Nipadrelane 17:8 - Ngudradreadrekadhane Ka Sisiu 魯凱語聖經

⁸ Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.

Nipadrelane 17:8 Iomraidhean Croise

Lasenai 69:28

Ku nagane lini ani twalai ki niake ki mibusu kisupilri; kwi lalasu ani kai kipikai ki lanagane ki kawkawlusu.

Daniele 11:45

Kwi lasu lri ikai ki maadrau ka laveke si matisalru ka saniange ka lregelrege cegecege ku maadrau ka balrawbau ka daane ki talialalai. Ai ku apacadhaneini wakelanga, kadrwa ku umawmase ku lri dulru palribulu paralubu iniane.”

Daniele 7:11

Sa icengecengaku dredredrele, kialalrana naku kudra ki tikiyane ka lawngu sa kawrivariva twadradradrau. Sa lengethaku drele, ku mwasakasupate ka maadrau ka waudriwdripi kiapapacai, ku kinawmasane la kicilri pwa ki apwi kilama.

Daniele 7:26

Ala, ku tarasaibange ka belenge lri saibangenga, si malra ribici ku kindri ki sarathudaneini, la pakisaalru amudu iniane.

Daniele 7:3

la ikai ku lamakaelaela ku tangimiane ka supate ku awlru ka maadrau ka waudriwdripi ku twalai ki laveke kainganai mubelenge.

Daniele 7:7

Sa icengecengaku dredredrele, ku mwasakasupate ka maadrau ka waudriwdripi mwataluvaivai. La ngicaeme ku tacebeane matikikiwcu, kwini waudriwdripi arakai ku adreme ka valisi kace si baburau ki nipanane, ala arakai ku drapale dredre. Makakaela kudra ki aswalala ku tulru ka maadrau ka waudriwdripi, mangeale ku lawngu.

Matai 25:34

Ala lri iya kai ku talialalai kwini ki yavanale iniane: ‘Kunumi ka kiasubulrubulru ki Ama ka laumawmase; bwala! La tarumara kai kuni kai twalai saka tabekacane nipadulrwane pasikai numiane.

Luka 10:20

Ai, madha kirimurimu ngwalai ki tapasalaladhane ki aidridringane numiane si kiraragai, pasikaiya kamani ku takipacasane ku nagane numi ikai subelebelenge si kiraragai.”

Luka 8:31

Kwi laaidridringane la kitubi ki Yesu, ku kaika amalrane liniane pakatwase pwadringi ki valrulrange.

Yuhani 17:24

“Ama! Kwini ki lalasu wabaaingasu nakwane; lu ikainwaku, ani taelre nakwane ikai kwini, pakai ku adrelane lini ku baaisu nakwane ku lrigu, asi lwiyane sakaiyana bekace kawmasane, kialibakengasu nakwane.

Nisikawlane 15:18

“Kwidra twalai kunadruma si padrekadrekase kikai ka Twaumase amia kikai pelaela.”

Ipisu 1:4

Sakaiyana bekace kawmasane, ku Twaumase pangwakainga ki Kirisitu si pilri mitane, la dulruta ikai cucubungu iniane alrivilrivi, si kakadrwa ku natikiyanenga ku pwalane ka umawmase.

Titu 1:2

kikai patengane ka sabulrwane yai arakai ku sasiadradrama ki palralrawthu ka niake tutangadrane. Kudra kai madraedrangelre ka Twaumase, sakaiyana ikai sanaka maneemane, palrainginga baai mitane kikai palralrawthu ka niake,

1 Pitiru 1:20

Ku Kirisitu yai pilri ki Twaumase sa kaina bekace kawmasane, laka ngwalai numiane mutaluvaivai ikai kai ki bilrilanenga ki lrikisi.

Nipadrelane 11:7

Kwi lalasu sapelaelanga ku vaga ki Twaumase, kudra kaiyanganai twalai ki valrulrange ka waudriwdripi lri kikaruburu liniane, lai pamalebe liniane, si lri papacai liniane.

Nipadrelane 17:11

Kudra napanianiake, kikainga lai kai lri pelanga panianiake ka waudriwdripi, amani kudra mwasakavalru ka talialalai; kwi lasu laka mialri ikai kwini ki tapitu ka talialalai, ka yacengecenge katwatwase papia ki akamudane.

Nipadrelane 17:2

Kai kawmasane kai latalialalai makanaelre pasalriwnga kwini ki alisu; kai kawmasane kai umawmase la ungulunga makanaelre si kabusuku ku apairairairangeini ka bava.”

Nipadrelane 20:10

Kudra pamamama liniane ku Akema lri kiverevere pwa ki apwi ka kananu ka baiyu; kwini waudriwdripi si kaika patengane ka yuginsia lri ikainga kwini. Ikai kwini, kwi lalasu lri pivaiyanenga pimaungu kipakwalrialri, kadrwanga ku aisadrane palralrawthu.

Nipadrelane 20:12

La dreelenga naku kudra ki wapacainga ka umawmase, adravane ka tabebelenge ka talelebe, acegecege makanaelre icucubungu ki taetalane. Ku sakukuswane ka pacase ka nibalrulane la mubalrulunga si paipai; ku taingeane laka vaeva ka niake ka mibu mialri paipainga. Ku wapacainga ku umawmase lri singikai ki kakwakudhane lini, si patwalai kilakikai sakukuswane ka pacase ka nibalrulane ku tapacasane, si kisaibange.

Nipadrelane 20:15

Sanaka kai kiapacase ku nagane pikai ki niake ka mibu, lri makitu kiverevere makanaelre pwadringi ki apwi ka baiyu.

Nipadrelane 3:10

Asi lwiyane paluludusu ku drekaseli, si patulrepenge kiadili, lakamani lu kelanga ku akwalriane kai kawmasane, lu kikilrialrialringaunga sanaka umawmase, lri palakebaku muswane.

Nipadrelane 3:5

Kudra pamalebe ku umawmase lai lri mialri silaimai ku lrawlrapungu ka laimai; lutumane lri kainaku mwalra ku naganeini patwalai ki tapacasane ki niake. Ikai cucubungu ki Ama si sasiakawluini, lri pathingala naku iniane ala ka swakai nakwane.