Nipadrelane 2:3 - Ngudradreadrekadhane Ka Sisiu 魯凱語聖經

³ Sakiadilanesu, ka napasiakai nakwane si adravane kipadradresenge ku sapapacai, la kai mubere.

Nipadrelane 2:3 Iomraidhean Croise

Lasenai 37:7

Kiadila mukalava ikai cucubungu ki Tamatama; madha ngwalalai ki ngiaradhekane ka umawmase si kwalri kaupungu, madha ngwalalai ku tangimiane ku ngialisiane ku takidremedremane si kai kasulivate ku kidremedreme.

Lasenai 69:7

Amaniaku ku ngwalai muswane si kikaelaela tusinalrelreme, la kadirelenga ku lringau.

Mika 7:9

Kunai napasalriu nai ki Tamatama, lakamani, ki kikai lri tara kiadili nai ku sakaelaelaneini. Ai ki bibiilrilinga, lri pasikai naiane kidrikisi ku vaga, lri pusakai naiane. Lri ililuku naiane pudaane ki ledra; lri tara patakamacamaaca nai drele ku sapalribulaneini.

Maruku 15:21

Sa ikadadalranane, kwini lalasu kiapadradresenge ku tangea ka umawmase, ka sia Simune, ka twalai tali lregelrege ka lri mupairange, kai lalasu la vuutha iniane mwa ubalrithi ki Yesu angeale ku ziwzika (kai Simune swa Kurini, ka tama ki Alikesangeda si Ruhu).

Luka 14:27

Ku kai mwabangalre angeale ku ziwzikaini si tupapalra nakwane, mialri kai lri maka asitu nakwane.

Luka 18:1

Ku Yesu peaelaela liniane ku drumane ku pathalrilriku, ku lrika tainulrinulriane lini, si kai kasulrisulri.

Luka 21:19

Kunumi kakecenga kiadili lri maka dulru numi ngipapalakebe ku niake numi.”

Luka 5:5

Ku Simune la iya kai, “Sinsi, paiyanga nai taleare tukange, la kakadrua ku malra nai ku navaevanga; ai kudra amiasu kikai, nau singikai ku taiyanesu!”

Luka 8:15

Ku makakai ki mathariri ka dae ka sapaivai, amani ki laumawmase sa kilalranga ku vaga ki Twaumase, arakai ku tharirane si patengatengane ka kidremedreme pangimia, kiadili ukalavalava, pakela ku tapumadrwane.”

Yuhani 15:21

Ngwalai nakwane, kwini lalasu lri pia kikai patuelre, asi lwiyane kwi lalasu kai wathingale kudra ki amani ku siakawlu nakwane.

Ruma 12:12

Ikai ki sasiadradrama kirararagadha, ikai ki sapapacai la kiadili, kakalitha si kai kaelaela ku ainulriane.

Ruma 16:12

Aii iyaiyanga ki kwalrialri pasikai ki Tamatama ka lamali ka Turipaina si Turipusa; la aii iyaiyanga ki nikilibakane ka kiasamulamula kaungu pasikai ki Tamatama ka alisu ka Peresi.

Ruma 2:7

Yakai kai la tapangimiane ku kidremedreme pia ku mathariri, si kisamula kisilape ku twalai ki Twaumase ku kiwsakenane, ku lrigu, si kai lri kalisinga ka niake; ku miyaiya kai ku umawmase, ku Twaumase lri baai liniane ku palralrawthu ka niake.

Ruma 8:25

Alaiyasi sidramata kudra kaika nimakadrelane, lri dulruta kiadili ukalava.

1 Kurintu 13:7

Kai sakialibake wadulru pacepe patuelre, papia ki maneemanenga yakai ku salrwane, sasiadradrama, sakiadiadili.

1 Kurintu 16:16

Kunumi kialalra madu ku miyaiya kai ku umawmase, si kwidra papalra lini kwalrialrialri kaungu ku umawmase.

2 Kurintu 10:15

Papianga kudra tali latadre ki takelretane naiane, kudra tulrepengenga ki palrapalra ku awngane kai nai wathuru ngilralrigu. Kathane ku adilane ki salrwane numi ku sidramadrama nai, ku lrika adulrwane nai ikai adringi kudra nikelretane ki Twaumase si pacungucungulu paruswadrau ikai numiane kudra awngane.

2 Kurintu 11:23

Kwi lalasu sasiakawlu ki Kirisitu? Lu paramurane kawriva, ala amaanilringaku! Makwalrialri kai awnganeli, ku tasanguthane kiemenge makaakalra, si kai telrai kilrumai, laka makaakalra ku tamwaneli ku sapapacai.

2 Kurintu 4:1

Kai Twaumase kudra makalithinga mitane, la baai mitane kikai awngane, la kai nai kasulri.

2 Kurintu 4:16

Ngwalai kikai, kai nai masulrisulri. Adravane aru turamuramuru kai kinawmasane nai, kikai abake nai arwa ka bavaavanelringa lukakaiyaiya.

2 Kurintu 5:9

Ku makuciacingalre yai, adravane ikai nai adringi ki swa kawmasanane ka kinawmasane, ku sialaimai ku swa subelebelenganane ku kinawmasane, lri pakiragai nai makanaelre ki Tamatama.

2 Kurintu 6:5

Nakialrumainga nai, kiemenge, kivangavange kitulilisi ki umawmase; kiapakwalri nai, kai kasipelrepelrenge, si ubaisi.

Galatia 6:2

Mavalavala madu siamece ku matelrege ku amece, lu pia numi kai amani ku paluludu ku drekase ki Kirisitu.

Galatia 6:9

Lakamani, lu piata ku mathariri, madha kasulrisulri, alaiyasi kaita kasulri, lu kelanga ku vai lri ikai ku akitalekane.

Pilripi 2:16

malra kwini mathariri turamuru ka patharwakai ki niake ka vaga si pelaela liniane. Lu pia numi kikai, ikai ki takelane ngusela ki Kirisitu ka vai, lri ikainga ku tasakaiyaneli dradradrarane, asi lwiyane kikai lri pelaela ku takwalrianeli patuelre ala ka kai avutha.

Pilripi 4:3

Lapapapalrali, lri mialriaku kitubi numiane paraluba liniane kai ki tadrusa, asi lwiyane kai lamali ikai ki awngane ki hukuingi natwapapapalra nakwane, si Kelimine, si la drumane ka redelane kaungu kwalrialri, ku nagane kilakikai umawmase pinacasanenga patuelre ikai ki mibu ka niake ki Twaumase.

Kulusia 1:11

Anu patwalai ki lrigu ka pukuini malra ku makeecenge ka puku, si ikai ku sakiadiadili tarumara sanaka maneemane. Arakaiya ku sakiaragai ku kidremedreme

1 Tisaruniki 1:3

ikai cucubungu ki Tama ka Twaumase ngulringau ku tapangimiane numi ku takisuswane, arakai ku sakialialibake numi kwalri kaungu, si ka takakeceengane sidrama papia ki Tamatamata ka Yesu Kirisitu.

1 Tisaruniki 2:9

Laretesane lri tara pulringawana numi, ku tatungimiyaiyane nai kisamula kaungu ki vaiyane ki maungu, pakai ku lu pelaelaela nai numiane ku hukuingi ki Twaumase, ku lri kaika akwalriane numi siamece.

1 Tisaruniki 5:12

Laretesane, kiatubi nai numiane, twakucingalre madu kudra la yakai numiane kwalrialri kaungu, kudra la pilri ki Tamatama si kela bulrubulru numiane ku umawmase.

2 Tisaruniki 3:13

Ai, laretesane, madha lrukalruka ku apiane numi ku mathariri.

2 Tisaruniki 3:5

Ku Tamatama ani arake sangiluku numiane, lanu aru thingale kilrialringau ku sakialibake ki Twaumase, si tarumara ku baai ki Kirisitu ku kiadilane ku kidremedreme.

2 Tisaruniki 3:8

la kai nai vutha kane ku aga ki palrapalra, takwalriyane nai kaungu lukavaiyane lukamaungu, pakai ku kaika apacepane pakwalri numiane.

1 Timuthi 4:10

Lakamani, ku kwalri nai kisamula, si ku sasiadradrama pikai ki palralrawthu panianiake ka Twaumase, amanini ku Takipalribulribulane ki sanaka umawmase, laka makadrwadrwa ka Takipalribulribulane kudra ki masalru iniane ka umawmase.

1 Timuthi 5:17

Ka malrigili sangilililuku ka laciwru, inilringa kudra kiasamula ikai ki peaelaela ku vaga ki Twaumase si abubulrwane, lri malra ku nidrimane ku pakalreva.

Hiburu 10:36

Pakai ku apangimiane ku kidremedreme ki Twaumase si tarumara ku palraingingaini, kunumi tara kiadiila.

Hiburu 12:1

Kikai yakainga kai tathathatha ku akasi ki umawmase, mia ki ememe ka ngiathalringulu mitane, lata mwalra kai watelenge patuelre si taikaiyane mitane ka pasalrivane, si kiadili kai kaela papia lailai ku yacucubungu mitane ku kadalranane.

Hiburu 13:13

Ala, la ta mulatadre ki cekele silape iniane, si kisapalra ku takitusinalremeaneini.

Hiburu 6:10

Kai Twaumase aparamaramau, kai lri karimuru ku pasikai numi iniane ku takaungane numi si sakialibake, amani kwidra twalai numiane kai telrai paralubu ki drumane ka sinzia.

Hiburu 6:12

Madha kasalrasalrai, twalralrava kudra la kai maela ku salrwane ku umawmase, la kainganai tarumara ku pukawnunga ki Twaumase.

Hiburu 6:15

Ku Aberahame la kiadili ukalava, sakabilrilanenga la tarumara kudra palrainginga ki Twaumase.

2 Pitiru 1:6

ikai ki thingalane drima ku angikakelretane; ikai ki angikakelretane drima ku sakiadiadili; ikai ki sakiadiadili drima ku usakenane;

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 3:10

Asi lwiyane paluludusu ku drekaseli, si patulrepenge kiadili, lakamani lu kelanga ku akwalriane kai kawmasane, lu kikilrialrialringaunga sanaka umawmase, lri palakebaku muswane.