Nipadrelane 19:2 - Ngudradreadrekadhane Ka Sisiu 魯凱語聖經

² Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”

Nipadrelane 19:2 Iomraidhean Croise

2 Latalialalai 9:7

Lri papacaisu ki tawkisu, ka amani kwini lalake ki Ahabe, ka talialalai kaiasasane. Lu ngimia kikai, pathavungungaku ku tapasalrivane ki Yezebile ka papacai ki yuginsiali si drumane ka sasiakawlu.

Lasenai 19:9

Ku takelretane tukakudhane ki Tamatama tengatengaane, lri ikai palralrawthu; ku taturingaringavane ki Tamatama ngiamiya, si aparamaramau.

Isaiya 25:1

Tamatama, amanisu ku Twaumaseli; lri usakenaku muswane, lri drengedrengeraku ku naganesu. Paiyasu ku pinangu Twaumasane ka puku matisamaimali; pangiamiangasu kudra nikelretaneenga ka apiane.

Daniele 7:26

Ala, ku tarasaibange ka belenge lri saibangenga, si malra ribici ku kindri ki sarathudaneini, la pakisaalru amudu iniane.

Tapelane Drekase 32:35

Ku Tamatama lri bilri ki badha, sana kela ku vai kwini lalasu lri tara pacai. Kudra akamudane ku vai yacucubungunga. Kudra lrika angimiane lukabibilrili la lri padaalrunga si kela.

Tapelane Drekase 32:4

Ku Tamatama amani kudra sapupukuanenga ka tarapalakebe, ku tapianeini kiatulrepenge, aparamaramau. Ku Twaumase patengatengane, matisudralru, ku tasaibanganeini pacengecenge, aparamaramau.

Tapelane Drekase 32:43

Lakuni, tupapalra ki kawkawlu ki Tamatama kiraragai! Asi lwiyane ku Tamatama lri pasikai liniane malra ku kiame ki erai. Lri bilri ki badhaini, lri pacepe ku pasalrivane ki kawkawluini.

Nipadrelane 15:3

La senasenai ku senai ki sasiakawlu ki Twaumase ka Musi si senai ki Lrulai ka Kiu iya kai: Tamatama ka sapupukuanenga ka Twaumase, ku takaunganesu ala matiasalru si matisamali turamuru! Talialalai ki sanaka kuni, ku kadalrananesu ala patengane ka mwalecege!

Nipadrelane 18:20

Swa subelebelenge, kiraragadha! Asi lwiyane kwi alisu mamudunga! Ku laumawmase ki Twaumase, lanisikawlane, si layuginsia, kiraragadha! Asi lwiyane ku Twaumase pusakainga numiane, pathavungunga iniane!

Nipadrelane 18:3

Asi lwiyane sanaka kuni waungulunga makanaelre kikai makecenge ka bava ki pairairange ka ababai, kai latalialalai kawmasane napaswadringainga iniane, kai tarasiwbawbai kawmasane twalai ki takapairairanganeini si samanemanane.”

Nipadrelane 6:10

Kwi lalasu akwadrau tawtau iya kai, “Sanianiangenga ka patengatengane ka magagemegeme ka Tamatama! Luiganenga lri saibangesu ki umawmase lebe, pusakai ku tatueraeradhane nai?”