Nipadrelane 21:23 - Ngudradreadrekadhane Ka Sisiu 魯凱語聖經

²³ Kikai cekele kai mwarikainga ku ledra ki vai si dramare, asi lwiyane yakainga pa ledraledra ku thelare ki Twaumase, ku Lrulai ka Kiu amani ku tinakinga kai ki cekele.

Nipadrelane 21:23 Iomraidhean Croise

Lasenai 84:11

Ku Tamatama ka Twaumase amani ku vai, ka tarapalakelakebe; wabaai mitane ku migemi, ku lrigu. Kadrwa ku suruini ku mathariri ku lamanemane, si kai patarumara baai ki madringelrese ka umawmase.

Isaiya 2:10

Kwini lalasu lri kilepenge mulregelrege ki barungulu, mwadringi ikai ki valrwalru, kisanu mubebere ki elathane ki Tamatama, si mubere kidaili ku puku si lrigu ki Twaumase.

Isaiya 2:19

Ku Tamatama lu velevele ki karwalai ki kadaengane, ku umawmase lri kilepenge mwa ki barungulu lregelrege, si kibalai ikai ki valrwalru, kiasanu ubebere ki elathane ki Tamatama, si ubere kalrabuthu ki puku si lrigu ki Twaumase.

Isaiya 2:21

Lu velevele ku Tamatama ki karwalai ki kadaengane, ku umawmase lri kilepenge ikai ki barungulu lregelrege, si tamauvagadhane ki alrisapesape, kisanu ubere ki elathane ki Tamatama, si ubere kalrabuthu ki puku si lrigu ki Twaumase.

Isaiya 24:23

Ku dramare lri kadradrimiti, ku vai lai lri kakadrwa ku ledra. Asi lwiyane ku Tamatama ka abebeelengenga ki sanaka kwapingi lri ikai Yerusalrime, lri ikai Ziyungu lregelrege magagemegeme ku puku; ku la tarasangililuku ki cekele lri drele makanaelre ku lriguini.

Isaiya 30:26

Ku dramare lri mia ki vai ku ledrane; ku ledra ki vai lri kamalealeedra ku taipitwane ki siaswalane ka vai, mia ki minaka pitulane ka ledra lu maelrelre si ivaivaai ledra. Ku Tamatama lu cabucabu ku dula ki kawkawluini, lu pawdringai ki dula ki takilrumadhane lini, kikai lamiyaiya kikai lri ngimia patuelre.

Habakuke 3:3

Ku Twaumase lri peela twalai Idume kainganai; ku sanianiangenga ka Twaumase lri twalai Parange lregelrege kainganai. Ku lriguini lri kabungu subelebelenge; kai lebe lai lri suete ku wadrengedrengere iniane ku lingau.

Matai 16:27

Ku Lalake ki Umawmase lubibilrili lri ikai ki lrigu ki Tamaini, si karededele ki sasiakawluini subelebelenge kainganai. Lu kamani kwidra, kwi lasu lri singikai ki kakwakudhane ki tangeea pangibilri iniane.

Maruku 8:38

Ikai kikai ki wacapange sudringai pasudringai ka sialribate ngilisiane ka zidai, lu ikai ku umawmase ku ngwalai nakwane si vagali la tainu, ku Lalake ki Umawmase ikai kudra ki lrigu ki Tamaini, si kudra ki twapapalra iniane kudra sasiakawluini belenge, lu karededelenga kainganai, lri mialri tainu iniane.”

Luka 2:32

Lrika amani ku pathingale ki sakamaelanane ka ledra, lrika amani ku lrigu ki laumawmasesu ka swa Iseraylri.

Yuhani 1:14

Ku Vaga aumawmase, si ikai mitane, la suete ku sakialibake si patengane ka sabulrwane. Wadrelengata ku lriguini, kikai lrigu ala amani ku alrane ki beraberathane ka Lalake ki Tama.

Yuhani 1:18

Kadrwana ku umawmase ku wadrelenga ki Twaumase, kathaane ku beraberathane ka Lalake ka Twaumase, ka amani kwidra tangea ka makisudawdaalrunga ki Tama, ka waalra iniane paathingalane.

Yuhani 1:4

Kai Vaga amani ku tatwaladhane ki niake, kikai niake wabaai ki umawmase ku ledra.

Yuhani 1:9

Kwini ledra amani ku patengane ka ledra, ka kaiyanganai mukawmasane si paledra ki sanaka umawmase.

Yuhani 17:24

“Ama! Kwini ki lalasu wabaaingasu nakwane; lu ikainwaku, ani taelre nakwane ikai kwini, pakai ku adrelane lini ku baaisu nakwane ku lrigu, asi lwiyane sakaiyana bekace kawmasane, kialibakengasu nakwane.

Yuhani 5:23

Ngwalai ku ausakenane ki laumawmase ki Lalake, mia lu usakene ki Tama. Kudra kai mwasakene ki Lalake, amani ku kai mwasakene ki siakawlu iniane ka Tama.

Nisikawlane 22:11

Ngwalai ki pangicaemane ki ledra, la kainaku maka cegenga drele la arake nakwane ku papalrali, si iluku nakwane mucekele Damasekuse.

Nipadrelane 14:4

Ki la kikai umawmase yadrepele ka kaiyana kiaelre ki ababai ka langukathabarane. Luka tapapiane ki Lrulai ka Kiu, kwi lalasu twapapalra papinu. Kwi lalasu twalai ki umawmase kimalra langai, paaswalana patarumara ki Twaumase si Lrulai ka Kiu.

Nipadrelane 18:1

Kudra sakabilrilinga, wadreelaku ku tangea ku sasiakawlu belenge ku twalai belenge mulebe. Kwi lasu wagemegeme ku maadrau ku puku; ku thelareini paledra kawmasane.

Nipadrelane 21:11

Kwini cekele swaete ku lrigu ki Twaumase, likalikathe mia ki tinukucingalrane ka lrenege, ku bulane mia ki walikalikathe ka lrenege,

Nipadrelane 21:25

Ku lrawlrawdru ki cekele lrika tamuelebanenga awngu, kai lri elebenga palralrawthu, asi lwiyane ikai kwini kadrwanga ku dradrimitane.

Nipadrelane 22:5

Ikai kwini lri kai ikainga ku dradrimitane; kwi lalasu lai kai murikainga ki ledra ki tinaki si ledra ki vai, asi lwiyane ku Tamatama ka Twaumase amani ku ledra lini. Kwi lalasu lri atalialalai si rathudu, pakeela apalralrawlrawthu.

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.

Nipadrelane 7:17

Asi lwiyane kwini yakai ki taetalane ka Lrulai ka Kiu lri lapunga liniane, si ililuku liniane mwa ki tacebeane ki acilai ka niake; ku Twaumase lai lri sakidri meale ku lrese lini.”