Nipadrelane 18:22 - Ngudradreadrekadhane Ka Sisiu 魯凱語聖經

²² Kaisu lri maka peelanga kilalra ku lingau ki tarapatungutungutungu si lingau ki tarangibulalrilalri. Lai kai maka kidringainga kudra makaelaela ku lasialrima; lai kai maka kilalranga ku lingau ki pasialribulribu!

Nipadrelane 18:22 Iomraidhean Croise

Yubu 3:7

Ani amatisepelenga ka kadrwa ku aiyane, ka kadrwa ku kiarararagai ka maungu.

Wabulru 12:4

Kwi calringasu macelenga, kai maka kilalranga ku rariavane ikai kadalranane ki cekele; ku lingau ki la pasialribulribu wasenasenai kaisu maka kialalranga. Ai ku rulungu lu tawsenai, pacunusu.

Isaiya 23:12

Cekele Sidune, ku mathariri ku vaisu ngialribatenga. Ku laumawmasesu kiadrepete, kwi lalasu adravane mubere mu Saipuruse, lri kai sutelrai.

Yerimia 16:9

Amiaku kaika Tamatama, ka abebeelengenga ki sanaka kwapingi, ka Twaumase ki swa Iseraylri: Lri paturaamurunga naku kai dulrunga ngivelevele kai ki kadaengane, kai lri ikainga ku mwalrakalrakai, lai kai lri ikainga ku lingau ki marudrarudrange kapeaperau. Kwi lalasu ku taikawmasanane lini lri kipadradresenge kilakikai.

Yerimia 25:10

Lri kainaku pikainga liniane ku akiraragadhane, lai lri kai ikainga ku lingau ku marudrarudrange kapeapeaperau. Ku tatinakiane lini kadrwa ku tinaki; ku tapasilribulribwane lini ka lrenege kadrwa ku apasilribwane ku taleke.

Yerimia 33:11

Ku lingau ki kiarararagai mawlrakalrakalrakai si marudrarudrange ngiakanekaneane. Lai lri kilalra numi ku patarwamaramara ku Sakiaseasenane ka lrisi ka senai ikai ki daane ki Tamatama; kwi lalasu lri senai: Akiaseasenane ki Tamatama ka abebeelengenga ki sanaka kwapingi! Asi lwiyane kwi lasu masulrapele; ku sakialibakeini lri ikai palralrawthu. Lri pasiwlriaku numiane mubalriu, si tupela tucekele. Tamatamaku; ka amia kikai pelaela.”

Yerimia 7:34

Sanaka kadaengane lri pakababitingaku; ku lacekele ki swa Yuda si cekele ki swa Yerusalrime kadrwanga ku kiarararagai si mawlrakalrakalrakai, lai lri kakadrwanga ku marudrarudrange kapeapeaperau ku lingau. Kikai kadaengane lri aubulanenga.”

Izikile 26:13

Lri paidrengeraku ku senaisu, paalikai ku lingau ki patungutungusu.

Matai 9:23

Ku Yesu la kela ki daane ki mabelenge, la drele ki tarasateateatedre ki tarangirapapa si tarabangebangebange si la maralealeale ka laumawmase,