Nipadrelane 19:4 - Ngudradreadrekadhane Ka Sisiu 魯凱語聖經

⁴ Ala kudra, ta 24 ku ciwru si supate ka panianianiake ka waudriwdripi la gurapangane sukusukubu ki wanene ikai taetalane ka Twaumase, si iya kai, “Amingi! Haliluya!”

Nipadrelane 19:4 Iomraidhean Croise

1 Lacaili 16:36

Drengedrengera ki Tamatama ka Twaumase ki swa Iseraylri! Kapalralrawthana drengedrengere iniane! La tarumara ku mapapangale si masiasilange karededele tubalre iya kai, “Amingi!” Kwi lalasu wadrengedrengere makanaelre ki Tamatama.

Nihimi 5:13

Ala kirimwaku mwalra kwidra silaketeli ka lakete, visivisi si iya kai, “Ku Twaumase lri mwalra cilri kwidra kai paluludu ku takiketeketane ku umawmase, lai lri ribici ku daaneini si pikaini sanaka manemanenga, kwi lasu lai lrika kadrwanga ku manemaneemane.” Ku yakai kwini makanaelre la makitu iya kai, “Amingi!” Si la drengedrengere ki Tamatama. Ku latarasangililuku la singikai ku takiketeketane lini pangimiyanga.

Nihimi 8:6

Ku Izera la kawriva, “Drengedrengera ki Tamatama amani ku masanianiangenga ka Twaumase!” Ku mapapangale la makitu ciliki ku alrima, tubalre, “Amingi! Amingi!” Ala pidruru, ku lringau gwaruthungane kela ki daedae sukusukubu ki Tamatama.

Lasenai 104:35

Ku pasalrisalriu ka umawmase ani twalai ki kadaengane kamudu; ku tangangangace ka umawmase ani kai adrelanenga. Rili, drengedrengera ki Tamatama! Haliluya!

Lasenai 106:48

Drengedrengera ki Tamatama ka Twaumase ki swa Iseraylri! Twalai ku nadrumadrumadruma pakela lumamilringi! Sanaka umawmase ani masasilange iya kai: Amingi! Haliluya!

Lasenai 41:13

Ku Tamatama ka Twaumase ki swa Iseraylri ani kidrengedrengere! Ka palralrawthu si kakadrwa ku talikaiyane! Amingi! Amingi!

Lasenai 72:19

Palralrawtha drengedrengere ku lrigu ka naganeini; ku draredrareini ani salraelre ki kadaengane! Amingi! Amingi!

Lasenai 89:52

Ku Tamatama ani kidrengedrengere palralrawthu pakela lumamilringi! Amingi! Amingi!

Yerimia 28:6

“Anatumane la ngimia kikai! Ani singikai ki vagasu si pangimia ku Tamatama! Siadramaku ku apangimiane ki Tamatama ku yugingisu, patwalai Babilunia sawlri iluku pwa kai ku takuciacingalre ku lawbubulu ki daane ki Tamatama si kiaravase makanaelre.

Matai 28:20

si bulru liniane ku apaluludane ku baaili numiane sanaka padradrekaseli. Pulringava! Lrika tatapalraaneli numiane, pakeela ku talikaiyane kai kawmasane.”

Matai 6:13

Madha pakipadradresedresenge naiane ku kai ka amalralremeane nai siamece ku akikituthiathingalane; la palribula naiane pakidaili ki alrima kudra ki ngialisiane.

1 Kurintu 14:16

Lu kaika miyaiya kwini, lu arakaisu ku abake kiaseasene ki Twaumase sikakathane, ikai ki tayelrelreane ku kai wathingale ki vaga ki abake ku umawmase kai pwalringalringau ku taiyanesu lukamanemane, ara maka duulru tupapalra ki kidremedremesu si “Amingi” iya? Kwi lasu kai lri maka thingale luka tumana amiamiasu.

Nipadrelane 15:7

Ku vaeva ikai ki supate ka panianianiake wamalra ku nipasueteane ki pitu ka kingi ka kisi ku elathane ki Twaumase si baai kwini ki tapitu ka sasiakawlu belenge.

Nipadrelane 19:1

Kikai sangilribatenga, kialalraku ku akwadrau ku lingau, miakau la wariariariange ka yabelenge iya kai, “Haliluya, tadrengedrengere ki Twaumase! Ku sapalribulane, ku lrigu, ku lrekeme patuelre twalai ki Twaumase kainganai!

Nipadrelane 19:3

Kwi lalasu la peelanga riariange iya kai, “Haliluya, tadrengedrengere ki Twaumase! Kudra ebelre ki walamalama ki maadrau ka cekele papwabebebelenge kai kareteretege, lri kapalralrawthunga kai idrengere!”

Nipadrelane 19:6

La kilaalra naku ku mia ki twalai ki laumawmase ku lingau, ku elrange mia ki maadrau ka tuturu si dreredrere, iya kai, “Haliluya! Asi lwiyane ku Tamatamata ka sapupukuanenga ka Twaumase atalialalainga!

Nipadrelane 5:14

Ku supate ka panianianiake ka waudriwdripi la tubalre iya kai, “Amingi!” Ku ciwru la makitu guruthungane sukusukubu.