Nipadrelane 14:8 - Ngudradreadrekadhane Ka Sisiu 魯凱語聖經

⁸ Ku mwasakadrusa ka sasiakawlu belenge la kabibilrili iya kai, “Maburukunga! Ku maadrau ka Babilunia maburukunga! Asi lwiyane kwi alisu wamalra kwini pairairangane ka makecenge ka bava si paungulu sanaka umawmase.”

Nipadrelane 14:8 Iomraidhean Croise

Isaiya 13:1

Kikai yai lalake ki Amuse ka Isaiya patwalai ki Twaumase tarumara ku patharwakai ki Babilunia ku vaga.

Isaiya 21:9

Ala kirimu, ikai ku ngwarigirigi ku kwapingi tarudradrusadrusa kainganai; ku taradrangalrungalru la pelaela iya kai, “Ku swa Babilunia mwakadrulunga! Kudra sukusukubu lini ku samiamiange kiacacwakenga pikai cakena patuelre.”

Yerimia 50:1

Ku ngwakai ki cekele Babilunia si laumawmaseini, ku Tamatama amia kai nakwane:

Yerimia 51:64

ala iya kikai, ‘Ku swa Babilunia lri mia kikaai ki nibalrubalrulane ka hungu katwase muthene, si kai lri mubelengenga ipelai, asi lwiyane ku Tamatama lri papia iniane pulebe ku amatikurwane.’ ” Ku vaga ki Yerimia paliakai kikai.

Daniele 4:30

Kwi lasu amia kai, “Drela, matiasalrulriinga kai cekele Babilunia! Arakaiyaku ku puku tucekele ka tangadrane ka cekele, padrele ku lrigu si matisalrwaneli.”

Nahumu 3:19

Ku dulasu kaika amaka sulravanenga; ku takadulanesu kai lri maka udringainga. Sanaka kialalra ku takipakamudanesu ku umawmase lri carecare kiraragai. Aneanenga ku maka mwabere ku kadrwa ku sasadra ku ngikarakacananesu?

Nipadrelane 11:8

Ku wapacai ka kinawmasane lini lai cilri pwa kadalranane ki maadrau ka cekele, amani kwidra tapikaiyane lini kedrekedre pwa ki ziwzika ki Tamatama. Kikai cekele sapelaelane ka nagane ki swa Sudume si swa Izipiti.

Nipadrelane 16:19

Kudra maadrau ka Babilunia la aegacane mautulru; ku cekele ki lakuni la kaburuku mulebe patuelre. Ku Twaumase pwalringalringau ku pasalrivane ki maadrau ka cekele Babilunia, la paungulu iniane ku puku ki Twaumase ka swaete ku elathane ka makecenge ka bava.

Nipadrelane 17:18

“Kwini drelesu kwini ababai amani kudra warathudu ki latalialalai kawmasane ka maadrau ka cekele.”

Nipadrelane 19:2

Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”