Nipadrelane 20:12 - Ngudradreadrekadhane Ka Sisiu 魯凱語聖經

¹² La dreelenga naku kudra ki wapacainga ka umawmase, adravane ka tabebelenge ka talelebe, acegecege makanaelre icucubungu ki taetalane. Ku sakukuswane ka pacase ka nibalrulane la mubalrulunga si paipai; ku taingeane laka vaeva ka niake ka mibu mialri paipainga. Ku wapacainga ku umawmase lri singikai ki kakwakudhane lini, si patwalai kilakikai sakukuswane ka pacase ka nibalrulane ku tapacasane, si kisaibange.

Nipadrelane 20:12 Iomraidhean Croise

Lasenai 28:4

Kiatubiaku muswane kaelaela kwi kakwakudhane lini, la pathavungu kwi ngangacane lini; kiatubiaku pathavunga kwi kanganganga lini, singikaiya ku naika akipangimiane lini cugu liniane.

Lasenai 62:12

ku sakialibake ki Twaumase kai akabalribalrithi. Tamatama, singikaiya ku kakudhane ki tangea si pakalreva iniane.

Lasenai 69:28

Ku nagane lini ani twalai ki niake ki mibusu kisupilri; kwi lalasu ani kai kipikai ki lanagane ki kawkawlusu.

Kavagavagane 24:12

Kadrwa ku capilaneli alau lri iyasu, ai ku Twaumase lri singikai ku tapangimianesu kidremedreme saibange muswane. Maka wadrele muswane, pakeela ki adringi ki kidremedremesu. Kwi lasu lri singikai ki kakwakudhanesu kelrete ku apakalrevane apathavungane.

Kavagavagane 24:29

Madha iyaiya kai, “Ku tapiane nakwane, lri tungimiyaiyaku pia iniane! Lri bilriaku!”

Wabulru 12:14

Kai piapiata sanaka manemanenga, ku mathariri ku malisi, adravane kwidra niseketane, ku Twaumase lri saibange patueelre.

Yerimia 17:10

Kwaku ka Tamatama wadrelaku mwadringi ki kidremedreme ki umawmase, pwadriadriingadhaku drele ki kidremedreme ki umawmase; la singikaaiyaku ku kakwakudhane ki umawmase pangibilri iniane.

Yerimia 32:19

Ku kikakesu saniange, ku tangivelevelanesu mwakalrivili; maka wadrelesu ku tangivelevelane ki umawmase, si singikai ku kakwakudhane ki sanaka umawmase bilri iniane.

Daniele 7:10

Kwi taetalane wakelrabe ku madrareeange ka apwi, mia ki mwalwaludru ka vaalru. Ku tathathatha ku laumawmase yakai cucubungu ki taetalane pasikaikai iniane; ku takaakalra ku umawmase acegecege ikai cucubungu iniane. Kwi lasu la kawriva pelaela ku asaibangane, si mubalrulu ku hungu ka ngwakai ki pasalrivane.

Matai 11:22

Nau pudriadriingai pelaela numiane, ikai ki tasaibangane ka vai, ku akipathavungane ki swa Tayre si swa Sidune lrika maliapapaiyana ki akipangimiane numi!

Matai 16:27

Ku Lalake ki Umawmase lubibilrili lri ikai ki lrigu ki Tamaini, si karededele ki sasiakawluini subelebelenge kainganai. Lu kamani kwidra, kwi lasu lri singikai ki kakwakudhane ki tangeea pangibilri iniane.

Luka 10:20

Ai, madha kirimurimu ngwalai ki tapasalaladhane ki aidridringane numiane si kiraragai, pasikaiya kamani ku takipacasane ku nagane numi ikai subelebelenge si kiraragai.”

Nisikawlane 24:15

Papia ki Twaumase piakaiyaku ku thadalrane liniane kudra sidramane, ka sidrama ki sanaka umawmase, anika mathariri ka manganga, lri tara sielane twalai ki wapacai.

Ruma 2:6

Asi lwiyane ku Twaumase lri singikai ku kakwakudhaneini sanaka aneanenga pangibilri iniane.

1 Kurintu 4:5

Lakamani, lu kaiyana kela ku vai yai, kunumi madha kawriariariva sanaka aneanenga ki umawmase. Lri ukalava ku akelane ngusela ki Tamatama ala lri ikai ku bibiilrilinga ku asaibangane; lukamaninga kwidra, lri utaluvaivai kudra niseketane ikadradridrimitane, si putaluvaivai ku nau pangimia iyaiya kidremedreme ki umawmase. Lukamaninga kwidra, sanaka aneanenga lri patwalai ki Twaumase malra ku naika akidrengedrengerane.

2 Kurintu 5:10

Asi lwiyane lri tara acegecege nai icucubungu ki Kirisitu makanaelre, si kisaibange iniane. Sanaka aneanenga lri singikai ku kakwakudhaneini saikai kawmasane, ku mathariri ku ngialisiane, amani ku lri malra ku akipangibilriane.

Pilripi 4:3

Lapapapalrali, lri mialriaku kitubi numiane paraluba liniane kai ki tadrusa, asi lwiyane kai lamali ikai ki awngane ki hukuingi natwapapapalra nakwane, si Kelimine, si la drumane ka redelane kaungu kwalrialri, ku nagane kilakikai umawmase pinacasanenga patuelre ikai ki mibu ka niake ki Twaumase.

Nipadrelane 11:18

Sanaka kuni la kagirimucu kalisi, ai, ku sakaelaelane ki dringelresanesu mabeanga. Wadarurunga ku vai, ku wapacai ku umawmase lri kisaibange; ku sasiakawlusu ka layuginsia, ku umawmasesu, si sanaka mwasakene ukuludru muswane ku umawmase, adravane ka matiausakene ka kai matiausakene, lri malra ku pakalreva makanaelre. Kudra lamabebetethe amudu ki kadaengane ku umawmase lri kipakamudu!

Nipadrelane 13:8

Ku sanaka umawmase kai kawmasane, sakaiyana bekace kai kawmasane kudra nagane la kai kiapacase pikai ki niake ka mibu kudra ki kiapapacai ka Lrulai ka Kiu, lri sukubu kwini ki waudriwdripi.

Nipadrelane 17:8

Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.

Nipadrelane 19:5

Pacuungulu, la ikai ku lingau ku twalai ki taetalane, ku amia kai, “Sanaka sasiakawlu ki Twaumase, ka mwasakene ukuludru ki Twaumase, adravane ka tabebelenge ka talelebe, makitu drengedrengera makanaelre ki Twaumaseta!”

Nipadrelane 2:23

Lai lri papacadhaku ku twapapapalra iniane ku umawmase, ku la swa kiwkai lai lri thingale, ala ka wadrelaku pakela ki kidremedreme si tagathimane ki umawmase. Lri singikaiyaku ku tapiane ki tangeea, si bilri numiane ka tangeea.

Nipadrelane 20:11

Pacungulu, wadreelaku ku lrawlrapungu ku maadrau ka taetalane si kwini ki wanene. Kai belenge si lebe twalai cucubungu iniane ubere, si kai adrelanenga.

Nipadrelane 20:13

Ala, ku laveke pwataluvaivai baai kudra wapacai ku umawmase; ku apacadhane si swa swadriadringi la mialri putaluvaivai si baai ku ruthuku lini ku wapacai ku umawmase. Kilakikai umawmase lri singikai ku kakwakudhane lini kisaibange.

Nipadrelane 20:15

Sanaka kai kiapacase ku nagane pikai ki niake ka mibu, lri makitu kiverevere makanaelre pwadringi ki apwi ka baiyu.

Nipadrelane 21:27

Ai, kudra kaika mabula, matialrase ku kakwakudhane si matavuvulrucu lri kai maka mudaane makanaelre; kathane ku kiapacase ku nagane pikai ki niake ki mibu ki Lrulai ka Kiu, ka lri dulru mudaane.

Nipadrelane 22:12

Ku Yesu amia kai, “Drela, lri padaalrunga naku si kela! Lri ilukaku ku sapakalrevane, singikai ku kakwakudhane ki tangeea baai sanaka aneanenga.

Nipadrelane 3:5

Kudra pamalebe ku umawmase lai lri mialri silaimai ku lrawlrapungu ka laimai; lutumane lri kainaku mwalra ku naganeini patwalai ki tapacasane ki niake. Ikai cucubungu ki Ama si sasiakawluini, lri pathingala naku iniane ala ka swakai nakwane.