Nipadrelane 19:14 - Ngudradreadrekadhane Ka Sisiu 魯凱語聖經

¹⁴ Ku kwapingi ki swa subelebelenge ngwarigirigi ki lrawlrapungu ka rigi, si silaimai ku lrawlrapungu kabuula ka lalasare ka kaimadhane ka laimai, tupapapalra iniane.

Nipadrelane 19:14 Iomraidhean Croise

Lasenai 68:17

Ku Tamatama lri ililuku ku tathathatha ku rigi ka kwapingi twalai Sinai mudaane ki Alrivilrivi ka taikaikaiyane.

Kavagavagane 31:22

Kwi alisu twasapa ki tapeapecane, la ngipapasikai tulaimai ku kaimadhane si thilalatadhane ka makalrilau.

Isaiya 3:23

la ikaiyana ku niara pelrecane tinunu ka talapu, niara lrekelrekane tinunu ka hankaci, yakaiyana ku salripungai si sakabungane ki lringau; kadrwanga ku navaevanga ku asuru!

Zakaria 14:5

Lri mubere numi, si ngukakaikai ki valrwalru ki Tamatama; ka valrwalru ki drusa ka maecebe ka lregelrege, si daruru kela kavai talikai thili. Lri mubere numi, mia ki cucungulane numi sa mubere ki lingilingi saka talialalai ki swa Yuda ku Uzia. Ku Tamatama ka Twaumaseli lri tara kela mulebe, si mailuku karedele sanaka sasiakawlu belenge.

Matai 21:5

Lu pelaela ki lalalake ki cekele Ziyungu: Drela, wakelanga ka talialalai numi! Kwi lasu ngiatatualebe si ngurigi ibelenge ki ruba, ngwarigi ikai ki lrulai ka ruba.

Matai 26:53

Bekacesu kai thingale, ka lri dulrwaku kitubi ku akiparalubane ki Ama, si lri makakai pakainganai ku tai 12 ku tairubwane ki kwapingi ka sasiakawlu belenge?

Matai 28:3

Ku lringawini mia ki lrikace, ku laimaini la mia ki pasabu ku bulane.

2 Tisaruniki 1:7

si kudra kwalrialri ku umawmase lri pakarededele naiane mukerenge. Lu adrelanenga ikai ki apwi ku Tamatama ka Yesu si sapukwane ka lasasiakawluini belenge, ku Twaumase lri pangimianga pia kikai.

Yuda 1:14

Ku saka ngusipitulanenga ka lamwabaibalrithi ki Adame ka Inuke, papia kai ki lalasu yakainga ku tasakaladhaneini pelaela, amia kai, “Drela, ku Tamatama lri iluku ki tathathatha ki sasiakawlu belenge karedele kainganai.

Nipadrelane 14:1

La pelaku drele, si drele ki Lrulai ka Kiu acegecege ikai lregelrege Ziyungu, ku yakai taelre iniane ta 144,000 ka umawmase; ki punu lini makanaelre wapacase ku naganeini si nagane ki Tamaini.

Nipadrelane 14:20

Kwi budu kiapikai latadre ki cekele ki tapepeane tubava si kidredredre, la ikai ku erai ku mwaludru lriau twalai ki nipeane tubava, si lriau dralreke ku 300 ka kunlri, ku mwadringane lri ikai kau drusa ka mituru.

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 19:11

Sakabilrilanenga, wadrelaku ngwaelebane ka subelebelenge. Drela, ka vaeva ka lrawlrapungu ka rigi, kavai ngwarigirigi amani kudra kiapasi “Patengatengane” si “Asudralrwalrwane”; siatangadrane ki dringelresane kainganai saibange si kikaruburu.

Nipadrelane 19:8

Ku Twaumase wabaainga ki alisu ku lrawlrapungu si likaliikathe ku lalasare ka kaimadhane ka laimai.” (Kwi lalasare ka kaimadhane amani ki dringelresane ku tangivelevelane ki umawmase ki Twaumase.)

Nipadrelane 3:4

Ai, ikai Saradi, yakaiyana kwi laumawmase kwi tapakabulaneana kwi laimai; kikai laumawmase swadalepe silaimai ku lrawlrapungu ku laimai, si tupapalra kiredele nakwane.

Nipadrelane 4:4

Ku ngiathalringulu ku lataetale ki taetalane 24, la ibelenge nene ku ta 24 ku laciwru, si silaimai ku lrawlrapungu, la sitalrupunu ku kingi ka pagamucu.

Nipadrelane 7:9

Sakabilrilinga, wadrelaku, ala ka laumawmase tathathatha, kai asipane ku tatathane. Kwi lalasu twalai ki lakuni, ki cacekele, ki laminzuku, ki makaelaela ku vaga kainganai, si acegecege makanaelre icucubungu ki taetalane si Lrulai ka Kiu, la silaimai ku lrawlrapungu, si ecenge ku ricingi ki abare.