Nipadrelane 20:3 - Ngudradreadrekadhane Ka Sisiu 魯凱語聖經

³ Ku sasiakawlu belenge wamalra iniane si verevere pwadringi ki valrulrange, la elebe, si puhange sawsi, kwi baralebale la kai maka katwasenga pamama sanaka kuni, pakela ku sa tarakudrulunga ka caili. Ku takipalikaiyane sangilribatenga, kwi baralebale lri kitupadawdalrwana kimuelebe.

Nipadrelane 20:3 Iomraidhean Croise

Lasenai 90:4

Lu drelesu ku tinara kudrulane ku caili mia ki nimakavavalane ka vai; mia ki amani kudra ngialribatenga kwiya, mia ki edreekane ka zikange ki maungu.

Daniele 6:17

Kwini lrawlrawdru ki barungulu arakai ku vaeva ku lrenege celrepe; ku talialalai arakai ku hange ki talialalai si hange ki latabebelenge puhange ki sacelrepane, ku kaika adulrwanenga ki umawmase palribulu ki Daniele.

Matai 24:24

Asi lwiyane kudra kaika patengane ka Kirisitu si kaika patengane ka yuginsia lri mutaluvaivai, kwini lalasu lri pia ku maadrau ku matiasamali ka awngane pamama ki umawmase; luka adulrwane la lri pakeela ki pamama ku nipilriane ki Twaumase ka lakawkawlu.

Matai 27:66

Ala katwase kwini lalasu, padakipi ku pinuhangeane pikai ki lrenege, si celrepe ki lrawlrawdru ki balriu, la suru ku wakadrenge si pakadrenge.

Maruku 4:15

Yakai ku laumawmase ku mia ki sapaivai ka mwacilri makakai ki babiabila ki kadadalranane; kikai lalasu sa kilalra ku vaga ki Twaumase, ku Satange makakaai kela, si malra patwalai ki kidremedreme lini kwidra kilalranga lini ku vaga ki Twaumase.

Luka 8:31

Kwi laaidridringane la kitubi ki Yesu, ku kaika amalrane liniane pakatwase pwadringi ki valrulrange.

2 Kurintu 11:3

Ai amani lu kipangilisiane kwi kidremedreme numi, si cilri ku tasalikavaevane arakai ku bulane kilibake ki Kirisitu, mia ki Iva kilrilrigili ki sulrau.

2 Pitiru 3:8

Ai, kinilibakane ka laretesane, yakai ku taingeane ku kaika akarimurane numi: Lu drele ku Tamatama, ku tinarakudrulane ka caili mia ki minaka vavaalane, ku minaka vavaalane mia ki tinarakudrulane ka caili.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 17:2

Kai kawmasane kai latalialalai makanaelre pasalriwnga kwini ki alisu; kai kawmasane kai umawmase la ungulunga makanaelre si kabusuku ku apairairairangeini ka bava.”

Nipadrelane 17:8

Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.

Nipadrelane 20:1

Ala, drelaku ku tangea ku sasiakawlu belenge ku twalai belenge mulebe, ku alrimaini waecenge ku sawsi ki valrulrange si vaeva ka kaludralri ka kicikici.