Nipadrelane 18:23 - Ngudradreadrekadhane Ka Sisiu 魯凱語聖經

²³ Ku tinaki kai lri maka ledranga; lai kai akilalranenga ku tamatatetetengeane ki tawkarudrarudrange. Ku muswane ka tarathathathakai ka umawmase kamani ku sapupukuanenga kawmasane makanaelre; kai kawmasane kai umawmase la mialri kilrilrigili pamama!”

Nipadrelane 18:23 Iomraidhean Croise

2 Latalialalai 9:22

Ku Yurame la kivaga iniane, “Mailukusu ku sulivatane?” Ku Yehu la tubalre, “Bekace ikai ku sulivatane? Ikai ki kunita yakaiyana ku tapiane ki tinasu ka Yezebile ku twalrisilrisi si lasamiamiange, lri ikai ku sulivatane?”

Yubu 21:17

Maedrepenga ku tinaki ki mangangace ka umawmase? Ikai liniane yakainga ku kiapadradresenge ku amatikurwane? Twaumase yakainga ku taikaiyane ki lisiane si pathavungu ki manganga ka umawmase?

Kavagavagane 24:20

Ku manganga ka umawmase kadrwa ku angimiane ku kadalranane, kadrwa ku sidramane.

Isaiya 23:8

Kai swa Tayre yai tangadrane ka cekele; ku tarathathathakai liniane ku laumawmase kiamatikaikai ki laswainunga. Aneane ku pakiapadradresenge liniane kikai miyaiya kai ku mulisiane?

Isaiya 47:9

Kai ka athingathingalane, yasasane, la ngimia kikai taidrusane. Adravane arakaisu ku manemane tulrisi, subulrubulrusu ku sapuswane, lri tara kawlrasesu ki tawanesu si lalake ka sawvalai!

Yerimia 16:9

Amiaku kaika Tamatama, ka abebeelengenga ki sanaka kwapingi, ka Twaumase ki swa Iseraylri: Lri paturaamurunga naku kai dulrunga ngivelevele kai ki kadaengane, kai lri ikainga ku mwalrakalrakai, lai kai lri ikainga ku lingau ki marudrarudrange kapeaperau. Kwi lalasu ku taikawmasanane lini lri kipadradresenge kilakikai.

Yerimia 25:10

Lri kainaku pikainga liniane ku akiraragadhane, lai lri kai ikainga ku lingau ku marudrarudrange kapeapeaperau. Ku tatinakiane lini kadrwa ku tinaki; ku tapasilribulribwane lini ka lrenege kadrwa ku apasilribwane ku taleke.

Yerimia 7:34

Sanaka kadaengane lri pakababitingaku; ku lacekele ki swa Yuda si cekele ki swa Yerusalrime kadrwanga ku kiarararagai si mawlrakalrakalrakai, lai lri kakadrwanga ku marudrarudrange kapeapeaperau ku lingau. Kikai kadaengane lri aubulanenga.”

Nahumu 3:4

Ku tiatiama ki swa Ninivi lri kipathavungu; ku tharirane kwini ki alisu wathalrebeethebe ki umawmase. Ku nganganeini walrilrigili ki lakuni; ku tulrisini watavuvulrucu ki sanaka zuku.

Nisikawlane 8:11

Asi lwiyane kwini lasu maulainga ku taarakaikaiyaneini ku lrisi si pamama liniane, lakamani kwini kiraraketeini turamuru.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 17:2

Kai kawmasane kai latalialalai makanaelre pasalriwnga kwini ki alisu; kai kawmasane kai umawmase la ungulunga makanaelre si kabusuku ku apairairairangeini ka bava.”

Nipadrelane 17:5

Ki punuini la pacase ku nipaidringane ka nagane iya kai, “Maadrau ka Babilunia ka tina ki pairairange kai kawmasane si sanaka matialrase ka lamanemane!”

Nipadrelane 18:22

Kaisu lri maka peelanga kilalra ku lingau ki tarapatungutungutungu si lingau ki tarangibulalrilalri. Lai kai maka kidringainga kudra makaelaela ku lasialrima; lai kai maka kilalranga ku lingau ki pasialribulribu!

Nipadrelane 18:3

Asi lwiyane sanaka kuni waungulunga makanaelre kikai makecenge ka bava ki pairairange ka ababai, kai latalialalai kawmasane napaswadringainga iniane, kai tarasiwbawbai kawmasane twalai ki takapairairanganeini si samanemanane.”

Nipadrelane 18:9

Kudra twapapapalra iniane si ngilralrailraingi kangangaanga kikai latalialalai kawmasane sadrele kwini ki walamalama iniane kudra ebelre maraleale tubi iniane.

Nipadrelane 21:8

Ai, kudra la makiwcu, kai pangiamia, ngialisiane, papacai ki umawmase, wacapange ki sawvalai si ababai, twalrisi, wasukubu ki samiamiange, si watavuvulrucu kawriva, yakai ku apwi si kananu kudaladalai ka baiyu si ukalavalava liniane; amani kwini kudra saka kingipusale pacai.”

Nipadrelane 22:15

Ai kwidra la kiaparu tawpungu ku kakwakudhane, twalrisilrisi, wacapange ki sawvalai si ababai, papacai ki umawmase, wasukubu ki samiamiange, ku kaika patengane ku vaga si kakwakudhane, lri asuru ilatadre ki cekele makanaelre.

Nipadrelane 22:5

Ikai kwini lri kai ikainga ku dradrimitane; kwi lalasu lai kai murikainga ki ledra ki tinaki si ledra ki vai, asi lwiyane ku Tamatama ka Twaumase amani ku ledra lini. Kwi lalasu lri atalialalai si rathudu, pakeela apalralrawlrawthu.

Nipadrelane 6:15

Kai talialalai lebe, si maerece, tamatama ki kwapingi, si sapaiswane, yakai ku puku, duri, si ngialralraingi ka umawmase, lri katwase makanaelre kilepenge ikai ki barungulu si lilibane ka alrisapesape.

Nipadrelane 9:21

Kwi lalasu pasalriu papacai, tulisi, capange ki sawvalai si ababai, kupa ku la miyaiyakai ku pasalrivane, la kai ngitatupela.