Nipadrelane 20:2 - Ngudradreadrekadhane Ka Sisiu 魯凱語聖經

² Kwi lasu waruthuku kwini ki baralebale, kaamani kudra sidrumanane ka sulrau, ka Akema, la si Satange, wakerenge iniane patara kudrulu ka caili.

Nipadrelane 20:2 Iomraidhean Croise

Tabekacane 3:1

Kai sulrau yai ikai ki bekace ki Tamatama ka Twaumase sanaka waudriwdripi malrilrigilinga ku salrilrigilane. Ku sulrau la kivaga kwini ki ababai, “Ku Twaumase tengane ka madha kanekane amia numiane kikai sanaka madru ki angatu ikai mawivaivai?”

Tabekacane 3:15

Lri makakabadhasu kavai ki ababai, ku mwabaibalrithi numi lri makakabadha. Kwini lasu lri twithi ki awlrusu; ala lri kacesu pakadula ki alrudrudraneini.”

Yubu 1:7

Ku Tamatama la kivaga ki Satange, “Mwaininiinusu?” La tubalre ku Satange, “Wadadadavacaku kawmasane, mwa kidruanga” la iya.

Isaiya 24:22

Kwi lasu lri malra ki latalialalai sarubu mia ki lapasaalriu, si pwa ki barungulu adringi ki kadaengane. Kwi lasu lri emenge liniane pikai kwini, si ukalavalava ku akelane ku akipathavungane ka vai.

Isaiya 27:1

Kwini ki vai, ku Tamatama lri arakai ku makecenge marangisi ka dramu pathavungu ki baralebale, ka amani kudra tara apapiyaiya padaalru akabalrithi ka sidrumane ka sulrau, lai lri papacai kudra tumaelaelane ka waudriwdripi ikai laveke.

Izikile 47:5

Kwi lasu la peelanga twalai kwini papucucubungu lekete tu 500 ka mituru, ku mwadringane ki acilai kaidu wadulrunga pangu talubalre, lu langudhane maka wadulru madu lribate.

Matai 19:29

Adravane ka aneane, kudra ngwalai nakwane si cilringa ku daaneini, si labetakaneini ka sawvalai si labaibai, tamaini si tinaini, lalalakeini, si laumawmaini, lri tara maalra ku walriibate ku sangwa idai ku sapawlrawlravane, si lri malra ku palralrawthu ka niake.

Matai 8:29

Kwini lalasu sa drele ki Yesu, la makakaai karaleale si iya kai, “Lalake ki Twaumase, asu keela upungu naiane? Sakaiyana mutakelane ku zikange wa kelasu pakwalrialri naiane?”

Maruku 4:15

Yakai ku laumawmase ku mia ki sapaivai ka mwacilri makakai ki babiabila ki kadadalranane; kikai lalasu sa kilalra ku vaga ki Twaumase, ku Satange makakaai kela, si malra patwalai ki kidremedreme lini kwidra kilalranga lini ku vaga ki Twaumase.

Maruku 5:7

la akwadrau kawriva, “Lalake ki Abebeelengenga ka Twaumase ka Yesu, asu keela upungu nakwane? Lri cubungaku ki Twaumase kitubi muswane, madha pakwalrialri nakwane!”

Yuhani 12:31

Kikai yakawmasane lri kisaibange; kikai warathudu kawmasane lri kibaebalre.

Yuhani 16:11

ku takidremedremane lini papia ki akisaibangane pasamali, asi lwiyane kikai talialalai ki yakawmasane kiasaibangenga.

Ruma 16:20

Ku wabaai ku sulivatane ka Twaumase lri kabebetethe suburu ki Satange, ku lrika akasalelebeane ikai tailebe ki drapale numi. Ku Tamatamata ka Yesu ani baai numiane ku migemi!

Hiburu 2:14

Kikai lalalake kudra yakai makanaelre ku erai ku beate ka umawmase, ku Yesu la mialri ka thadalrane ku takaumawmasane. Lakamiyaiya kai, ngwakai ki tapacadhaneini, wadulru kabebetethe amudu kudra ki magagemegeme ku puku ki apacadhane ka Akema,

1 Pitiru 5:8

Kipapawlringava padulru, kwidra badha numi ka Akema mia ki raiyungu girigiringi masasawlriwlri dadavace, silasilape ku alredaneini ku umawmase.

2 Pitiru 2:4

Ku Twaumase kai paacepe kwidra ki pasalriu ka sasiakawlu belenge, waverevere liniane puswadriadringi, emenge liniane pikai kadradridrimitane, ukalavalava ku akisaibangane.

Yuda 1:6

Madha karimurimuru kwidra kai pangiamia ki awngane lini, matwase ki taikaiyane lini ka lasasiakawlu belenge, kwini lalasu kiakerenge ikai kwidra apalralrawthanenga kai maka mukerengenga si ikadradridrimitane. Ku Twaumase waemenge liniane pikai kwini, ukalavalava ku akisaibangane ka vai.

Nipadrelane 12:13

Kwini baralebale sa ngithathingale ka kiaverevere pikai lebe, matwase saladha ki twalalake ku sawvalai ka ababai.

Nipadrelane 12:15

Kwini sulrau yakai ilrilrikudru ki ababai, si patwalai ki ngudui burusu palriau ku acilai, ka apakialudrane ki alisu.

Nipadrelane 12:17

Ku baralebale la papia ki ababai kalisi, la katwase kikaruburu ki drumane ka agaganeini, ka makakaruburu ki sanaka umawmase ka paluludu ku drekase ki Twaumase, si masalru si pangimia ku tapelaelane ki Yesu ka patengane ka sabulrwane.

Nipadrelane 12:3

Kai belenge la adrelaneana ku vaevanga ka matiasamaimali ku tangimiane: Yakai ku vaeva ku duduli ka maadrau ka baralebale, twapitu ku awlru, laka mangeale ku lawngu, ku awlru la sipagamucu ku pagamucu ki talialalai.

Nipadrelane 12:4

Kwi baralebale la arakai ku tawthu pelrepelre ku taingeane ki nipautulrwane ki tariau subelebelenge, si verevere pikai lebe. La acegecege ikai cucubungu kwini ki lri tulalakenga ka ababai, lri ukalava kwini ki daini sana kitulalake, lai lri malra thamukulu.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:2

Ku dreleli kwini waudriwdripi mia ki vaeva ka lrikulau; ku drapale mia ki drapale ki cumai, ku ngudui mia ki ngudui ki raiyungu. Ku baralebale la malra ku pukuini ku taetalane ku takatalialaladhaneini si maadrau ka lrekeme baai patuelre kwini ki waudriwdripi.

Nipadrelane 13:4

Wasukubu makanaelre kwini ki baralebale, asi lwiyane kwi baralebale wamalra ku lrekemeini si baai ki waudriwdripi. Kwi lalasu la mialri sukubu kwini ki waudriwdripi, si iya kai, “Aneane ku lri maka kiramau kai ki waudriwdripi? Aneane ku lri maka kiecebe iniane?”

Nipadrelane 20:10

Kudra pamamama liniane ku Akema lri kiverevere pwa ki apwi ka kananu ka baiyu; kwini waudriwdripi si kaika patengane ka yuginsia lri ikainga kwini. Ikai kwini, kwi lalasu lri pivaiyanenga pimaungu kipakwalrialri, kadrwanga ku aisadrane palralrawthu.

Nipadrelane 20:7

Lu tarakudrulunga ka caili, ku Satange lri kimuelebe twalai ki takiemengane;

Nipadrelane 9:11

Yakai ku tangea ku talialalai ku waruthuku liniane; kwini talialalai amani kudra waruthuku ki valrulrange ka sasiakawlu belenge. Ku naganeini arakai ku vaga ki swa Hiburu sia Abadungu, ku vaga ki swa Gurike sia Apulunu.