Nipadrelane 16:16 - Ngudradreadrekadhane Ka Sisiu 魯凱語聖經

¹⁶ Kwini ngialisiane ka ri la malra sarubu ki latalialalai kikai ki taingeane ka kadaengane; kwini kadaengane lu arakaiyane ku vaga ki swa Hiburu sia Aremagidune.

Nipadrelane 16:16 Iomraidhean Croise

2 Lacaili 35:22

Ai ku Yusia la kalritheethe lu tumane lri tara kikaruburu. Kai lasu kai kialalra ku takawrivane ki Twaumase pangukai ki talialalai ka Niku ku vagaini, la kirimu ngirarukudru, la mwa Migidu dratane ka tamakakaruburuburane.

Zakaria 12:11

Ikai kwini ki vai, ku Yerusalrime lri tubi kwalri ku kidremedreme mia ki yakaai dratane Migidu ka swa Hadade Rimungu ku takwalriane tubi.

Yuhani 19:13

Kai taiyane lini sakilalra ku Pilatu, la iluku ki Yesu ulatadre, si ikai ki sia tataetaetalane ka lrenege ku nagane (sia Gabatha ku vaga ki swa Hiburu) saibange iniane.

Yuhani 19:17

Ku Yesu sa kainganai ulatadre, waangeale ku ziwzikaini, sa kelanga ki “Awlru ka lrelrelrege” (Gulugutha amia ku vaga ki swa Hiburu).

Yuhani 5:2

Ikai Yerusalrime, deethe ki Kiu ka lrawlrawdru la ikai ku baibaiyu, arakai ku vaga ki swa Hiburu sia Bithezatha, kwi babiabila ki baibaiyu laka talulrimale ku ruka.

Nisikawlane 26:14

La gurapangane nai idaedae. La kilalraku ku lingau, arakai ku vaga ki swa Hiburu iya kai nakwane, ‘Saule, Saule! Asu hakegakegai nakwane? Miasu ki sawvalai ka lwange ka arakai ku drapale tetere ki cecenekane ka salrumalrumadhane ki tawki, la kirimulringa ngipapakadula.’

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 9:11

Yakai ku tangea ku talialalai ku waruthuku liniane; kwini talialalai amani kudra waruthuku ki valrulrange ka sasiakawlu belenge. Ku naganeini arakai ku vaga ki swa Hiburu sia Abadungu, ku vaga ki swa Gurike sia Apulunu.

Tamagarange 4:7

Lri ilukaku ki Sisera ka tamatama ki Yabingi mailuku ku palridingi si kwapingi ikai drakerale Kisunge kikaruburu muswane, ai lri malraku iniane pwa ki alrimasu.’ ”

Tamagarange 5:19

Ikai Tanake ka babiabila drakerale Migidu, ku latalialalai makitwa kikaruburu. Ku latalialalai ki swa Kanange kiakaruburu; kwini lalasu la kai mailuku ku lagingi katwase.