Nipadrelane 19:20 - Ngudradreadrekadhane Ka Sisiu 魯凱語聖經

²⁰ Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 19:20 Iomraidhean Croise

Tabekacane 19:24

La pangitutuluku, ku Tamatama la arakai ku kwadaladalai ku balaru patwalai belenge gugu pwa ki cekele Sudume si Gumura.

Yubu 18:15

Ku balrawbawini sa arakainga ku balaru papacai ki la padavake, pamwa ki palrapalra paikaikai.

Lasenai 11:6

Papia ki manganganga ka umawmase pulebe ku lrangele si balaru ka apwi; arakai ku madrareeange ka kelrabe pathavungu liniane.

Isaiya 30:33

Kunadruma, ku Tamatama padulrunga ku taikaiyane, yakai ku madrau ku apwi kulri lama ki tinuhika ki swa Asiria; kikwini taikaiyane swadrau, ka sia Tupithe, waabate pasuete ku angatu. Ku Tamatama lri ipi, mia ki apwi ki thilaru lama kwini ki mabate ka angatu.

Isaiya 34:9

Ku kadravane ki swa Idume lri akabalrithi akurutange, ku kadaengane lri akabalrithi athilaru; ku kuni palraelre mia ki kwadaladalai ka kurutange,

Izikile 24:5

Kudra mathaithariringa ku beate ki kiu pwa ki palungu, la pasuete ku angatu twapwi; si pangiburai, aga kwi culrale si beate.”

Izikile 38:22

Lri arakaiyaku ku swalrubu si atueraeradhane pathavungu iniane. Lri arakaiyaku ku maadrau ka udale, kananu, maadrau ka apwi, si balaru pulebe pwa ki kinawmasane ki ililukuini ka lakwapingi si marasikaikaini ka langiaelre ka kwapingi.

Daniele 11:45

Kwi lasu lri ikai ki maadrau ka laveke si matisalru ka saniange ka lregelrege cegecege ku maadrau ka balrawbau ka daane ki talialalai. Ai ku apacadhaneini wakelanga, kadrwa ku umawmase ku lri dulru palribulu paralubu iniane.”

Daniele 8:24

Ku pukuini arwa swadradrau, ai kai satalu ki pukuini. Kwi lasu lrika amani ku lri amudu; sanaka tapianeini lri tara ngimiya. Kwi lasu lri amudu ki sapukuane ka umawmase si kawkawlu ki Twaumase.

Daniele 8:26

Ki ngwakai ki sapatarumarane ki maungu si mialrealre ka maburusi papianga muswane lalrwai. Kikai maburusi lri tara ngimia; ai kaiasasane seketa maadha pelaelaela, asi lwiyane amanimani ki lukabibilrili kai taiyane.”

Matai 7:15

“Kunumi padulrwa telenge ki kaika patengane ka yuginsia. Kwi lalasu lu kela mucucubungu numiane, ku belenge lu drelane mia ki nikiubawbalane ka kiu, ku adringi yai ala ka malilisi ka tawpungu ubulane.

Tapelane Drekase 29:23

Lri aubulane ku laumawma, ki kadaengane lai lri suete ku balaru si timu, kaika adulrwanenga kaungu, adravane ka laubulu kai lri dulrunga cebe. Ku kadaengane numi lri mia kudra sa kalisi ku Tamatama si kabebetethe ki cekele ki swa Sudume, Gumura, Adema, Zebuime.

Yesua 8:23

Kathaane kudra talialalai ki cekele Ai, kadrwa ku waudripi ku natangeeanga. Ku talialalai ki swa Ai, la kipwalra, si kiiluku mwa cucubungu ki Yesua.

Nipadrelane 14:10

lri ungulu ku makecenge ka bava ki Twaumase; kikai bava kaika nidrimane ku acilai si gugu pikai ki elathane ka dringelresane ka kupuini! Kwi lalasu lri ikai cucubungu ki saniange ka sasiakawlu belenge si Lrulai ka Kiu kipathavungu ikai ki wakelrakelrakelrabe ka apwi si balaru.

Nipadrelane 17:12

“Kudra drelesu ku mangeale ka lawngu amani kudra ki kaiyana pathagili rathudu ka talialalai; ai kwi lalasu lri tarumara ku puku ki talialalai, si taelre ki waudriwdripi rathudu nguvaeva ki zikange.

Nipadrelane 19:19

La dreelenga naku kwini ki waudriwdripi si latalialalai kawmasane, si lakwapingi lini yasarubu yelrelre, si makakaruburu kwini ki ngwarigirigi ku lrawlrapungu ka rigi si lakwapingini.

Nipadrelane 20:10

Kudra pamamama liniane ku Akema lri kiverevere pwa ki apwi ka kananu ka baiyu; kwini waudriwdripi si kaika patengane ka yuginsia lri ikainga kwini. Ikai kwini, kwi lalasu lri pivaiyanenga pimaungu kipakwalrialri, kadrwanga ku aisadrane palralrawthu.

Nipadrelane 21:8

Ai, kudra la makiwcu, kai pangiamia, ngialisiane, papacai ki umawmase, wacapange ki sawvalai si ababai, twalrisi, wasukubu ki samiamiange, si watavuvulrucu kawriva, yakai ku apwi si kananu kudaladalai ka baiyu si ukalavalava liniane; amani kwini kudra saka kingipusale pacai.”

Nipadrelane 22:15

Ai kwidra la kiaparu tawpungu ku kakwakudhane, twalrisilrisi, wacapange ki sawvalai si ababai, papacai ki umawmase, wasukubu ki samiamiange, ku kaika patengane ku vaga si kakwakudhane, lri asuru ilatadre ki cekele makanaelre.

Nipadrelane 9:17

Ikai ki maburusi, wadrelaku kwini ki larigi si ngwarigirigi ka kwapingi. Salakebane ki tuku ka tupi ki ngwarigirigi ku duliane mia ki apwi, ku takasaleseane mia ki salesese ka tinukucingalrane ka lrenege, mia ki thilaru ku buravanane. Ku awlru ki rigi mia ki awlru ki raiyungu, twalai ki ngudwini yakai ku apwi, ebelre, si thilaru kaingananganai burusu.