Nipadrelane 2:23 - Ngudradreadrekadhane Ka Sisiu 魯凱語聖經

²³ Lai lri papacadhaku ku twapapapalra iniane ku umawmase, ku la swa kiwkai lai lri thingale, ala ka wadrelaku pakela ki kidremedreme si tagathimane ki umawmase. Lri singikaiyaku ku tapiane ki tangeea, si bilri numiane ka tangeea.

Nipadrelane 2:23 Iomraidhean Croise

1 Lacaili 17:18

Manemaneana ku aiyaneli? Wathingalesu ki sasiakawlusu, la baaiyanasu ku lrigu nakwane.

1 Lacaili 28:9

Ku Davidi la kawriva ki Sulumungu, “Lalakeli, kusu thingala ki Tamatama ka Twaumase ki tamasu, saliakavaeva ku kidremedreme marasikai iniane. Ku Tamatama wathingale demedeme ku kidredredremeta si sidramadramata. Lu kipasilapesu iniane, lri tarumara muswane; lu kidailisu iniane, lri kapalralrawthunga cilri muswane.

1 Lacaili 29:17

Wathingalaku kialrialringawsu ku takidremedremane ki umawmase; kiaragaisu ki madringelrese ka umawmase. Arakaiyaku ku patengatengane ka kidremedreme, kiraragai malra kilakikai patuelre patarumara muswane. Wadrelaku ki kawkawlusu mialri ka kiararagai mailuku ku saceacebe kainganai patarumara muswane.

2 Lacaili 6:30

kiatubiaku muswane kilalra liniane, twalai subelebelenge ki taikaiyanesu kilalra liniane, pacepe liniane, si paralubu liniane. Kathanesu ka maka wathingale ki takidremedremane ki umawmase. Kiatubiaku muswane singikaiya ku naika tangimiane lini si marasikai liniane,

Yubu 24:23

Ku Twaumase papadawdalrwana pakasulivalivate liniane, ka kadrwa ku kathekethekelre, ai ku macaini talengethane liniane.

Lasenai 139:1

Tamatama, paladekesu drele nakwane, wathingalesu nakwane.

Lasenai 26:2

Tamatama, kiatubiaku muswane drelaili, la kilrialringau nakwane; kiatubiaku muswane drela kai takidremedremaneli.

Lasenai 44:21

nai tara ka wadrelesu, asi lwiyane wadrelesu paladeke ku niseketane ikai ki kidremedreme ki umawmase.

Lasenai 62:12

ku sakialibake ki Twaumase kai akabalribalrithi. Tamatama, singikaiya ku kakudhane ki tangea si pakalreva iniane.

Lasenai 7:9

Amanisu ku madringelrese ka Twaumase; maka wadrelesu ku kidremedreme ki umawmase. Telenga ku akangangane ki tangangangace ka umawmase, la pakalreva ku tapiane ku mathariri ki makalecege ka umawmase.

Yerimia 11:20

La inulriaku iya kai, “Tamatama ka abebeelengenga ki sanaka kwapingi, amanisu ku aparamaramaraamaunga ka tarasaibaibange; wadrelesu ku takidremedremane ki umawmase. Lri pikaiyaku ki alrimasu kai takitupasalrivananeli; padrelaili ku tapusakaiyanesu nakwane.”

Yerimia 17:10

Kwaku ka Tamatama wadrelaku mwadringi ki kidremedreme ki umawmase, pwadriadriingadhaku drele ki kidremedreme ki umawmase; la singikaaiyaku ku kakwakudhane ki umawmase pangibilri iniane.

Yerimia 20:12

Ai ku Tamatama ka abebeelengenga ki sanaka kwapingi, arakaisu ku aparamaramavane turingaringau; wadrelesu puadringi ki kidremedreme ki umawmase. Padrelaili lu kibilri ku badhali, asi lwiyane ku takitupasalrivananeli wabaadhaku muswane.

Zipania 1:11

Kunumi ka yakai ki talebeane ka valrwalru, karaleala tubi; asi lwiyane ku tarasiwbawbai ku laumawmase wapacainga, ku yakai ku paisu ku umawmase kia mwalrathenga.

Matai 16:27

Ku Lalake ki Umawmase lubibilrili lri ikai ki lrigu ki Tamaini, si karededele ki sasiakawluini subelebelenge kainganai. Lu kamani kwidra, kwi lasu lri singikai ki kakwakudhane ki tangeea pangibilri iniane.

Luka 16:15

Ku Yesu la iya kai liniane, “Kunumi lu icucubungu numi ki laumawmase mia numi ki makalecelecege, ai ku Twaumase paladeke drele ki kidremedreme numi; asi lwiyane ku tukucingacingalreta ka umawmase, ikai ki tadrelane ki Twaumase nikavalracevacane.

Yuhani 21:17

Sa saka kingitulrulu la peelanga ku Yesu kivaga, “Lalake ki Yuhani ka Simune, madalamesu nakwane?” Ku Pitiru amani sa edeede kingitulrulu kivaga iniane ku Yesu, “Madalamesu nakwane?” Iya, la kwalri kidremedreme, si iya kai ki Yesu, “Tamatama, kadrwa ku kaika thingalesu, wathingalesu ala ka madalamaku muswane.” Ku Yesu la iya kai, “Lapwa ki kiuli.

Yuhani 4:16

Ku Yesu la iya kai iniane, “Lu dawlana ki taelrelresu, ala kaynganai kela kai.”

Nisikawlane 1:24

Kwini lalasu wainulri iya kai, “Tamatama, wathingalesu ku kidremedreme sanaka aneanenga; ala pelaela naiane, kai ki tadrusa aneane ku pilrisu

Ruma 14:12

Lu iyane kikai, kuta sanaka aneanenga lri tara papia ki Twaumase pelaela ku tapianeta makanaelre.

Ruma 8:27

Kudra pakeela ki kidremedreme ki umawmase drele ka Twaumase wathingale ku takidremedremane ki Siri, asi lwiyane kai Siri singiakai ku takidremedremane ki Twaumase, si pasikai ki laumawmaseini kitubi.

2 Kurintu 5:10

Asi lwiyane lri tara acegecege nai icucubungu ki Kirisitu makanaelre, si kisaibange iniane. Sanaka aneanenga lri singikai ku kakwakudhaneini saikai kawmasane, ku mathariri ku ngialisiane, amani ku lri malra ku akipangibilriane.

Galatia 6:5

Sanaka aneane ngisasiameca ku ameceini.

Tapelane Drekase 13:11

Lungimia kikai, lu kilalranga ku swa Iseraylri makanaelre kikai ngimiyaiya kai lri mukuludru, lai lri kakadruanga ku umawmase ku walreme pia kikai ngialisiane ka kakudhane.

Tapelane Drekase 17:13

Lu kilalranga ku mapapangale lri makitu mukuludru; lai ka kadrwanga ku nau tupelanga pia ku miyaiya kikai ku nikalrasane ka awngane.”

Tapelane Drekase 19:20

Ku drumane lu kilalra lai lri mialri mukuludru, lai ka kadrwanga ku umawmase ku nau pia amia ku miyaiya kaika ngialisiane.

Tapelane Drekase 21:21

Ku mapapangale ki cekele lri arakai ku lrenege cabiri papacai iniane. Lumiakikai, lri mwalra numi kudra miyaiya kai ku ngialisiane ikai numiane. Ku mapapangale ki swa Iseraylri lri makitu kilalra kikai si mukuludru.”

Hiburu 4:13

Kadrwa ku navaevanga ku adulrwane sekete ki Twaumase, kai nibekacane sanaka manemanenga ikai ki maca ki Twaumase kadrwa ku paidringi. Lri tara icucubunguta iniane makanaelre si pelaela ku tapianeta.

1 Pitiru 1:17

Lu inulri numi, tu Tama kudra singiakai ku kakwakudhane ki umawmase si ka thadaalrane ku patwaladhane saibange ki umawmase ka Twaumase, la kunumi ku taikawmasanane numi kudra vai usakena ukuludru iniane.

Nipadrelane 2:11

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri kai kimwanga kikabebetethe ku saka kingipusale ku apacadhane.”

Nipadrelane 2:7

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku iniane ku kingidri, lri dulru kane kudra madru ki niake ka angatu ka yababengelradhane ki Twaumase.”

Nipadrelane 20:12

La dreelenga naku kudra ki wapacainga ka umawmase, adravane ka tabebelenge ka talelebe, acegecege makanaelre icucubungu ki taetalane. Ku sakukuswane ka pacase ka nibalrulane la mubalrulunga si paipai; ku taingeane laka vaeva ka niake ka mibu mialri paipainga. Ku wapacainga ku umawmase lri singikai ki kakwakudhane lini, si patwalai kilakikai sakukuswane ka pacase ka nibalrulane ku tapacasane, si kisaibange.

Nipadrelane 20:13

Ala, ku laveke pwataluvaivai baai kudra wapacai ku umawmase; ku apacadhane si swa swadriadringi la mialri putaluvaivai si baai ku ruthuku lini ku wapacai ku umawmase. Kilakikai umawmase lri singikai ku kakwakudhane lini kisaibange.

Nipadrelane 22:12

Ku Yesu amia kai, “Drela, lri padaalrunga naku si kela! Lri ilukaku ku sapakalrevane, singikai ku kakwakudhane ki tangeea baai sanaka aneanenga.

Nipadrelane 6:8

Sadrelaku, laka vaeva ka ngilrawlrawlrapungu ka rigi; kudra ngwarigirigi ku nagane sia Wapacai, kai swadriadringi twapapalra iniane. Kwi lalasu wamalra ku puku, si la marasikai erece ki taingeane ki nipau supatane ki kadaengane, lri arakai ku amakakaruburane, silravane, swalrubu, si waudriwdripi ikai lebe papacai ki umawmase.

1 Samuile 16:7

Ai ku Tamatama kawariva ki Samuile, “Madha drele ki tali latadre ka ngiacaeme ku tacebeane kathariri. Kainaku wapilri iniane, asi lwiyane lu drelaku ki umawmase kainaku ngiamia ki umawmase ku tadrelane; kai umawmase wadrele palatadre, wadrelaku pakai ki takidremedremane.”