Nipadrelane 19:18 - Ngudradreadrekadhane Ka Sisiu 魯凱語聖經

¹⁸ Kela kane ki beate ki talialalai, ki tamatama ki kwapingi, la kane ku beate ki rigi si ngwarigi, la kane ku beate ki duri, si ngialralrailraingi ka umawmase, si tabebelenge si talelebe ku makaelaela ka umawmase!”

Nipadrelane 19:18 Iomraidhean Croise

Yerimia 16:4

Kwi lalasu lri ngwalai ki swalrubu si pacai makanaelre; kadrwa ku lri tubi liniane, ku lri dralreke liniane. Kudra kinawmasane lini lri mia ki lrange ka mabate ikai cakena. Kwi lalasu lu kaika kiara silravane, kiakaruburu si pacai; ku la wapacai ku kinawmasane lri aakaneane ki laadhadhame si lawaudriwdripi.

Yerimia 19:7

Lri ikaiyaku kai kabebetethe ku nau pia kwini iyaiya lini makanaelre ki laumawmase ki swa Yuda si swa Yerusalrime. Lri paakaciaku ki badha liniane, si lri papacai liniane. Lri pakanaku ki laadhadhame si waudriwdripi ku wapacai ka kinawmasane lini.

Yerimia 34:20

Lri malraku liniane si baai ki pasanu papacapacai liniane ka badha; ku wapacai ka kinawmasane lini lri akaneane ki ngiapalapalai ka laadhadhame si lawaudriwdripi.

Yerimia 7:33

Ku laadhadhame si lawaudriwdripi lri kainganai si kane ki kinawmasane ki wapacai, kadrwa ku umawmase ku lri dulru pakatwase liniane.

Izikile 29:5

Lri malraku muswane si kudra lakange verevere cilri pucalragulragu. Lai lri pacaisu ikai ubulane, kadrwa ku umawmase kulri dralreke muswane. Lri arakaiyaku ku kinawmasanesu lapu ki ngiapalapalai ka adhadhame si lawaudriwdripi.

Izikile 39:17

Ku abebeelengenga ka Tamatama amia kai nakwane, “Lri tara kawlrau ka umawmase, lri patwalaisu kidruanga dawlu ki makaelaela ka ngiapalapalai walrawlrakwane ka waudriwdripi lani kainganai si kane kwi pasikaili liniane padulru kwi sapatarumarane ka beate. Ikai belenge ki lalregelrege ki swa Iseraylri lri ikai ku matidrareareange ku ngiakanekaneane, kwini lawaudriwdripi lri ikai kwini kanekane ku beate ungungulu ku erai.

Matai 24:28

“Luka taikaiyane ki wapacai ka kinawmasane, ku kwau lri ikaai kwini irurubu.”

Luka 17:37

Ku lasitu la kivaga, “Tamatama, kilakikai lri ikai inu ngimia?” Ku Yesu la tubalre, “Luka taikaiyane ki wapacai ka kinawmasane, ku kwau lri ikaai kwini irurubu.”

Tapelane Drekase 28:26

Ku laadhadhame ku lawaudriwdripi lri kela kane ki kinawmasane numi; kadrwa ku lri maka pakatwase liniane.

Nipadrelane 11:18

Sanaka kuni la kagirimucu kalisi, ai, ku sakaelaelane ki dringelresanesu mabeanga. Wadarurunga ku vai, ku wapacai ku umawmase lri kisaibange; ku sasiakawlusu ka layuginsia, ku umawmasesu, si sanaka mwasakene ukuludru muswane ku umawmase, adravane ka matiausakene ka kai matiausakene, lri malra ku pakalreva makanaelre. Kudra lamabebetethe amudu ki kadaengane ku umawmase lri kipakamudu!

Nipadrelane 13:16

Kai waudriwdripi la vuthana sanaka umawmase, adravane ka lavavalake ka tarudrawdrange, si maesaesai matiakukuru, ku duri si ngialralrailraingi ka umawmase, piakai ki vanale lini si punu lini puhange patuthingale.

Nipadrelane 17:16

Kudra drelesu ku mangeale ka lawngu si kudra waudriwdripi lri kavalracevace kwini ki pairairange, lri ravase ku lamanemaneini patuelre, lai lrika mulaimaimainga kwini alisu; kwi lawaudriwdripi lri lama ku beateini, si arakai ku apwi lama iniane.

Nipadrelane 19:5

Pacuungulu, la ikai ku lingau ku twalai ki taetalane, ku amia kai, “Sanaka sasiakawlu ki Twaumase, ka mwasakene ukuludru ki Twaumase, adravane ka tabebelenge ka talelebe, makitu drengedrengera makanaelre ki Twaumaseta!”

Nipadrelane 6:15

Kai talialalai lebe, si maerece, tamatama ki kwapingi, si sapaiswane, yakai ku puku, duri, si ngialralraingi ka umawmase, lri katwase makanaelre kilepenge ikai ki barungulu si lilibane ka alrisapesape.

1 Samuile 17:44

“Bwala, nau malra kwini wapacai ka kinawmasanesu cilri pakane ki adhadhame si waudriwdripi!”

1 Samuile 17:46

Kaikameane, ku Tamatama lri malra muswane pwa ki alrimali. Lri pamalebeaku muswane, si thiabe ku awlrusu. Lri malraku ku wapacai ka kinawmasane ki swa Pelisitine cilri pakane ki adhadhame ki bulabulai. Lu mia kikai, kai swa kawmasane lai lri thingale ala ka yakai ku tangea ku Twaumase ki swa Iseraylri;