bekace kai kawmasane kudra nagane la kai kiapacase pikai ki niake ka mibu kudra ki kiapapacai ka Lrulai ka Kiu, lri sukubu kwini ki waudriwdripi.

Nipadrelane 20:12

La dreelenga naku kudra ki wapacainga ka umawmase, adravane ka tabebelenge ka talelebe, acegecege makanaelre icucubungu ki taetalane. Ku sakukuswane ka pacase ka nibalrulane la mubalrulunga si paipai; ku taingeane laka vaeva ka niake ka mibu mialri paipainga. Ku wapacainga ku umawmase lri singikai ki kakwakudhane lini, si patwalai kilakikai sakukuswane ka pacase ka nibalrulane ku tapacasane, si kisaibange.

Nipadrelane 20:15

Sanaka kai kiapacase ku nagane pikai ki niake ka mibu, lri makitu kiverevere makanaelre pwadringi ki apwi ka baiyu.

Nipadrelane 21:8

Ai, kudra la makiwcu, kai pangiamia, ngialisiane, papacai ki umawmase, wacapange ki sawvalai si ababai, twalrisi, wasukubu ki samiamiange, si watavuvulrucu kawriva, yakai ku apwi si kananu kudaladalai ka baiyu si ukalavalava liniane; amani kwini kudra saka kingipusale pacai.”

Nipadrelane 3:5

Kudra pamalebe ku umawmase lai lri mialri silaimai ku lrawlrapungu ka laimai; lutumane lri kainaku mwalra ku naganeini patwalai ki tapacasane ki niake. Ikai cucubungu ki Ama si sasiakawluini, lri pathingala naku iniane ala ka swakai nakwane.