Nipadrelane 2:26 - Ngudradreadrekadhane Ka Sisiu 魯凱語聖經

^26-28 Kudra pamalebe, la dulru pacuungulu paluludu ku drekaseli ku umawmase pakela ki abibiilrilinga, lri baadhaku iniane ku lrekeme, mararamau ku baai nakwane ki Ama; lri baadhaku iniane ku lrekeme lai rathudu sanaka kuni, lri arakai ku adreme ka ukudru rathudu liniane, mia lu cwake ki dilrungu pakatatuthiri liniane. Lai lri baadhaku ku sapakataleare ka tariau ki pamalebe ka umawmase.

Nipadrelane 2:26 Iomraidhean Croise

Lasenai 2:8

Lu kitubisu, lri patarumaraku baai muswane kai lakuni; kai kawmasane patuelre lai lri ka musuanenga.

Lasenai 2:9

Lri arakaisu ku ukudru ka adreme rathudu liniane; lri tatuthirisu liniane, mia ki watatuthiri ki dilrungu.

Lasenai 49:14

Kwini lalasu mia ki kiu ka nipasudalepanenga muswadriadringi; ku apacadhane lri kamaninga ku taraagu liniane. Ku kinawmasane lini lri ikai swadriadringi kaburau; sana kaliare, ku madringelrese ka umawmase lri akaci liniane.

Daniele 7:18

Ai ku kawkawlu ki Abebeelengenga ka Twaumase lri tarumara ku kindri ki talialalai, lri ngipapikai kikai kindri ki talialalai, pakela lu palralrawlrawlrawthu.”

Daniele 7:22

Sakabilrilinga, la kela kudra yakai palralrawthu, si pusakai ki kawkawlu ki Abebeelengenga ka Twaumase. Ku atarumarane ki kawkawlu ki Twaumase ku kindri ki talialalai wakelanga.

Daniele 7:27

Ku kawkawlu ki Abebeelengenga ka Twaumase lri tarumara ku puku ki kawmasane ki lakuni; ku kindri ki taatalialaladhane lini lri kai kaelanga, ku latararathudu ki kawmasane lai lri kauawngunga pasikai liniane, si pasalaladha liniane.”

Matai 10:22

Ngwalai nakwane kai laumawmase lri kalisi numiane; ai kudra maka kiadili patulrepenge ku umawmase lri tara kipalribulu.

Matai 19:28

Ku Yesu la iya kai liniane, “Nau pelaela numiane, ikai lukabibilrili ki bavane ka zidai, ku Lalake ki Umawmase lu nene ikai ki lrigu ka taetalaneini, kunumi ka twapapapalra nakwane ka umawmase lri nene numi ikai ki tai 12 ka taetalane, si saibange ki swa Iseraylri ka tai 12 ka zuku.

Matai 24:13

Ai, ku maka kiadili patulrepenge ku umawmase lri tara kipalribulu.

Yuhani 6:29

Ku Yesu la tubalre, “Kasalrwa kudra ki sikawluini, amani kikai kudra ani pia ku awnganeli iya ki Twaumase numiane.”

Ruma 2:7

Yakai kai la tapangimiane ku kidremedreme pia ku mathariri, si kisamula kisilape ku twalai ki Twaumase ku kiwsakenane, ku lrigu, si kai lri kalisinga ka niake; ku miyaiya kai ku umawmase, ku Twaumase lri baai liniane ku palralrawthu ka niake.

Ruma 8:37

Kaika amani patuelre! Ikai kai ki ngimiyaiya kai patuelre, sataluta kudra ki kialibake mitane ka Yesu si sabelengenga!

1 Tisaruniki 3:5

Lakamani, ku sikawluli ki Timuthi kainaku lri maka mukalavanga. Ku sikawluli iniane, pakai ku athingalane ku salrwane numi luka ngitwatumane. Kainaku masalru ki Akema ka walrilrigilinga numiane si kakadrwa ku vai ku takaungane nai!

Hiburu 3:6

Ai, ku Kirisitu sakai ki taka Lalakane pangiamia ku kidremedremeini rathudu ki daane ki Twaumase. Alaiyasi kakeecengeta ku sidramadramata, lri ikai ku garangane, lri ikai ku salrwane, amaningata ku wacekecekele ki Twaumase.

Yakubu 2:20

Kunumi ka lamakulrungu ka umawmase, kunumi lri thingale numi “Ku kadrwa ku tangivelevelane ku salrwane yai ka kadrwa ku paluludane”?

1 Yuhani 2:19

Kikai laumawmase kaika swakai kai mitane, lakamani ku katwase lini mitane, alaiyasi ka swakai kai mitane, kai lalasu nai taelre mitane. Ai kai lalasu matwase mitane, ala kamani ku thingaleta kai lalasu ka kaika swakai mitane.

1 Yuhani 3:23

Ku drekaseini yai, lri tara kasalruta ku nagane ki Lalakeini ka Yesu Kirisitu, si pasalaladha ku drekase ki Kirisitu makilibalibake.

1 Yuhani 5:5

Aneane ku lri dulru pamalebe kawmasane? Kathaane ku masalru ki Yesu ka Lalake ki Twaumase ku umawmase ka lri dulru pamalebe kawmasane.

Nipadrelane 2:11

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri kai kimwanga kikabebetethe ku saka kingipusale ku apacadhane.”

Nipadrelane 2:17

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku kudra niseketane ka mana. Lai lri baadhaku iniane ku vaeva ka lrawlrapungu ka lrenege, pinacasane belenge ku bavane ka nagane; kikai nagane, kathane kudra tarwamara ku umawmase, ku drumane ku umawmase kadrwa ku wathingale.”

Nipadrelane 2:7

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku iniane ku kingidri, lri dulru kane kudra madru ki niake ka angatu ka yababengelradhane ki Twaumase.”

Nipadrelane 20:4

La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.

Nipadrelane 21:7

Ku pamalebe ku umawmase lri dulru tarumara kilakikai, amani kai: Lri a Twaumasaku iniane; kwi lasu lai alalake nakwane.

Nipadrelane 22:5

Ikai kwini lri kai ikainga ku dradrimitane; kwi lalasu lai kai murikainga ki ledra ki tinaki si ledra ki vai, asi lwiyane ku Tamatama ka Twaumase amani ku ledra lini. Kwi lalasu lri atalialalai si rathudu, pakeela apalralrawlrawthu.

Nipadrelane 3:12

Kudra pamalebe ku umawmase, lri malraku iniane si tuulrudru ki daane ki Twaumaseli; kwi lasu lrika palralrawthunga kai kidaili. Lri pacasa ku pikai ki kinawmasaneini ku nagane ki Twaumaseli si nagane ki cekele ki Twaumase, amani kudra lri twalai belenge ki Twaumaseli si mulebe ka bavane ka Yerusalrime; lai lri pacasaku pikai ki kinawmasaneini ku bavane ku naganeli.

Nipadrelane 3:21

Kudra pamalebe ku umawmase, lri baadhaku iniane ku maelane ka puku, lri taelre nakwane nene ikai ki taetalaneli, mia nakwane ka pamalebenga, kaiasasane tadrusa nai nene ki Ama ikai ki taetalaneini.

Nipadrelane 3:5

Kudra pamalebe ku umawmase lai lri mialri silaimai ku lrawlrapungu ka laimai; lutumane lri kainaku mwalra ku naganeini patwalai ki tapacasane ki niake. Ikai cucubungu ki Ama si sasiakawluini, lri pathingala naku iniane ala ka swakai nakwane.