Nipadrelane 16:1 - Ngudradreadrekadhane Ka Sisiu 魯凱語聖經

¹ Kialalraku ku lingau ku akwadrau twalai ki daane ki Twaumase si papia ki tapitu ka sasiakawlu belenge iya kai, “Kunumi lu mwa, la malra kwini akupitu ki kisi kwi elathane ki Twaumase si gugu pwa kawmasane!”

Nipadrelane 16:1 Iomraidhean Croise

Lasenai 79:6

Kiatubiaku muswane kwi lisianesu papia ki kai mwasakene mukuludru muswane ka kuni, la gugwa pikai ki kinawmasane ki kai kiatubitubi muswane ka laumawmase.

Yerimia 10:25

Ku lisianesu gugwa pikai ki kai mwasakene mukuludru muswane ki lakuni, pikai ki kinawmasane ki kai paswadalepe muswane. Asi lwiyane kwi lalasu papacai ki kawkawlusu; kwi lalasu wamudu naiane, la atawlrakavanenga ku daane nai.

Izikile 10:2

Ku Twaumase amia kai kudra ki sialaimai ku lalasare ka kaimadhane, “Lu mudaana, twaladha lebe ki Kirubime ki kabicelrakane ki palridingi ara alrima ecenge kwi kwadaladalai ka lrangele, la malra kwini lrangele si sarade ki cekele palraelre.” Wadrelaku ki lasu sa mudaane.

Izikile 22:31

Lakamani, lri papiaku liniane gugu kai girimucaneli; ku apwi ka lisianeli lri lama utu ku pia lini patueelre.” Ku abebeelengenga ka Tamatama amia kikai pelaela.

Zipania 3:8

Ku Tamatama amia kai, “Ukalava! Ukalavaili ku angidrakalaneli si kukusu ki lakuni. Kiadremedremenga naku ku asarubwaneli ki lakuni pakainganai, lri pathingalaku liniane kai lisianeli. Kai apwi ki lisianeli lri lama patuelre ki kawmasane.

Nipadrelane 11:19

Sakamani kai kwidra, ku Twaumase ikai belenge mwaelebenga ku daane ki Twaumase; ku Langiane mwataluvaivai ikai kwini. La pacungulu, ikai ku lrikace dreredrere, elrange, lingilingi, si maadrau ka kananu.

Nipadrelane 14:15

La ikai ku tangea ku sasiakawlu belenge ku twalai ki daane ki Twaumase kainganai, si papia kwini ki wanene ikai belenge ki ememe akwadrau tawtau iya kai, “Wadarurunga kai vai, mabeanga kai taleke kawmasane! Arakaiya kwi takawkausu ketabe!”

Nipadrelane 14:18

Pacuungulu, la ikaainga ku tangea ku marasiakaikai ki apwi ka sasiakawlu belenge ku twalai ki tapatarumaramarane kainganai, si papia kwini ki waecenge ku marangisi ka takawkau ka sasiakawlu belenge si akwadrau tawtau iya kai, “Arakaiya kwi takawkausu malra kete kwi budu kawmasane, asi lwiyane malremenga ku budu!”

Nipadrelane 15:1

La dreeleana naku ikai belenge ku taingeane ka matiasamali ku tangimiane, maadrau si la matisamali. Tapitu ku sasiakawlu belenge ku arathungu kwini ki bibiilrilinga ka taipitwane ka amatikurwane, asi lwiyane ku Twaumase lri ikai kikai ki amatikurwane si pangimia ku elathaneini.

Nipadrelane 16:17

Ku mwasakapitu ka sasiakawlu belenge la malra kwini kisi si gugu pikai belenge. La ikai ku akwadrau ka lingau ku twalai ki daane ki Twaumase ka taetalane ki Twaumase, iya kai, “Malrepengenga!”

1 Samuile 15:18

ku Tamatama siakawlu muswane katwase, si drekase muswane amudu kudra ki ngialisiane ka swa Amaleke, la papacai liniane demedeme.

1 Samuile 15:3

Kusu mwa kikaruburu ki swa Amaleke, amudu patuelre sanaka manemane lini, madha pasusuru ku navaevanga; malra papacai amudu ki sawvalai lini, ki ababai, lavavalake, daini, lalwange, lakiu, lrakeda si ruba.”