Nipadrelane 19:5 - Ngudradreadrekadhane Ka Sisiu 魯凱語聖經

⁵ Pacuungulu, la ikai ku lingau ku twalai ki taetalane, ku amia kai, “Sanaka sasiakawlu ki Twaumase, ka mwasakene ukuludru ki Twaumase, adravane ka tabebelenge ka talelebe, makitu drengedrengera makanaelre ki Twaumaseta!”

Nipadrelane 19:5 Iomraidhean Croise

Lasenai 115:13

Ku Tamatama lri patarumara subulrubulru baai ki mwasakene mukuludru iniane ka laumawmase, kai apakaelaela ku saniange si kaika saniange thadaalrane kisubulrubulru.

Lasenai 134:1

Lasasiakawlu ki Tamatama, drengedrengera ki Tamatama; sanaka yakai ki maungu marasikaikai ki daane ki Twaumase ka umawmase drengedrengera iniane makanaelre.

Lasenai 135:1

Haliluya! Lasasiakawlu ki Tamatama, drengedrengera ku nagane ki Tamatama.

Lasenai 150:6

Sanaka yakaai ku niake ka kiabekace makanaelre drengedrengera ki Tamatama. Haliluya!

Lasenai 22:23

Ku mwasakene mukuludru ki Tamatama ka umawmase, senadha drengedrengere iniane! Lamwabaibalrithi ki Yakubu, lrigwa iniane! Laumawmase ka swa Iseraylri, musakena mukuludru iniane!

Nipadrelane 13:16

Kai waudriwdripi la vuthana sanaka umawmase, adravane ka lavavalake ka tarudrawdrange, si maesaesai matiakukuru, ku duri si ngialralrailraingi ka umawmase, piakai ki vanale lini si punu lini puhange patuthingale.

Nipadrelane 16:17

Ku mwasakapitu ka sasiakawlu belenge la malra kwini kisi si gugu pikai belenge. La ikai ku akwadrau ka lingau ku twalai ki daane ki Twaumase ka taetalane ki Twaumase, iya kai, “Malrepengenga!”

Nipadrelane 19:18

Kela kane ki beate ki talialalai, ki tamatama ki kwapingi, la kane ku beate ki rigi si ngwarigi, la kane ku beate ki duri, si ngialralrailraingi ka umawmase, si tabebelenge si talelebe ku makaelaela ka umawmase!”

Nipadrelane 20:12

La dreelenga naku kudra ki wapacainga ka umawmase, adravane ka tabebelenge ka talelebe, acegecege makanaelre icucubungu ki taetalane. Ku sakukuswane ka pacase ka nibalrulane la mubalrulunga si paipai; ku taingeane laka vaeva ka niake ka mibu mialri paipainga. Ku wapacainga ku umawmase lri singikai ki kakwakudhane lini, si patwalai kilakikai sakukuswane ka pacase ka nibalrulane ku tapacasane, si kisaibange.

Nipadrelane 7:15

Ngwalai kai, kwi lalasu acegecege icucubungu ki taetalane, si pivai pimaungu ikai ki daane ki Twaumase kawaungu pasikai iniane. Kwini wanene ikai ki taetalane ka Twaumase lri ngikakamani palribulu liniane.