Nipadrelane 19:7 - Ngudradreadrekadhane Ka Sisiu 魯凱語聖經

⁷ Ta magaguruguru kiraragai, drengedrengere ku abelenganeini! Asi lwiyane ku vai ku araketane ki Lrulai ka Kiu wakelanga; ku siasilanganeini maka padulruunga.

Nipadrelane 19:7 Iomraidhean Croise

Lasenai 107:42

Ku lamadringelrese ka umawmase sadrele kiararagai turamuru; ku lamanganganga ka umawmase la kameteemetenga nguvagane.

Lasenai 48:11

ku swa Ziyungu ani kiraragai! Ku lacekele ki swa Yuda ani kiraragai! Asi lwiyane ku sasaibanganesu aparamaramau.

Lasenai 9:14

la nau dulru acegecege ikai cucubungu ki swa Yerusalrime, la pelaelaela ku tadrengedrengeraneli muswane patueelre. Lri ngwaladhaku ku tapalribulanesu nakwane si kiraragai.

Kavagavagane 29:2

Lu arutakalra ku madringelrese ka umawmase, ku mapapangale kiararagai; ku manganga ka umawmase lu rathudu, lri daange ku mapapangale.

Senai 3:11

Laababai ki Ziyungu, bwala drela ki Sulumungu ka talialalai. Kwi lasu siapagamucu, takarudrarudranganeini ka vai, takirararagadhaneini ka vai, tinaini ka pasialawbubulu.

Isaiya 52:1

Swa Yerusalrime, pacuna si ngidrakale! Aru sapukwana! Saniange ka cekele ka Ziyungu, sipalimemelra kwi lrigu ka laimai! Ku maelane ka zuku kai lri ngisasingikainga capange mudaane ki lrawlrawdru ki cekelesu.

Isaiya 62:5

Mararamau ki langukathabarane ka marudrange mwa ki tawvailekete, kudra wabekace muswane lri malra muswane sitaelrelre. Mararamau ki warakerakete ka sawvalai lu kadalame ki kiarakerakete ka ababai, ku Twaumasesu mialri kadalame muswane.

Isaiya 66:10

Lri taelre numi ki swa Yerusalrime kiraragai! Sanaka madalame kikai ki cekele ku umawmase naika kiararagai iniane makanaelre! Kunumi ka napasiakai iniane tubi ka umawmase, kikainga taelreanga iniane kiraragai!

Isaiya 66:14

Lu drele numi ku tangimiane kikai patuelre, lri kiraragai numi; lri kathariri kwi kinawmasane numi si ngiradhekane. Lukamaninga kwidra, lri thingale numi nakwane ka Tamatama ka ngiakakamani paralubu ki pasalaladha nakwane ku umawmase; ai papia ki badhali lri kalisiaku.”

Zakaria 9:9

Kunumi ka umawmase ka swa Ziyungu, kiraragadha! Laumawmase ka swa Yerusalrime, putariria! Drela! Wakelakelanga ka talialalai numi! Kwi lasu pamalebenga, si takuputaritariri kainganai, ai ngiatatualebe si ngukai ki ruba, ka vaeva ka tikiane ka ruba.

Matai 1:20

Kai lasu saicengecenge kidremedremedreme ki kikai, ku sasiakawlu ki Tamatama yakai ki sipi kikawriva iniane, iya kai, “Agagane ki Davidi ka Yusepe, madha mukuludru, malra si sitaelrelre ki Malria sikakathane, asi lwiyane kwi alisu twalai ki Siri katawbaliri.

Matai 22:2

“Kai kuni subelebelenge maru amaaninga kudra tangea ka talialalai ka pasiakai ki akarudrangane ki lalakeini padulru ku angiakaneanane.

Luka 12:36

mia ki sasiakawlu lu mukalavalava ki tawki ku akelane twalai ki tangiakaneanane ki marudrarudrange. Ku tawki lu kela si bangebange ki lrawlrawdru, kwini lalasu la makakai pasikai iniane muelebe ku lrawlrawdru.

Yuhani 3:29

Ku lri sitaelrelre kwini ki marudrarudrange ka ababai amani kwini marudrarudrange ka sawvalai; ku talragi ki marudrarudrange ka sawvalai acegecege ikai thili si kilalalalra, sa kilalra ka lingau ki marudrarudrange ka sawvalai la kiraraagai. Laka thadaalrane, wamalranga naku ku kiatulrepenge ka akiragadhane.

2 Kurintu 11:2

Ku dalamaneli numiane pakela ki pathalra, mararaamau ku tapangimiane ki Twaumase numiane. Asi lwiyane mia numi ki mabula ka tawvailekete, lri pakitusiasilanganaku numiane baai ki tangea ka taelrelre, ka amani ku Kirisitu.

Ipisu 5:23

Asi lwiyane kai taelrelre ka sawvalai yai awlru ki taelrelre ka ababai, mia ki Kirisitu ka amani ku awlru ki kiwkai ka kinawmasaneini, laka Takipalribulribulane ki kiwkai.

Ipisu 5:32

Kikai pacase ki Sisiu peaelaela kai maadrau turamuru ka kaika athingalane ka matiasamaimali. Wathingalaku kikai taiyaiyane, amani ki Kirisitu si kiwkai ku tamacacapilane.

Tapelane Drekase 32:43

Lakuni, tupapalra ki kawkawlu ki Tamatama kiraragai! Asi lwiyane ku Tamatama lri pasikai liniane malra ku kiame ki erai. Lri bilri ki badhaini, lri pacepe ku pasalrivane ki kawkawluini.

Pilripi 3:3

Ku patengatengane, ku tarwamara ku patengane ka kiagelregelre ka lrisi, kaika amani lini, amanita. Asi lwiyane ngwakaita ki Ri ki Twaumase kainganai sukubu, ku lrigulriguta yai Yesu Kirisitu. Kaita satalu sanaka ngwakai ki beate ku tapangimiane ku lrisi.

Nipadrelane 11:13

Sakamani kwidra icengecenge, walingilingi kai kadaengane, kwini cekele la kaburuku ku taingeane ki nipaumangealane, ku ngwakai ki lingilingi si pacai wadaruru ki ta 7,000 ku umawmase. Ku tedranenga la makitu kakiwcu la drengedrengere ki yabelenge ka sanianiangenga ka Twaumase.

Nipadrelane 19:9

Ku sasiakawlu belenge ala iya kai nakwane, “Kusu pacasa: Ku kia kidrele kidawlu ku akipaelreane ku akarudrangane ki Lrulai ka Kiu ku umawmase lri kaesai.” Kwi sasiakawlu belenge la iyana kai, “Kikai vaga ki Twaumase patengatengane patuelre.”

Nipadrelane 21:2

La dreelenga naku ku Alrivilrivi ka cekele, amani kudra bavane ka Yerusalrime, twalai ki Twaumase, twalai belenge kainganai mulebe, mia ki ngiaragelane ka kiarakerakete ka ababai ka kaiyanganai kidredresenge ki taelrelreini.

Nipadrelane 21:9

Kudra wamalra ku taipitwane ka kisi, si pasuete ku taipitwane ku amatikurwane lubibilrili, ikai kwini ki tapitu ka sasiakawlu belenge, yakai kudra tangea ku kaiyanganai iya kai nakwane, “Bwala, lri padrelaku muswane kai ki kiarakerakete, amani ku taelrelre ki Lrulai ka Kiu.”

1 Samuile 2:1

Ku Hana la inulri iya kai: Ku Tamatama paswaete ki kidremedremeli ku akiragadhane; ku Tamatama la patangeraranenga kai awlruli. La dulrwaku mulralrakai ki labadha, asi lwiyane palribulu ku Twaumase nakwane, pakiararagai nakwane.