Nipadrelane 18:18 - Ngudradreadrekadhane Ka Sisiu 魯凱語聖經

¹⁸ Kwi lalasu sadrele ku ebelre ku walamalama liniane, maraleale iya kai, “Yainu ku cekele ku lri kiramau kai ki maadrau ka cekele!”

Nipadrelane 18:18 Iomraidhean Croise

Yerimia 51:37

Ku swa Babilunia lri atawlrakavane, lai lrika taikaikaiyanenga ki tawpungu ubulane, ka takakikiwcanenga ki laumawmase, ka cinilrianenga ka kadaengane, ka kadrwa ku umawmase ku yakaikai.

Nipadrelane 13:4

Wasukubu makanaelre kwini ki baralebale, asi lwiyane kwi baralebale wamalra ku lrekemeini si baai ki waudriwdripi. Kwi lalasu la mialri sukubu kwini ki waudriwdripi, si iya kai, “Aneane ku lri maka kiramau kai ki waudriwdripi? Aneane ku lri maka kiecebe iniane?”

Nipadrelane 14:11

Kudra pakiangeangeange liniane ka ebelre lri palralrawthu kai idrengere ku atuebebelrane. Kudra la wasukubu kwini ki waudriwdripi si waudriwdripi ka samiamiange, si kudra tarwamaranga ku sapatuthingalane ku naganeini, kai lri kasulivatenga pivai pimaungu.”

Nipadrelane 16:19

Kudra maadrau ka Babilunia la aegacane mautulru; ku cekele ki lakuni la kaburuku mulebe patuelre. Ku Twaumase pwalringalringau ku pasalrivane ki maadrau ka cekele Babilunia, la paungulu iniane ku puku ki Twaumase ka swaete ku elathane ka makecenge ka bava.

Nipadrelane 18:16

Kwi lalasu la tubi turamuru, si iya kai, “Kikai maadrau ka cekele! Matiangeange! Matiangeange! Kwi alisu natasilaimadhane ku lalasare ka kaimadhane, ku tinukucingalrane ka thilalatadhane si duduli ka laimai, lakingi, si tinukucingalrane ka lrenege, si sisilu ku tinukucingalrane tusangiragelanane!