Nipadrelane 18:13 - Ngudradreadrekadhane Ka Sisiu 魯凱語聖經

¹³ lai lri ka kadrwanga ku lri langai ku karankange, sangwalreeme ka lawlau, sapasangulrelremane, sangwalreeme ka acilai, lawlau, bava, abera, milrikinku, mugi, lwange, kiu, rigi, palridingi, duri, laumawmase.

Nipadrelane 18:13 Iomraidhean Croise

1 Latalialalai 10:10

Ku ababai ka talialalai ki swa Seba la malra kwini ilukuini ku saceacebe baai ki talialalai ka Sulumungu: Yakai ku lrika 4,000 kukingi ku kingi ku telregane, thathatha ku sapasangulrelremane si lasilu. Ku Sulumungu ka talialalai kadrwana ku tatarumaraneini ku paramia kai ku kalrane ku sapasangulrelremane.

1 Latalialalai 10:15

la ikaiyana ku drumane ku kazilu ki tarasiwbawbai, kipaisu lini ki tarathathakai, kela ki latalialalai ki swa Arabia bulri tuswalupu, si la acebe ki lasutu ki swa talinunga ki tapakadrengane ki lacekele ki swa Iseraylri.

1 Latalialalai 10:25

Kwini lalasu tara wailuku ku taingeane ku saceacebe baai iniane, ku kingi ka takaiyane, gingi ka takaiyane, laimai, sakikaruburuburane, sapasangulrelremane, larigi, ngiririgi. Kikai miyaiya kai pacungulu kawlai ku caili.

1 Lacaili 5:21

Kwini lalasu patwalai ki badha ribici ku 50,000 ku lrakeda, 250,000 ku kiu, 2,000 ku ruba, la ravase ku ta 100,000 ku umawmase.

2 Lacaili 9:9

Ku ababai ka talialalai ki swa Seba la malra kwini ilukuini ku saceacebe baai ki talialalai ka Sulumungu: Lri ikai kau 4,000 ka kukingi ku kingi, thathatha ku sapasangulrelremane si lasilu. Ku Sulumungu kadrwana ku tatarumaraneini ku paramia ki ababai ka talialalai ki swa Seba ku baaini ku tharirane ku sapasangulrelremane.

Nihimi 5:8

la iya kai liniane, “Naarakai nai ku madrau ku puku nai langai sawlri kwini kai maka watumane la ngikakilangai baai ki sakamaelanane ka zuku ka laretesane ka swa Yuda. Kaiasasane kunumi la piana numi kai vutha ki retesane numi ngikakilangai baai ki thadalrane ka sakacekeleini ka swa Yuda!” Kudra la tarasangililuku la kametemete nguvaganenga.

Takatwasane Izipiti 21:16

“Sanaka wakerenge ki umawmase, la malra iniane kilangai aduri, ku wamalra pikai si tuduri, lri tara kipapaacai.

Kavagavagane 7:17

niarakaiyane ku sasulravane, ku aluise, si bakuru ki karangekange ka angatu patuebebelre ki tapeapecane.

Senai 1:3

Ku kinawmasanesu sangwalralreeme; ku naganesu wasarau sangulralreme, kadrwa ku ababai ku kailri kadalame muswane.

Senai 3:6

Kudra twalai calragulragu kainganai mubelenge, mia ki ulrudru ka ememe, la arakai ku kilangai ki la tarasiwbawbai ka sangwalreme si sasulravane patuebelre yai, manemane?

Senai 5:5

Sa lri muelebaku si paudaane iniane; sa ecengaku ki taececengane ki lrawlrawdru, kai alrimali asese ku sasulravane, ki dadiputhane la adidi ku tulu ki sasulravane.

Isaiya 50:1

Ku Tamatama amia kai: Lu kidremedreme numi pakatwasaku ki tina numi? Luka ngimiyaiya kwini, ainu ku baaili ku sapisadrane ku pacase? Lu kidremedreme numi kialangadhaku numiane baai ki taakiamaneli, wabaadhaku ki aneane kilangai? Ku kikilangai numi ngwalai ki pasalrivane numi; ku kicilri ki tina numi ngwalai ki ngangane numi.

Izikile 27:13

La masasiwbai numi ki swa Gurike, swa Tubale, si swa Meseke, arakaisu ku lawbubulu kibalrithi ki laduri si lawbubulu ka lalriwlu lini.

Amuse 2:6

Ku Tamatama amia kai, “Kai swa Iseraylri apapelaela pasalriu, lri tara pathavungaku liniane. Kwi lalasu marau ki paisu, la kilangai ki mwalecege ka umawmase, arakai ku naika balrithane ki kece ka varazi ku paisu kilangai tuduri ki matiakukuru ka umawmase.

Amuse 6:6

La ungulu numi ku malimeme ka bava, si ngisasakidri ku mathaithaariringa ka sangwalreme, ai kai numi watubitubi ku taaru turamuramurane ki swa Iseraylri.

Amuse 8:6

Lri dulru nai tukucingalre ku kai mathariri ku takamugiane, lri silape nai ku kai lri dulru ukiame ku matiakukuru ku umawmase, si arakai ku mararaamau ku vaeva ku sulripa ku kucingalrane ku paisu si langai iniane tuduri.”

Tapelane Drekase 24:7

“Ku aneane ku waravase ki sakacekeleini ka swa Iseraylri, la vutha iniane paaduri, ku kialangai iniane tuduri, kwini lri kipapacai. Patwaladha numiane mwalrathe kikai ngialisiane.

Tapelane Drekase 28:68

Adravane ku Tamatama kawrivanga kai numi lri siwlringa mu Izipiti iya, lri arakaiyana ku tasalriane ki laduri ku varukuru satedre pasiwlri numiane. Ikai kavai, nau ngikakilangai kai kinawmasaneli si aduri ki badha iyaiya, lrika kadrwa ku mwarikai ku lri langai numiane.”

1 Timuthi 1:10

wacapange ki sawvalai si ababai, mamamwa ku tara sawvalai, walrilrigili, watavuvulrucu, wadraedrangelre kawriva ku asakalisiane ki palrapalra, si kilakikai wabaebalre ki kiatulrepenge ka sabulrwane kudra la miyaiya kai ku umawmase.

2 Pitiru 2:3

Kikai kaika patengane ka yuginsia paakai ku angulwadhanane ku ravane lini, arakai ku nibekacane ku abulru si lrilrigili malra ku lawbubulu numi. Twalai kunadruma, ku sasaibangane ki Twaumase tamukalavane ki miyaiya kai ki umawmase, kai lalasu kailri maka ubere ki akamudane!

Nipadrelane 18:14

Kilakikai tarasiwbawbai amia kai iniane, “Kudra kararausu kudra makaelaela ku tathaithariri ka lawbubulu kai adrelanenga; kudra namatidrareangane ku ngiradhekanane maulrawnga, lai kaika amaka asilapanenga pasiwlriwlri!”

Nipadrelane 18:15

Kudra tarasiwbawbai ku yakai kwini ki cekele, si satacekecekelanenga, ngwakai ku kiwcane drele lu kwalrialri kwini alisu, la sadaaili acegecege.