Nipadrelane 16:6 - Ngudradreadrekadhane Ka Sisiu 魯凱語聖經

⁶ Kwi lalasu napamwaludrunga ku erai ki umawmase ki Twaumase si layuginsia, kaiasasane la baingasu paungulu liniane ku erai; kikai yai akicugane lini kibilri!”

Nipadrelane 16:6 Iomraidhean Croise

2 Latalialalai 24:4

kai lasu yakai Yerusalrime paturaerai ki tapaangale ku kadrwa ku pasalrivane ka umawmase, ku Tamatama kai palraingi ku pacepe ki Manase.

Takatwasane Izipiti 21:24

luka maca lri biilri pamaca, luka alrima lri biilri palrima, luka drapale lri biilri padrapale,

Takatwasane Izipiti 7:17

Ku Tamatama amia kai, kikai lri patwalaisu ki tapangimianeini la thingale ala ka amanini ku Tamatama. Drela, lri arakaiyaku kikai ukudru sititi ki acilai kadravane, kai acilai lai akabalrithi aerai,

Isaiya 49:26

Kudra wadredredrepete muswane lri pamapapacapacadhaku liniane; kwi lalasu lri ngwalai ku taungulane ku erai lini si kabusuku tubakebake. Lukamani kwidra kai kiacaebe ki belenge lri thingale, amaniaku ku palribulu muswane ka Tamatama; amaniaku ku tarapalribulu muswane, ka sapupukuanenga ka Twaumase ki swa Iseraylri.

Yerimia 2:30

Lu pathavungaku numiane kadrwa ku taadilane, asi lwiyane kainu mwabangalre kibulru. Mararamau ki malisilisi ka raiyungu, papacai numi ki yuginsia numi.

Yerimia 26:11

Ku labarakalai si layuginsia la papia ki latabebelenge si laumawmase kukusu nakwane; kai lalasu amia kai, “Kai umawmase kai apapacadhane, asi lwiyane kai lasu wasakalai tulilisi kai ki cekele; kialalranga numi makanaelre.”

Yerimia 26:16

Ku tabebelenge si laumawmase ala iya kai ki labarakalai si layuginsia, “Kai umawmase kai pangwakai ku nagane ki Tamatama papia mitane kawriva, kai lri kipapacai.”

Silringau 4:13

Ai kudra ngimiyaiya kikai ngiamia; asi lwiyane ku yuginsiaini si barakalai pasalriu, yakai ki cekele papacai ki kadrwa ku pasalrivane ka umawmase.

Izikile 32:6

lri gugwaku kwi eraisu, lai lri lrilriiwgu ki lregelrege, si mwaludru mwa ki drakerale.

Matai 7:2

Asi lwiyane, lu pangitumane numi raeraeratenge ki umawmase, ku Twaumase lri mialri raeratenge saibange numiane, lu arakai numi ku manemane aceacepange ki umawmase, ku Twaumase mialri arakai ku tapangimiane numi ki umawmase si aceacepange numiane.

Luka 12:48

Ala kwidra kai wathingale ku kidremedreme ki tawki ku sasiakawlu la pia ku lrika akilrumadhane ku awngane, kai lasu lrika pangiababalai ku akilrumadhane. Ku Twaumase lu pakakalra baai ki aneane, lrika makakaalra ku lrika amalrane iniane; luka makaakalra ku sudralruini ki aneane, ku murikaini iniane lrika madraadrau.”

Hiburu 10:29

Si kudra, pangukai ki siadrekase ki Lalake ki Twaumase, twatikiane ki Twaumase ku sakiketeketane ku erai, kaamani kudra wabula ki pasalrivaneini ka erai, si kudra twasinalreme ki migemi ka Ri, ku miyaiya kwini ku umawmase lai tumane pathavungu iniane? Kidremedrema, kai lrika mapakilrialringau ku akipathavunganeini?

Nipadrelane 11:18

Sanaka kuni la kagirimucu kalisi, ai, ku sakaelaelane ki dringelresanesu mabeanga. Wadarurunga ku vai, ku wapacai ku umawmase lri kisaibange; ku sasiakawlusu ka layuginsia, ku umawmasesu, si sanaka mwasakene ukuludru muswane ku umawmase, adravane ka matiausakene ka kai matiausakene, lri malra ku pakalreva makanaelre. Kudra lamabebetethe amudu ki kadaengane ku umawmase lri kipakamudu!

Nipadrelane 13:10

Kudra lri kiravase, lri tara kiravase; kudra lri kiara lrabu pacai, lai tara kiara lrabu kipapacai. Ngwalai kai, ku umawmase ki Twaumase lri tara ikai ku sakiadiadili si salrwane ku kidremedreme.”

Nipadrelane 13:15

Ku mwasakadrusa ka waudriwdripi la malrana ku lrekeme, lri dulru malra ku niake si ipi pwa kwini ki tinusamiamiangane ka aswalala ka waudriwdripi, kwini samiamiange lai lri dulru kawriva, si papacai patuelre ku kai wasukubu ku umawmase kwini ki tinusamiamiangane ka waudriwdripi.

Nipadrelane 18:20

Swa subelebelenge, kiraragadha! Asi lwiyane kwi alisu mamudunga! Ku laumawmase ki Twaumase, lanisikawlane, si layuginsia, kiraragadha! Asi lwiyane ku Twaumase pusakainga numiane, pathavungunga iniane!

Nipadrelane 18:24

Ku swa Babilunia kiapathavungunga, asi lwiyane ikai kai ki cekele kiadringai ku erai ki yuginsia si umawmase ki Twaumase; unu, ku erai ki kiapapacai sanaka umawmase ikai kai kawmasane kiadringai patuelre ikai kai ki cekele.

Nipadrelane 19:2

Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”