Nipadrelane 18:6 - Ngudradreadrekadhane Ka Sisiu 魯凱語聖經

⁶ Kwi alisu ku tapangimiane numiane, lri kitungimiyaiya, lri singikai ku tapianeini si drima bilri iniane. Ku tapiane apaibibu ku bava si baai numiane, lri arukidrima ka parawramuru ku makecenge ka bava si gugu pasuete ki kupuini!

Nipadrelane 18:6 Iomraidhean Croise

Lasenai 137:8

Babilunia, lri kiamudusu; kudra singiakai ku tapianesu naiane ku ngialisiane si bilri muswane ku umawmase, kwini lasu yai ala amani ku yakai ku akaesadhane turamuru!

Lasenai 28:4

Kiatubiaku muswane kaelaela kwi kakwakudhane lini, la pathavungu kwi ngangacane lini; kiatubiaku pathavunga kwi kanganganga lini, singikaiya ku naika akipangimiane lini cugu liniane.

Isaiya 40:2

Pasapukwana ki laumawmase ki swa Yerusalrime, pelaela liniane: Ku sakwalrialri lini makakelretenga; ku pasalrivane lini kiapacepenga. Kunaku ka Tamatama pakiatulrepengenga naku pathavungu ku pasalrivane lini.”

Isaiya 61:7

Kai numi lri kiarubwanenga si kitusinalreme; lri pela numi ikaikai ki kadaengane numi. Lri aru drima kakalra ku akaesadhane numi; lai lri kisupisupilringa numi ku palralrawthu ka akiragadhane.

Yerimia 16:18

Lri pangwaladhaku ku ngilisianane si tapasalrivane si aru drima pathavungu; asi lwiyane kwi lalasu wasukubu kwidra ki kadrwa ku niake, mia ki lawapacai ka samiamiange, wakudrulrunga ki kadaenganeli. Kwi lalasu arakai ku matigiririmucu ka kaika patengane ka latwaumase pasuete ki kikai talikai kai.”

Yerimia 17:18

Kiatubiaku muswane pakiarubwana kwidra twalililisi nakwane, nau kai kamani ku kiarubwane, kiatubiaku muswane pakakiwca liniane, nau kaika amani ku makiwcu. Kiatubiaku muswane pakipadradresenga liniane ku amatikurwane, si pakitulreepenge amudu liniane.

Yerimia 50:15

Ngithalringula ki swa Babilunia si karaleale! Ku swa Babilunia wakusangenga, ku raedre ki cekeleini kiaburukunga kikabebetethe. Wabilribilriaku papia ki swa Babilunia, kunumi la mialria papia liniane bilri; ku tatungimiyaiyane lini ki palrapalra, mialria tungimiyaiya liniane.

Yerimia 50:29

“Sarubwa ki taralrailraili si mucekele kikaruburu ki swa Babilunia. Sanaka wadulru bilakace ki bu si lraili kainangadha makanaelre, si lringulu kai ki cekele, madha pamubebere ku natangeeanga. Singikaiya ku naika akibilrianeini; ku tapianeini ki palrapalra, tungimiyaiya iniane. Asi lwiyane ngiakalrilrigu kiecebe ki Tamatama ka saniange ki swa Iseraylri.

Yerimia 51:24

Ku Tamatama amia kai, “Swa Yuda ka laumawmase, lri dredredrele numi lu papiapiaku ki swa Babilunia si laumawmaseini bilri, asi lwiyane kwi lalasu paiya ku ngialisiane kabebetethe ka Ziyungu.

Yerimia 51:49

Kai swa Babilunia ku tapasalraelreane kawmasane kidruanga ku wapacai, kaiasasane lri ngwalai ku kalrane ku tapapacadhane ki swa Iseraylri si kisaalrunga kawtu. Kwaku ka Tamatama ka amia kikai.”

Silringau 3:64

Tamatama, pathavunga liniane; singikaiya ku kakwakudhane lini si bilri liniane.

Zakaria 9:12

Ku yakai ku sasiadradrama ka laacaicaicali, bwala siwlria! Mwa kai ki asutelraadhane numi. Nau pelaela numiane kaiasasane, lri padrimaku pangicugu numiane.

2 Timuthi 4:14

Kai taradarepe ki lriwlu ka Alikesangeda makalra kai tulililisi nakwane; ku Tamatama lri singikai ku tapianeini bilri iniane.

Nipadrelane 13:10

Kudra lri kiravase, lri tara kiravase; kudra lri kiara lrabu pacai, lai tara kiara lrabu kipapacai. Ngwalai kai, ku umawmase ki Twaumase lri tara ikai ku sakiadiadili si salrwane ku kidremedreme.”

Nipadrelane 14:10

lri ungulu ku makecenge ka bava ki Twaumase; kikai bava kaika nidrimane ku acilai si gugu pikai ki elathane ka dringelresane ka kupuini! Kwi lalasu lri ikai cucubungu ki saniange ka sasiakawlu belenge si Lrulai ka Kiu kipathavungu ikai ki wakelrakelrakelrabe ka apwi si balaru.

Nipadrelane 16:19

Kudra maadrau ka Babilunia la aegacane mautulru; ku cekele ki lakuni la kaburuku mulebe patuelre. Ku Twaumase pwalringalringau ku pasalrivane ki maadrau ka cekele Babilunia, la paungulu iniane ku puku ki Twaumase ka swaete ku elathane ka makecenge ka bava.

Nipadrelane 17:2

Kai kawmasane kai latalialalai makanaelre pasalriwnga kwini ki alisu; kai kawmasane kai umawmase la ungulunga makanaelre si kabusuku ku apairairairangeini ka bava.”

Nipadrelane 17:4

Kwini ababai sialaimai ku thilalatadhane ka duduli ka laimai, si pasuete ku sangiragelanane ku kingi, tinukucingalrane ka lrenege, si sisilu. Ku alrimaini la ecenge ku kupu ka kingi, ki kupu paswaete ku apairairairangeini ka lamatialrase kakudrulru.

Nipadrelane 18:20

Swa subelebelenge, kiraragadha! Asi lwiyane kwi alisu mamudunga! Ku laumawmase ki Twaumase, lanisikawlane, si layuginsia, kiraragadha! Asi lwiyane ku Twaumase pusakainga numiane, pathavungunga iniane!