Nipadrelane 2:19 - Ngudradreadrekadhane Ka Sisiu 魯凱語聖經

¹⁹ Wathingalaku muswane patuelre; wathingalaku ku sakialibakesu, ku salrwanesu, ku sapasikaikaisu, si sakiadiadilisu. Wathingalaku kaiasasane kai piapiasu makaakalra ki siaswalane.

Nipadrelane 2:19 Iomraidhean Croise

Yubu 17:9

Kudra la ngiatatu mwalecege ku umawmase arwa ikai ku salrwane; kudra ngiatatu mabula ku umawmase lri aru kagalremegeme.

Lasenai 92:14

sa pasuludrunga pwamadrumaadrwana, ngiesadhane ku ricingi, ka takasaleseeane kai sulusuludru.

Kavagavagane 4:18

Ku kadalranane ki madringelrese ka umawmase mia ki ledra ki malialiare, arwa ledraleedra, pakeela ku takavaiyanane.

Luka 1:23

Sa palikai ku takipuawngananeini ikai ki daane ki Twaumase, kai Zakaria la katwase mutavanane.

Yuhani 15:2

Sanaka kiaparaisi nakwane ku ricingi la kai pumadru, lai lri kaciane; ku wadulru pumadru ku ricingi, lai lri pudriadringai kaciane, ku lrika arupumadrwaneini.

Kulusia 3:14

La kaika kathane kikai, silaimadha ku sakialibake, asi lwiyane kai sakialibake yai amaanilringa ku apadawdaruru ki kiatulrepenge ka kakwakudhane.

1 Tisaruniki 3:6

Kaiasasane, wakelanga kai Timuthi twalai numiane; si matikiragai ku mailukuini ku ngwakai ki salrwane numi si sakialibake. Amia kai takabarengeerane numi naiane, si apikikawriva naiane, mararaamau nai ku sapiakikawriva nai numiane.

2 Tisaruniki 1:3

Laretesaneli, kunai naika tapasikaiyane nai numiane kiaseaseasene ki Twaumase. Kikai naika apiapiane nai, asi lwiyane kwi salrwane numi maadrau ku taadilane, ku tamakilibalibakane la mialri kaadrau ku taadilane.

1 Timuthi 1:5

Ku pacugane kikai ki sadrekasane ani aru kilibake amia; kikai sakialibake twalai ki mabula ka kidremedreme, alrivilrivi ka gathimi, si patengatengane ka salrwane kainganai ngibwale.

1 Pitiru 4:8

Ku makuciacingalrenga yai tukapatengatengane makilibalibake, asi lwiyane kai sakialibake wadulru ulrau ki lapasalrivane.

2 Pitiru 1:7

ikai ki usakenane drima ku akilibakane ki retesane; ikai ki akilibakane ki retesane drima ku kilibakane patuelre.

2 Pitiru 3:18

Ikaiya ki migemi ki Tamatamata si Takipalribulribulane ka Yesu Kirisitu, si ikai ki athingalaneta iniane, pacungucungulu adili. Ku lrigu ani papia iniane, twalai kaiasasane pakela palralrawthu! Amingi.

Nipadrelane 2:13

Wathingalaku kwi taikaiyanesu amani ku tagemegemane atalialalai ki Satange. Tengatengane kwi kidremedremesu papia nakwane, adravane kipapacai ku taraakasikasi nakwane ka Anetipase ikai ki taikaiyane ki Satange, kaisu wacilri ku salrwanesu papia nakwane.

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!