Nipadrelane 21:2 - Ngudradreadrekadhane Ka Sisiu 魯凱語聖經

² La dreelenga naku ku Alrivilrivi ka cekele, amani kudra bavane ka Yerusalrime, twalai ki Twaumase, twalai belenge kainganai mulebe, mia ki ngiaragelane ka kiarakerakete ka ababai ka kaiyanganai kidredresenge ki taelrelreini.

Nipadrelane 21:2 Iomraidhean Croise

Lasenai 87:3

Cekele ki Twaumase, kilalra, kilalra ku tamatikaikaiyaneini ngukai ki lalrigusu:

Isaiya 1:21

Kikai cekele nasavaeva kai apapiyaiya, kikainga laka mararamau ki tiatiame ka ababai! Ku siaswalane ku laumawmase aparamaramau si kapapedrenge, kikainga kathanenga kudra papacai ki umawmase.

Isaiya 52:1

Swa Yerusalrime, pacuna si ngidrakale! Aru sapukwana! Saniange ka cekele ka Ziyungu, sipalimemelra kwi lrigu ka laimai! Ku maelane ka zuku kai lri ngisasingikainga capange mudaane ki lrawlrawdru ki cekelesu.

Isaiya 54:5

Ku wabekace muswane ka Tamatama yai taelrelresu ka sawvalai; ku naganeini yai Tamatama ka abebeelengenga ki sanaka kwapingi. Ku saniange ka Twaumase ki swa Iseraylri yai amani ku palribulu muswane; warathudu sanaka yakawmasane.

Isaiya 61:10

Ngwaladhaku ki Tamatama si kiraraagai, kai kidremedremeli ngwalai ki Tamatama si kiraragai. Ku Tamatama pasialaimai nakwane ku sapalribulane si dringelresane ka sangiragelanane, mia ki warakerakete ka sawvalai ka siatalrupunu ngiragelane, mia ki kiarakerakete ka ababai ka siasangiragelanane.

Isaiya 62:4

Lri kaisu ka amaninga kudra “Kiacilri ka taelrelre ka ababai” Kwi kadaenganesu kailri ka amaninga kudra kiapasi “Tawlrakavane ka cekele”. Kwi bavane ka naganesu sia “Nikathalradhane ki Tamatama ka lalake” Kwi kadaenganesu lri kipasi “Ngiaesadhane ku takarudrangane”. Asi lwiyane ku Tamatama madalame muswane; kwi lasu lri ataelrelre ka sawvalai ki kadaenganesu.

Yerimia 31:23

Ku Tamatama ka abebeelengenga ki sanaka kwapingi, ka Twaumase ki swa Iseraylri amia kai: “Sa pasiwlriaku pubalriu ki lakawkawluli si tupudriadringai ki cekele, kwi lalasu lri peelana ikai Yuda ki lacekele iya kai: Taikaiyane ki dringelresane, ka Ziyungu ka saniange ka lregelrege, ku Twaumase ani subulrubulru muswane!

Yuhani 3:29

Ku lri sitaelrelre kwini ki marudrarudrange ka ababai amani kwini marudrarudrange ka sawvalai; ku talragi ki marudrarudrange ka sawvalai acegecege ikai thili si kilalalalra, sa kilalra ka lingau ki marudrarudrange ka sawvalai la kiraraagai. Laka thadaalrane, wamalranga naku ku kiatulrepenge ka akiragadhane.

2 Kurintu 11:2

Ku dalamaneli numiane pakela ki pathalra, mararaamau ku tapangimiane ki Twaumase numiane. Asi lwiyane mia numi ki mabula ka tawvailekete, lri pakitusiasilanganaku numiane baai ki tangea ka taelrelre, ka amani ku Kirisitu.

Hiburu 11:10

Asi lwiyane ku Aberahame siadrama kudra lekete si tudaane ki Twaumase ka makecenge ku karwalai ka cekele.

Hiburu 11:16

Kudra akulikuli lini amani kudra mathaithariri ka cekele ibelenge, la kamani, ku Twaumase kai ngwalai ku ta si Twaumasane lini iniane si kalrumale, asi lwiyane padulrunga pasikai liniane ku vaeva ka cekele.

Hiburu 12:22

Ai kaiyanganai numi mwa lregelrege Ziyungu, ka kaiyanganai numi mwa ki cekele ki palralrawthu ka Twaumase, ka Yerusalrime ka belenge, yakai ku kaika asiasipane ku sasiakawlu belenge.

Hiburu 13:14

Ikai kawmasane, kadrwa ku lrika palralrawthu ku cekeleta, kiapasilasilapeta kudra cekele lukabibilrili.

Nipadrelane 1:1

Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 1:4

Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 11:2

Ai, madha lekelekete kwi kalatadrane ki daane ki Twaumase, asi lwiyane kwini latadre nibadhanenga ki sakamaelanane ka umawmase; kwi lalasu lri pwadradreedre ki Saniange ka cekele tara 42 ka dramare.

Nipadrelane 21:10

Ku Siri la padrekadrekase nakwane; ku sasiakawlu belenge la iluku nakwane pwa ki abeelenge ka lregelrege, ku adrelaneli ku twalai ki Twaumase, twalai belenge kela mulebe ka Alrivilrivi ka cekele ka Yerusalrime.

Nipadrelane 21:9

Kudra wamalra ku taipitwane ka kisi, si pasuete ku taipitwane ku amatikurwane lubibilrili, ikai kwini ki tapitu ka sasiakawlu belenge, yakai kudra tangea ku kaiyanganai iya kai nakwane, “Bwala, lri padrelaku muswane kai ki kiarakerakete, amani ku taelrelre ki Lrulai ka Kiu.”

Nipadrelane 22:17

Ku Siri si kiarakerakete ka ababai amia kai, “Bwala!” Ku kialalra makanaelre la tubalre iya kai, “Bwala!” Bwala! Ku makadhakadhame ku umawmase bwala makanaelre; ku mwarikai, lri dulru vuutha tarumara ku acilai ki niake.

Nipadrelane 22:19

alaiyasi ikai ku umawmase ku patwalai kikai ki tayugingane mwalra kivala ku manemane, ku Twaumase lri mwalra ku naganeini, kwi lasu lai kai maka dulru tarumara kisupilri kikai tapacasane ki hungu kudra ki niake ka angatu si akaesadhane ki Alrivilrivi ka cekele.

Nipadrelane 3:12

Kudra pamalebe ku umawmase, lri malraku iniane si tuulrudru ki daane ki Twaumaseli; kwi lasu lrika palralrawthunga kai kidaili. Lri pacasa ku pikai ki kinawmasaneini ku nagane ki Twaumaseli si nagane ki cekele ki Twaumase, amani kudra lri twalai belenge ki Twaumaseli si mulebe ka bavane ka Yerusalrime; lai lri pacasaku pikai ki kinawmasaneini ku bavane ku naganeli.