Nipadrelane 19:3 - Ngudradreadrekadhane Ka Sisiu 魯凱語聖經

³ Kwi lalasu la peelanga riariange iya kai, “Haliluya, tadrengedrengere ki Twaumase! Kudra ebelre ki walamalama ki maadrau ka cekele papwabebebelenge kai kareteretege, lri kapalralrawthunga kai idrengere!”

Nipadrelane 19:3 Iomraidhean Croise

Tabekacane 19:28

Kwini lasu la drele paswalebe Sudume si Gumura si palraelre kwini drataane, la drele kwini ki kadaengane twaebebebelre, mia ki ebelre ki talamalamane lu tudilrungu kaingananganai tuebebelre.

Lasenai 104:35

Ku pasalrisalriu ka umawmase ani twalai ki kadaengane kamudu; ku tangangangace ka umawmase ani kai adrelanenga. Rili, drengedrengera ki Tamatama! Haliluya!

Isaiya 34:10

lukavaiyane lukamaungu kwadaladalai, ku ebelre la papubebebelenge, palralrawthu kai idrengedrengere. Ki kikai kadaengane lri pakela ki mwabaibalrithi ka tamatisepeelane, lri kai ikainga ku umawmase kulri ngukakai lribate.

Yuda 1:7

Si kudra yakai Sudume, Gumura, si ngwadadeethe ka lacekele ku umawmase, ngiamia kwidra ki lasasiakawlu belenge, kwidra kakudhane lini wacapange ki sawvalai si ababai, pangilralraingi ki beate lini, lakamani ku kiarakai lini ku kai lri kaedrepenga ka apwi kipathavungu. Kikai miyaiya kikai akipapawlringavaneta sanaka umawmase.

Nipadrelane 14:11

Kudra pakiangeangeange liniane ka ebelre lri palralrawthu kai idrengere ku atuebebelrane. Kudra la wasukubu kwini ki waudriwdripi si waudriwdripi ka samiamiange, si kudra tarwamaranga ku sapatuthingalane ku naganeini, kai lri kasulivatenga pivai pimaungu.”

Nipadrelane 18:18

Kwi lalasu sadrele ku ebelre ku walamalama liniane, maraleale iya kai, “Yainu ku cekele ku lri kiramau kai ki maadrau ka cekele!”

Nipadrelane 18:9

Kudra twapapapalra iniane si ngilralrailraingi kangangaanga kikai latalialalai kawmasane sadrele kwini ki walamalama iniane kudra ebelre maraleale tubi iniane.

Nipadrelane 19:1

Kikai sangilribatenga, kialalraku ku akwadrau ku lingau, miakau la wariariariange ka yabelenge iya kai, “Haliluya, tadrengedrengere ki Twaumase! Ku sapalribulane, ku lrigu, ku lrekeme patuelre twalai ki Twaumase kainganai!

Nipadrelane 19:4

Ala kudra, ta 24 ku ciwru si supate ka panianianiake ka waudriwdripi la gurapangane sukusukubu ki wanene ikai taetalane ka Twaumase, si iya kai, “Amingi! Haliluya!”