Nipadrelane 16:15 - Ngudradreadrekadhane Ka Sisiu 魯凱語聖經

¹⁵ Ku Tamatama amia kai, “Kiraraketa! Lri miaku ki tarakupawpa pangitutuluku kela! Kudra masimeameace, si ka tasilaimadhane ku umawmase lri kaesai! Asi lwiyane kwi lasu lri kai vilralrakane katwase dadavace, si kiarubwane icucubungu ki umawmase!”

Nipadrelane 16:15 Iomraidhean Croise

Takatwasane Izipiti 32:25

Ku Musi la drele ki Arungu ka kai maka waruthukunga ki mapapangale, kwini lalasu la makitu ngilralrainginga ku nau pia iya lini, la kitu sawlralrakadhanenga ki labadha.

Isaiya 47:3

Ku laumawmase lri drele ku tavilralrakananesu, lri drele ku tangilisiananesu. Lri bilriaku muswane; kadrwa ku umawmase kulri maka ruthuku nakwane.

Izikile 16:37

Ngwalai kikai, lri sarubwaku kudra ki nalasiasilanganesu, adravane ka kadalamesu ka kalrasesu lri dawlaku sarubu makanaelre. Lri pakainganadhaku liniane twalai kidruanga, lai lri ngithalringulu muswane, la icucubungu liniane mulaimai muswane, kwi lalasu lai lri drele ku tavilralrakanesu.

Husia 2:3

Alaiyasi kai kilalra, lri mulaimadhaku patuelre kwi laimaini, si pavilralrakane, mia ki taukitulalalake ka daini. Lri pangimiaku iniane ki calragulragu, ki enaenai, lai kakadhame si pacai.

Habakuke 2:15

Kiamwangasu ku amatikurwane! Ikai ki elathanesu twasinalremesu ki pasiagiagisisu; la malrasu liniane palridrawdrawdrau mia ki mabusuku ka umawmase.

Matai 25:13

Ku Yesu la iya kai, “Lakamani, kunumi kasimeameaca kipapawlringalringau, asi lwiyane kai numi wathingale kudra vai, kudra zikange lu lrika amani lwigane ku akelane.”

Matai 26:41

Kasimeameaca inulri, amani lu ulrabuku numi ki salrilrigilane. Kwini kidremedreme numi adravane palraingi, kwi kinawmasane numi twaramuru.”

Maruku 14:38

La iyana kai, “Kasimeameaca inulri, amani lu ulrabuku numi ki salrilrigilane. Kwini kidremedreme numi adravane palraingi, kwi kinawmasane numi twaramuru.”

Luka 21:36

Kunumi kasimeameaca, kai reteretege ku ainulriane, lanu maka sapukwane kiadili kudra lrika angimiane patuelre, si dulru acegecege icucubungu ki Lalake ki Umawmase.”

Nisikawlane 20:31

Lakamani, kunumi kasimeameaca, si pulringalringau, ikai kai ki tinara tulrwane ka caili, ku tapangimianeli arakai ku lrese pivai pimaungu pakipapawlringalringau, si bulrubulru numiane ka tangeea.

2 Kurintu 5:3

lu silaimainga, kai nai ka vilralralrakanenga ku kinawmasane.

1 Tisaruniki 5:4

Ai, laretesane, kai numi yakai ki kadradridrimitane panianiake, kudra vai kai lri ngimia ki tarakupa pangitutuluku kela.

1 Tisaruniki 5:6

Lakamani, takai ngimia ki palrapalra kasipepelrenge ereke, takipapawlringalringau padulru.

1 Pitiru 4:7

Ku apalikaiyane sanaka maneemanenga lri kelaanga, kunumi kipapawlringava ngiraruthuku, si kasimeameace inulri.

2 Pitiru 3:10

Ai, ku lrika akelane ngusela ki Tamatama lri mia ki tarakupawpa pangitutuluku kela. Kudra vai kwini. Kai swa subelebelenge lri ikai kwidra ki maadrau ka lingau kawlrau, kai la ngwababelenge lri kulama ikai ki apwi, kai kadaengane si sanaka maneemane la kaamudu patuelre.

Nipadrelane 22:7

Ku Yesu amia kai, “Drela, lri padaalrunga naku si kela! Kudra paluludu kai tayugingane ki hungu ku umawmase lri kaesai!”

Nipadrelane 3:11

Lri kelanga naku. Gemegema pudriadringai ku yakai muswane patuelre, madha kiribiribici ki palrapalra ku lrigu ka civare ku taakacianesu.

Nipadrelane 3:18

Lakamani, lri pakalrumalaku muswane, papiaili langai kai nithalethalane ka kingi, lasu satacekecekelane; la langadhaku lrawlrapungu ku laimai si silaimai, lani paidringi kwini ki matiainu ka vilralralrakane ka kinawmasane; la langai ku sasulravane ki maca si sakidri ki macasu, lasu dulru drele.