Nipadrelane 19:10 - Ngudradreadrekadhane Ka Sisiu 魯凱語聖經

¹⁰ La pidruraku icucubungu ki drapaleini, kisanu sukubu iniane, ai kwi lasu amia kai nakwane: “Madha piapia kikai! Kunaku si kusu, si ladrumane ka sinzia, sanaka palakelakebe ku padreele ki Yesu ku patengatengane ka sabulrwane, maramaraamau ka sasiakawlu. Kusu lri tara sukubusu ki Twaumase.” Asi lwiyane ku padrele ki Yesu ku patengane ka sabulrwane amani kudra wakandu ki layuginsia ka patengane ka sabulrwane.

Nipadrelane 19:10 Iomraidhean Croise

2 Latalialalai 17:36

Kunumi musakena mukuludru nakwane ka Tamatama; naarakaiyaku ku maadrau ku puku iluku numiane katwase Izipiti. Kunumi papiaili pidruru sukubu, patarumara nakwane ku waudriwdripi.

Lasenai 45:11

Ku thariranesu lri mubaisi muswane ku talialalai; amani ku tawkisu, lri pasalaladhasu iniane.

Takatwasane Izipiti 34:14

“Madha sukusukubu ki drumane ka twaumase, asi lwiyane kunaku ka Tamatama kainaku lri maka tarumara kwini kiaecebe nakwane ka twaumase.

Daniele 2:46

Ku Nibukadenezere ka talialalai waguruthungane ikai cakena, papia ki Daniele sukubu, si drekase papia iniane patarumara ku lamanemane si lama ku sangwalreeme.

Daniele 7:10

Kwi taetalane wakelrabe ku madrareeange ka apwi, mia ki mwalwaludru ka vaalru. Ku tathathatha ku laumawmase yakai cucubungu ki taetalane pasikaikai iniane; ku takaakalra ku umawmase acegecege ikai cucubungu iniane. Kwi lasu la kawriva pelaela ku asaibangane, si mubalrulu ku hungu ka ngwakai ki pasalrivane.

Matai 4:10

Ku Yesu la tubalre iya kai, “Satange, katwasa! Kai Sisiu amia kai, ‘Sukuba ki Tamatama ka Twaumasesu, kathane ku apasikaiyane usakene iniane.’ ”

Maruku 5:22

Ikai kwini yakai ku tangea ku mabelenge ki tarakadrekadrenge ki rarubwane ki swa Yuda ka sia Yairu, la mialrini kela. Sa drele ki Yesu la pidruru icucubungu ki drapaleini,

Maruku 7:25

La makakai, ikai ku tangea ku ababai, ku lalakeini ka ababai kiaikai ki aidridringane, sakilalra ku ngwakai ki Yesu la makakaai kainganai drele iniane, si pidruru icucubungu ki drapaleini.

Luka 1:19

Ku sasiakawlu belenge la iya kai, “Amaniaku ku acegecege icucubungu ki Twaumase ka sia Gaberaile; kiasikawlaku pelaela muswane, kai matiakiragai ka vaga.

Luka 24:44

Ala iya kai liniane ku Yesu, “Kikai sanaka maneemanenga patuelre amani kudra sa taelreaku numiane ku pelaelaelali numiane: Kudra hulrice ki Musi, hungu ki yuginsia, si Lasenai kudra pelaelaela patharukai nakwane sanaka manemane lri tara ngimia.”

Yuhani 5:39

Lu silrilrigu numi kai Sisiu, lri dulru patwalai adringi kidringai ku palralrawthu ka niake amia numi; ai ku patengatengane kai vaga ki Sisiu amani ku waakasi nakwane!

Nisikawlane 10:43

Sanaka yuginsia laka pasiakai iniane pelaela; amia kai makanaelre, sanaka masalru iniane, lri dulru ngukai ki naganeini si kipacepe ku pasalrivane.”

Nisikawlane 13:27

Ai, ku yakai Yerusalrime ku umawmase si la tarasangililuku liniane kai wathingale iniane ala ka Takipalribulribulane, la mialri kai pulringalringau kudra nisilrigulrigwane luka Taisadrasadrane ka vai kudra pinacasane ki yuginsia. Kikai lalasu twapasalrivane ki Yesu, ala ka ngiamianga ku yugingi ki yuginsia.

2 Kurintu 8:7

Adravane ka salrwane, lrigilane avavaga, thingalane, parakane paralubu ki palrapalra, si kilibakane naiane, swaete ikai numiane, anatumane la katwabake ikai kikai ki mathariri ka awngane amiaku numiane.

Ipisu 5:15

Lakamani, dradreela kwi kakwakudhane numi. Madha ngialralrau ki kadrwa ku thingale ka umawmase, ngialralrava ki sakidremedremane ka umawmase.

Ipisu 5:33

Ai adulrwane arakai ikai ki kinawmasane numi, kai taelrelre ka sawvalai lri tara kilibake ki taelrelreini, mia lu ngikakilibake, kai taelrelre ka ababai lai lri tara tukuciingalre usakene ki taelrelreini ka sawvalai.

Pilripi 3:3

Ku patengatengane, ku tarwamara ku patengane ka kiagelregelre ka lrisi, kaika amani lini, amanita. Asi lwiyane ngwakaita ki Ri ki Twaumase kainganai sukubu, ku lrigulriguta yai Yesu Kirisitu. Kaita satalu sanaka ngwakai ki beate ku tapangimiane ku lrisi.

1 Tisaruniki 5:15

Dradreela, sanaka aneanenga madha arakaikai ku ngilisianane pangibilri ki ngialisiane, katamakakalikalithana, si kidremedreme papia ku akatharirane amuesadhane ki palrapalra.

Hiburu 1:14

Lu mia kwini, kai sasiakawlu belenge laka manemane? Pasiakaikai ki Ri ki Twaumase; ku Twaumase siakawlu liniane pakainganai si paralubu kwini ki la lri tarumara ku sapalribulane.

Hiburu 12:25

Lakamani, kunumi dradreela, madha pasiwlriwlri kudra kawariva numiane. Asi lwiyane ku kai tarwamara kwidra ki yakai kawmasane pelaelaela ku hukuingi liniane, kai lri dulru ubere ki pasalrivane, alaiyasi kaita tarumara kudra ki twalai belenge kawriva mitane, lrika makuciacingalre ku akatwasaneta ki pasalrivane!

1 Yuhani 5:10

Lakamani, ku masalru ki Lalake ki Twaumase, ku kidremedremeini lri ikai kikai sapelaelane, ku kai masalru ki Twaumase, twasumadraedrangelre ki Twaumase, asi lwiyane kai masalru ki Twaumase ka napasiakainga ki Lalakeini pelaela.

1 Yuhani 5:21

Kunumi ka lalalakeli, kidaila ki kaika patengane ka twaumase!

Nipadrelane 1:1

Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 12:11

Ku laretesaneta ngwakainga ki erai ki Lrulai ka Kiu si tapelaelane lini ku patengane ka sabulrwane si pamalebenga ki baralebale; kwi lalasu pakeela ku walreme ngiacacilri ku niake lini.

Nipadrelane 12:17

Ku baralebale la papia ki ababai kalisi, la katwase kikaruburu ki drumane ka agaganeini, ka makakaruburu ki sanaka umawmase ka paluludu ku drekase ki Twaumase, si masalru si pangimia ku tapelaelane ki Yesu ka patengane ka sabulrwane.

Nipadrelane 14:7

Kwi lasu akwadrau iya kai, “Usakena ukuludru ki Twaumase, si drengedrengere ku sanianganeini! Asi lwiyane wakelanga ku asaibanganeini ki umawmase. Sukuba kudra ki wabekace belenge, kadaengane, laveke, si sanaka berai ka Tamatama!”

Nipadrelane 15:4

Tamatama, aneane ku lri lreme kai musakene si mukuludru muswane? Aneane ku lri kai drengedrengere ki naganesu? Kathaanesu ku amani ku sanianiangenga. Sanaka kuni lri kela makanaelre, si ikai cucubungu muswane sukubu, asi lwiyane ku takaungane ki dringelresanesu athingalanenga utaluvaivai.

Nipadrelane 19:9

Ku sasiakawlu belenge ala iya kai nakwane, “Kusu pacasa: Ku kia kidrele kidawlu ku akipaelreane ku akarudrangane ki Lrulai ka Kiu ku umawmase lri kaesai.” Kwi sasiakawlu belenge la iyana kai, “Kikai vaga ki Twaumase patengatengane patuelre.”

Nipadrelane 4:10

Sakamani kwidra, kwi ta 24 ka laciwru, la icucubungu ki wanene ikai ki taetalane si amani kwidra panianiake palralrawthu guruthungane sukusukubu, kwi lalasu la malra kwi pagamucu lini sarare pikai cucubungu ki taetalane, si iya kai: