Nipadrelane 19:12 - Ngudradreadrekadhane Ka Sisiu 魯凱語聖經

¹² Ku macaini mia ki apwi kelrakelrabe, la salikakalra sipagamucu. La pacase ikai ki kinawmasaneini ku nagane, ai kathaneini, kadrwa ku umawmase ku wathingale ka manemane ku pacugane.

Nipadrelane 19:12 Iomraidhean Croise

Tabekacane 32:29

Ku Yakubu la kivaga, “Ala pelaelaili, sia aneanesu?” Kwini umawmase la tubalre, “Asingithanga kivaga ku naganeli?” Sa maka iyanga kai kawriva, la subulrubulru ki Yakubu.

Lasenai 8:5

Ai, sabekacesu twa salelelebesu iniane muswane; arakaisu ku lrigu, kiwsakenane tupagamucu iniane.

Takatwasane Izipiti 23:21

Kusu kilalra pasalaladha iniane. Madha kiececebe iniane; asi lwiyane amaniaku ka siakawlu iniane, kai lri pacepe kwidra lawabaebaebalre ku lakakudhane.

Kavagavagane 30:4

Aneanenga ku wamwanga subelebelenge la mulebe mukawmasane? Aneanenga ku ara alrima pwalra ki valrigi? Aneanenga ku arakai ku makalrilau cabu ki acilai? Aneanenga ku wacegecege ku la pagisane ki kadaengane kai kawmasane? Kwi lasu aneane? Wathingalesu? Ku lalakeini sia aneane?

Senai 3:11

Laababai ki Ziyungu, bwala drela ki Sulumungu ka talialalai. Kwi lasu siapagamucu, takarudrarudranganeini ka vai, takirararagadhaneini ka vai, tinaini ka pasialawbubulu.

Isaiya 62:3

Lri kamanisu kudra mathaariri ka pagamucu ikai ki alrima ki Tamatama, apagamucu ikai ki alrima ki Twaumase.

Isaiya 9:6

Yakai ku vaeva ku lrulai ku pasiakai mitane kitulalake! Yakai ku vaeva ka lalake ka sawvalai lri patarumara baai mitane! Kwi lasu lri kela rathudu mitane. Kwi lasu lri kipasi, “Matiasamali ka tarabulrubulru”, “Wadulru sanaka manemane ka Twaumase”, “Palralrawlrawlrawthu ka Tama”, “Rathudane ka talialalai,”

Daniele 10:6

Ku kinawmasaneini mia ki tinukucingaalrane ka lrenege ledra, ku lringau mia ki lrikace ledra; ku macaini mia ki apwi ledraedra, ku alrima si drapale mia ki niselredrane ka lriwlu likalikathe; ku lingau waelraelrange mia ki laumawmase ka maralealeale.

Zakaria 9:16

Ikai kwini ki vai, ku Tamatama ka Twaumase lini lri palribulu liniane, mia ki taraagu lu palribulu ki lakiu patwalai ki sapapacai. Kwi lalasu lri ikai ki kadaenganeini ledra, mia ki tinukucingalrane ka lrenege ikai ki pagamucu ki talialalai,

Matai 11:27

“Ku Ama wabaainga nakwane patueelre. Kathane ku Ama, kadrwa ku umawmase ku wathingale ki Lalake; kathane ku Lalake si kudra palraingi ki Lalake padrele ka umawmase, kadrwa ku umawmase ku wathingale ki Tama.

Matai 21:5

Lu pelaela ki lalalake ki cekele Ziyungu: Drela, wakelanga ka talialalai numi! Kwi lasu ngiatatualebe si ngurigi ibelenge ki ruba, ngwarigi ikai ki lrulai ka ruba.

Matai 28:18

Ku Yesu la dadavace arwadethe liniane, si iya kai liniane, “Ku Twaumase wamalra ku puku kai belenge si kawmasane si baainga nakwane patueelre.

Luka 10:22

“Ku Ama wabaainga nakwane patueelre. Kathane ku Tama, kadrwa ku umawmase ku wathingale ki Lalake lukaaneane; kathane ku Lalake si kudra palraingi ki Lalake pelaela ka umawmase, kadrwa ku umawmase ku wathingale ki Tama lukaaneane.”

Yuhani 17:11

Kikai lri mwanga naku muswane kwini, si kai ikainga kawmasane, ai kwi lalasu lri ikaiyana kawmasane. Alrivilrivi ka Ama! Pangukaiya ki naganesu, ka amani kudra baaisu nakwane ku nagane, si palakebe liniane, lani maelrelre si avaevanga, mararaamau ku tamaelreaneta avaevanga.

Yuhani 17:12

Sa ikaiyanaku taelre liniane yai, pangwakaiyaku ku naganesu, kaamani kudra baaisu nakwane ka nagane, palakebe liniane. Palribulaku liniane, ikai liniane kai paelre kudra lri tara kamudu ku umawmase, kadrwa ku natangeanga ku maulrau; kikai yai ngiamianga kudra taiyane ki Sisiu.

Ipisu 1:21

Ikai kwini, ku tarathudane ki Kirisitu walribate patuelre ki amani ku maerece ki ngwababelenge, si magagemegeme ku puku, ki mararathudu, si ngialisiane ka puku, walribate kikai ki asasane kai kawmasane si lubibilrili patuelre ku nagane.

Hiburu 2:9

Wadreelelringata ki Yesu kamani, ka kiapasaleelebe ku tikiyane ku taabelengane ki sasiakawlu belenge, pakai ku apangukaiyane ku migemi ki Twaumase, pasikai ki laumawmase pacai. Kaiasasane, wadreeleta iniane ngwakai kwalri ki apacadhane si malra ku lrigu, si ku civare ki kiwsakenane.

Nipadrelane 1:14

Ku isiuini mia ki pasabu, mia ki ubale ki kiu ku bulane kalrapungu; ku macaini mia ki apwi ka wakelrakelrakelrabe;

Nipadrelane 12:3

Kai belenge la adrelaneana ku vaevanga ka matiasamaimali ku tangimiane: Yakai ku vaeva ku duduli ka maadrau ka baralebale, twapitu ku awlru, laka mangeale ku lawngu, ku awlru la sipagamucu ku pagamucu ki talialalai.

Nipadrelane 13:1

Pacuungulu, wadreelaku ku vaeva ka waudriwdripi ku twalai ki laveke ubelenge. Kwini waudriwdripi mangeale ku lawngu si ka pitu ku awlru, kwini ki lalawngu la sipagamucu ku pagamucu ki talialalai, kwini ki laawlru la pacase sunanagane tusinalrelreme ki Twaumase.

Nipadrelane 19:16

Ikai ki laimaini si drapaleini wapacase ku nagane iya kai, “Talialalai ki sanaka talialalai, Tamatama ki sanaka tamatama.”

Nipadrelane 3:12

Kudra pamalebe ku umawmase, lri malraku iniane si tuulrudru ki daane ki Twaumaseli; kwi lasu lrika palralrawthunga kai kidaili. Lri pacasa ku pikai ki kinawmasaneini ku nagane ki Twaumaseli si nagane ki cekele ki Twaumase, amani kudra lri twalai belenge ki Twaumaseli si mulebe ka bavane ka Yerusalrime; lai lri pacasaku pikai ki kinawmasaneini ku bavane ku naganeli.

Nipadrelane 6:2

Sa drelaku, ku vaeva ka lrawlrapungu ka rigi; kwini ngwarigirigi la ecenge ku bu, si la tarumara ku kibaaini ku civare, ala katwase kikaruburu, la apapelaela pamalebe.

Tamagarange 13:18

Ku sasiakawlu la tubalre, “Asu nau kivagalringa iya ku naganeli? Kwini yai palrealrebane ka nagane.”