Nipadrelane 17:14 - Ngudradreadrekadhane Ka Sisiu 魯凱語聖經

¹⁴ Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 17:14 Iomraidhean Croise

Lasenai 110:5

Ku Tamatama yakai ki vanalesu; lu kalisi yai lri lrumai ki latalialalai.

Yerimia 1:15

Asi lwiyane lri sarubwaku ki swa tali dradha sanaka kuni; ku talialalai lini lri ngithalringulu ikai taelelebane ki cekele si kepale Yerusalrime, si swa Yuda sanaka ceekele pacegecege ku puku ki sihu lini.

Yerimia 50:44

“Drela, ngiamia ki raiyungu ka matwase ki angatungatu babiabila ki vaalru kadravane Yuredange, la kainganai mwa ki takasaleseane ki ubulu ka tapagwagwagwane; thadaalrane, lri aru padeethaku, vutha ki swa Babilunia pangitutuluku pamubere katwase ki kadaengane lini. Ku pilrili kulri rathudu ala lri rathudu kai ki kuni. Aneane kulri dulru kiraramau nakwane? Aneane kulri lreme kiecebe nakwane? Amani ki inu ku tararathurathudu kulri lreme baebalre nakwane?

Daniele 2:44

Kudra warathudu lu icengecengeana itaetalane, ku Twaumase ka yabelenge lri cegecege ku vaeva ku kadrwa ku alikaiyane ka kuni. Kikai kuni kai lri kipamalebe lutumane, lri amudulringa kamani ki sanaka kuni lai lrika palralrawthunga ikai.

Daniele 2:47

Ku talialalai amia kai, “Amani sa lalrwaisu kikai kaika athingalane ka matiasamaimali, wathingalaku ki Twaumasesu ka sanianiangenga ki latwaumase, Tamatama ki sanaka talialalai, padrele ku kaika athingalane ka matiasamaimali ki Twaumase.”

Daniele 7:21

Sa icengecengaku dredredrele, kwidra tikiyane ka lawngu si kawkawlu ki Twaumase la makakaruburu si pamalebe liniane.

Zakaria 2:8

Ku aneane ku walrumai numiane, maru walrumainga kudra ki kadadaalamengali.” Lakamani kudra lrigu ka Tamatama ka abebeelengenga ki sanaka kwapingi ala sikawlu nakwane patuluru pelaela kikai lebenga kai vaga, papia kudra ki nawaravasenga ki kawkawluini ka lakuni,

Matai 22:14

Ku bibiilrilinga, ku Yesu amia kai, “Ku kiadawlu ku umawmase takaalra, ai ku nipilriane ku umawmase tabeekele!”

Matai 25:40

Ku talialalai lai lri tubalre iya kai, ‘Nau pudriadriingai pelaela numiane, kilakikai paiya numi pikai ki titikiyanenga ikai ki twapapapalra nakwane, amaninga ku pasiakai nakwane!’

Matai 28:18

Ku Yesu la dadavace arwadethe liniane, si iya kai liniane, “Ku Twaumase wamalra ku puku kai belenge si kawmasane si baainga nakwane patueelre.

Yuhani 15:16

Kai numi ka amani ku wapilri nakwane, amaniaku ku wapilri numiane, si sikawlu numiane katwase pumadru kudra lrika taikaiyane ka madru. Lu pangukai numi ku naganeli, adravane papia numi ki Ama kitubi ku manemane, lri tara baai numiane.

Ruma 1:6

Kikai mialri ka kiapaelre numi ka la yakai Ruma, ka kiapilri ki Twaumase si ka swakainga ki Yesu Kirisitu ka umawmase.

Ruma 8:30

Ku Twaumase paswalanga pilri kwini ki umawmase, la dawlu liniane; ku dawluini ku umawmase, peaelaela pasudalepe tumadringelrese ka umawmase; ku pelaelaini pasudalepe tumadringelrese ka umawmase, pakiasupilri liniane ku lrigu.

Ruma 8:37

Kaika amani patuelre! Ikai kai ki ngimiyaiya kai patuelre, sataluta kudra ki kialibake mitane ka Yesu si sabelengenga!

1 Kurintu 15:24

Ala lri kela ku satwalrepenge; lukamaninga kwini, ku Kirisitu lri pakamudu patuelre ku puku ki amani ku warathudu si amani ku magagemegeme ku puku ikai ki ngwakai ki abake, lai sawlri ku puku ki talialalai baai ki Tama ka Twaumase.

Tapelane Drekase 10:17

Ku Tamatama ka Twaumase numi Twaumase ki sanaka twaumase, Tamatama ki sanaka tamatama. Amanini ku sanianiangenga, ka sapupukuanenga, lri tara ka amani ku kia musakene ka Twaumase. Kai lri apakaelaela, kai lri kikakadra malra ku pavangalre.

1 Timuthi 6:15

Ku Twaumase lri ikai kudra ki tautakelananenga ka vai si paathingalane iniane, ku Twaumase yai lri kidrengedrengere, tangeangea ka Twaumase, talialalai ki sanaka talialalai, Tamatama ki sanaka tamataama.

2 Timuthi 2:4

Ku tangea ka umawmase lu mukwapingi nau kikiragai ki tabebelenge lwiya, kai lri maka upungu iniane ku twalai latadre ki takwapingane ku laawngane.

1 Pitiru 2:9

Ai, kunumi yai pinilriane numi ka vaeva ka zuku, ka barakalai ki talialalai, mabula ka kuni, laumawmase ki Twaumase. Ku Twaumase wapilri numiane pakatwase ki kadradridrimitane, si mwa ki ledraini, la pelaelaela ku matiasamaymali ku takaunganeini.

Nipadrelane 11:7

Kwi lalasu sapelaelanga ku vaga ki Twaumase, kudra kaiyanganai twalai ki valrulrange ka waudriwdripi lri kikaruburu liniane, lai pamalebe liniane, si lri papacai liniane.

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

Nipadrelane 2:10

Madha ukulukuludru ku lrika akipadradresenganesu ku akwalriane. Drela! Lri kilrialringau numiane kwi Akema, lai malra patwalai numiane ku tapiya ku umawmase si pwadringi ki takiememengane; lri kipakwalri numi ku minaka mangealane. Kapatengatengana kwi kidremedremesu pakela ki wapacai, la nau baai muswane ku civare ki niake.

Nipadrelane 2:13

Wathingalaku kwi taikaiyanesu amani ku tagemegemane atalialalai ki Satange. Tengatengane kwi kidremedremesu papia nakwane, adravane kipapacai ku taraakasikasi nakwane ka Anetipase ikai ki taikaiyane ki Satange, kaisu wacilri ku salrwanesu papia nakwane.

Nipadrelane 3:21

Kudra pamalebe ku umawmase, lri baadhaku iniane ku maelane ka puku, lri taelre nakwane nene ikai ki taetalaneli, mia nakwane ka pamalebenga, kaiasasane tadrusa nai nene ki Ama ikai ki taetalaneini.