Nipadrelane 21:22 - Ngudradreadrekadhane Ka Sisiu 魯凱語聖經

²² Ikai ki cekele kainaku wadrele ku yakai ku daane ki Twaumase, asi lwiyane ku Tamatama ka sapupukuanenga ka Twaumase si Lrulai ka Kiu amani ku daane ki Twaumase kikai ki cekele.

Nipadrelane 21:22 Iomraidhean Croise

1 Latalialalai 8:27

“Twaumase, patenganesu ka lri ikai kai ki kadaengane? Adravane ka kadrwa ku talikaiyane ka subelebelenge kai lri makakelrete lu ikaisu, sikamanianenga kikai tudaaneli kai daane ki Twaumase?

2 Lacaili 2:6

Kadrwa ku umawmase ku lrika patengatengane pasikai ki Twaumase tudaane, asi lwiyane adravane ka kadrwa ku taalikaiyane ka belenge kai lri maka mwana iniane. Lri tumanaku si maka dulru pasikai iniane tudaane ku taluvale ku amakakekelretane ka talamalamane ku sangwalreme ka daane?

2 Lacaili 6:18

“Twaumase, lrika patenganesu ka lri ikai kai ki kadaengane? Si ikai kai ki umawmase? Adravane ka kadrwa ku pagisane ka subelebelenge kai lri makakelrete muswane, sikamanianenga kikai pasikaili muswane tudaane kai daane ki Twaumase?

Isaiya 66:1

Ku Tamatama amia kai, “Kai subelebelenge yai taetalaneli, kai kadaengane yai tapudrapalaneli. Lri dulru numi tungitwatumane ku daaneli, si baai ku manemane ku taisadrasadraneli?

Matai 24:2

Ku Yesu la iya kai liniane, “Kunumi kainu ka wadrelenga patuelre kilakikai tatudaanane? Nau pudriadriingai pelaela numiane, kai lalrenege kikai lri kiburuku patuelre, kadrwa ku navaevanga ku lrenege ku lrika sakamiyana ka raedrane.”

Yuhani 10:30

Ku Ama si kunaku vaeva nai.”

Yuhani 13:32

Kudra lrigu ki Twaumase pangwakainga ki Lalake ki Umawmase paathingalane, lalri ngikakamani paathingalane ku lrigu ki Lalake ki Umawmase, si lai makakaai lrigu iniane.

Yuhani 4:21

Ku Yesu la iya kai iniane, “Kusu kasalrwaili! Lri darurunga ku zikange, kai umawmase kai lri ikainga kai ki lregelrege si ku yakai Yerusalrime sukusukubu ki Tama ka yabelenge.

Yuhani 4:23

Ai lri darurunga kai zikange, kikai amaninga, kudra amani ku patengane ka wasukubu ki Tama ka yabelenge, lri arakai ku abake si pasingikidremedreme sukubu. Ku pangiamia kai sukubu amani ku urikai ki Tama ka yabelenge.

Kulusia 1:19

Ku Twaumase ngiakakamani kelrete ku akitulrepengane ku tangimiane ukalrivili ki Lalake,

Kulusia 2:9

Asi lwiyane ku Twaumase ku takitulrepengane ku taka Twaumasaneini tengatengane ikai adringi ki Kirisitu.

Nipadrelane 1:8

Yakai kunadruma, la ikai kaikameane, lubibilrili lai lri ikai palralrawthu ka Tamatama ka sapupukuanenga ka Twaumase amia kai, “Alepaku, ka sapathagili, Umigaku, ka satwalrepenge!”

Nipadrelane 11:17

la iya kai: Kunadruma, si kaiasasane ka Tamatama ka sapupukuanenga ka Twaumase! Kiaseasene nai muswane; asi lwiyane arakaisu ku maadrau ku puku, rathudu.

Nipadrelane 14:4

Ki la kikai umawmase yadrepele ka kaiyana kiaelre ki ababai ka langukathabarane. Luka tapapiane ki Lrulai ka Kiu, kwi lalasu twapapalra papinu. Kwi lalasu twalai ki umawmase kimalra langai, paaswalana patarumara ki Twaumase si Lrulai ka Kiu.

Nipadrelane 15:3

La senasenai ku senai ki sasiakawlu ki Twaumase ka Musi si senai ki Lrulai ka Kiu iya kai: Tamatama ka sapupukuanenga ka Twaumase, ku takaunganesu ala matiasalru si matisamali turamuru! Talialalai ki sanaka kuni, ku kadalrananesu ala patengane ka mwalecege!

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

Nipadrelane 16:7

La kilalra naku ku twalai ki tapatarumaramarane ku lingau ku amia kai, “Tamatama ka sapupukuanenga ka Twaumase! Ku tasaibanganesu tengatengaane ka madringelrese!”

Nipadrelane 19:15

Twalai ki ngudwini putaluvaivai ku vaeva ku marangisi ka dramu; kwi lasu lri arakai kikai dramu pamalebe ki lakuni. Kwini lasu lri arakai ku adreme ka ukudru rathudu liniane, si lai lri pe ku makecenge ka bava ikai ki tapepeane ka elathane ka bava ki sapupukuanenga ka Twaumase.

Nipadrelane 4:8

Kwini supate ka panianianiake ka waudriwdripi, eneme ku sapakepake lini makanaelre, ku taiadringane ku taibelengane swaete ku maca. Kwi lalasu la pivai pimaungu senasenai kai idrengedrengere iya kai: Sanianiangenga! Sanianiangenga! Sanianiangenga! Tamatama ka sapupukuanenga ka Twaumase, yakai sakanadruma, la ikai kaiasasane, lubibilrili lai lrika palralrawthu ikai!

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.

Nipadrelane 7:15

Ngwalai kai, kwi lalasu acegecege icucubungu ki taetalane, si pivai pimaungu ikai ki daane ki Twaumase kawaungu pasikai iniane. Kwini wanene ikai ki taetalane ka Twaumase lri ngikakamani palribulu liniane.

Nipadrelane 7:17

Asi lwiyane kwini yakai ki taetalane ka Lrulai ka Kiu lri lapunga liniane, si ililuku liniane mwa ki tacebeane ki acilai ka niake; ku Twaumase lai lri sakidri meale ku lrese lini.”