Nipadrelane 2:18 - Ngudradreadrekadhane Ka Sisiu 魯凱語聖經

¹⁸ “Kusu tigamia si baai ki sasiakawlu belenge ki Tiatira kiwkai, iya kai: “Lalake ki Twaumase, ka amani kudra mia ki wakelrakelrakelrabe ka apwi ku maca, ku drapale mia ki niurathane ka lriwlu ku ledrane, amia kai kawriva:

Nipadrelane 2:18 Iomraidhean Croise

Lasenai 2:7

Kudra talialalai amia kai: Lri pelaelaku kai drekase ki Tamatama. Ku Tamatama amia kai nakwane: Lalakeli muswane; kaikameane atamanga naku muswane.

Daniele 10:6

Ku kinawmasaneini mia ki tinukucingaalrane ka lrenege ledra, ku lringau mia ki lrikace ledra; ku macaini mia ki apwi ledraedra, ku alrima si drapale mia ki niselredrane ka lriwlu likalikathe; ku lingau waelraelrange mia ki laumawmase ka maralealeale.

Matai 17:5

Sa kawrivariva icengecenge ku Pitiru, ku vaeva ka thelare ka ememe la kabungu liniane; la ikai ku lingau ku twalai ki ememe kainganai iya kai, “Kikai yai kathalraili ka lalake, madalamaku iniane, la kilalra pasalaladha iniane!”

Matai 27:54

Ku wakadrekadrenge ki Yesu ku kiacapili ki kwapingi si lakwapingi la drele ku talingilingane si tangimiane patueelre, la makitu mukuludru turamuru, si iya kai, “Kai lasu patengatengane ka Lalake ki Twaumase!”

Matai 3:17

La pacuungulu, ikai ku lingau ku twalai belenge, iya kai, “Kikai amani ku kathalraili ka Lalake, madalamaku iniane.”

Luka 1:35

Ku sasiakawlu belenge la tubalre iya kai, “Ku Siri lri mulebe mwa ki kinawmasanesu; ku puku ki Abebeelengenga ka Twaumase lri lakebe muswane. Lakamani, kwini lri kitulalake ka saniange ka daini Lalake ki Twaumase lri kiiya.

Yuhani 1:14

Ku Vaga aumawmase, si ikai mitane, la suete ku sakialibake si patengane ka sabulrwane. Wadrelengata ku lriguini, kikai lrigu ala amani ku alrane ki beraberathane ka Lalake ki Tama.

Yuhani 1:49

Ku Nathanaile la iya kai, “Sinsi, Lalakesu ki Twaumase, talialalaisu ki swa Iseraylri!”

Yuhani 10:36

Papia nakwane, amaniaku ku pinilriane ki Ama si kisikawlu mwa kai kawmasane. Lalakaku ki Twaumase lu iyaku, twadreadrekase ki Twaumase anu iya nakwane?

Yuhani 3:16

Ku Twaumase mathalrai turamuru ki yakawmasane ka laumawmase, pakeela kudra patarwamara pulebe ki beraberathane ka Lalakeini, pakai kudra ki sanaka masalru iniane ku umawmase ku kaika akamudane, lri tarumaaralringa ku palralrawthu ka niake.

Yuhani 3:18

Ku masalru ki Lalake ku umawmase kai lri kitupasalrivane, ku kai masalru ku umawmase kiatupasalrivanenga, asi lwiyane kai masalru ki beraberathane ka Lalake ki Twaumase.

Yuhani 5:25

Lri pwadriadriingadhaku pelaela numiane, lri kelanga kudra vai, amaninga kikai, ku wapacainga ku umawmase lri kilalra ku lingau ki Lalake ki Twaumase; kudra kialalra, lri siwlri panianiake makanaelre.

Nisikawlane 16:14

Ikai kwini ki lakialalalalra la ikai ku tangea ku twalai Tiatira ki cekele ka ababai, sia Lidia, ka tarakilangalangai ku thilalatadhane ka makalrilau ku awnganeini. Kai alisu musakesakene sukusukubu ki Twaumase; ku Tamatama la muelebe ki kidremedremeini, ku amaka dulrwaneini kicacaligiri kilalra ku takawrivane ki Pawru.

Nisikawlane 8:36

Kai lalasu la lribate ku taluvale ku yakai ku acilai ithili ki kadalranane, kwini mabelenge, la iya kai, “Kai yakaikai kai acilai, kainaku lri maka pikakwa ikai kai kipabanau?”

Ruma 8:32

Adravane ka Lalakeini kai taulra, waalra iniane si baai mitane. Kudra miyaiyanga kikai, kai lri kirimu mialri vutha baai mitane sanaka maneemane?

Nipadrelane 1:11

“Ku drelesu pacasa, ala alra kikai nibalrulane ka hungu si pakatwase baai ki swa Ipisu, Semirena, Peregamu, Tiatira, Saradi, Piladilapia si swa Lawdikia ka pitu ka kiwkai.”

Nipadrelane 2:1

“Kusu tigamia si baai ki sasiakawlu belenge ki Ipisu ka kiwkai, iya kai: “Kudra amani ku waecenge pavanale ku pitu ka tariau, si ikai kabicelrakane ki pitu ka kingi ka tatinakiane dadadavace, amia kai kawriva:

Nipadrelane 2:24

“Ai, kunumi ka tedrane ka kai twapapalra ku taiyane ku ngialisiane ka vaga ikai Tiatira ka umawmase, si kai kibulru kudra sabulrwane ki Satange. Nau pelaela numiane, lri kainaku drimanga baai numiane ku druma ku matelrege ka amece.