Nipadrelane 14:7 - Ngudradreadrekadhane Ka Sisiu 魯凱語聖經

⁷ Kwi lasu akwadrau iya kai, “Usakena ukuludru ki Twaumase, si drengedrengere ku sanianganeini! Asi lwiyane wakelanga ku asaibanganeini ki umawmase. Sukuba kudra ki wabekace belenge, kadaengane, laveke, si sanaka berai ka Tamatama!”

Nipadrelane 14:7 Iomraidhean Croise

Tabekacane 22:12

Ku sasiakawlu belenge la iya kai, “Madha pwalrimalrima, madha duladula ki lalake! Kikai wathingalaku aka mwasakenesu mukuludru ki Twaumase; asi lwiyane kaisu wamalra ki lalakesu, kwini vaeva ka lalake ka sawvalai, suru si kai baai nakwane.”

Nihimi 9:6

La pacungulu, ku swa Iseraylri iya kai inulri: Tamatama, kathanesu ka Tamatama! Wabekacesu subelebelenge si latariau. Wabekacesu kai kadaengane si lamaneemanenga, Kai laveke si yadringi panianianiake; wabaaisu ku niake sanaka maneemanenga. Ku kwapingi subelebelenge wasukusukubu muswane.

Lasenai 115:15

Ku Tamatama ani patarumara subulrubulru baai numiane; amani ku wabekace subelebelenge si kawmasane ka magagemegeme ka Tamatama.

Lasenai 124:8

Ku akiparalubaneta twalai ki Tamatama kainganai; amani ka wabekace subelebelenge si kawmasane ka Tamatama.

Lasenai 33:6

Kai subelebelenge Tamatama ka wadrekase ala kibekace; kai vai, dramare, latariau ngwakai ki vagaini si kibekace.

Lasenai 36:1

Kai pasalrivane ikai ki kidremedreme ki tangangangace ka umawmase pasapukwane iya kai: Satumanane ki Twaumase, madha mukuludru iniane!

Lasenai 89:7

Ikaisu ki tayelrelreane ki latwaumase kiwsaesakenengasu; kiamusakenesu kiwkuludru ki ngiathalringulu ka latwaumase.

Lasenai 95:5

Marasiakaikai ki bekaceini ka laveke; la marasikaikai ki bekaceini ka daedae.

Takatwasane Izipiti 20:11

Kunaku ka Tamatama yakaiyaku kai ki minakanemelane ka vai bekace kai belenge, lebe, laveke si lamaneemanenga, ai ikai ki samakapitulu la isadra. Lakamani, kunaku ka Tamatama swabulrubulrwaku ki Taisadrasadrane ka vai, si cegecege tusaniange ka vai.

Isaiya 40:3

Yakai ku lingau ku watawtau iya kai, “Ikaiya ubulane pasikai ki Tamatama padulru ku kadalranane; ikaiya ki aenaenai pasikai ki Twaumaseta tukadalranane ku ngwaadrau ka kadalranane.

Isaiya 40:6

Yakai ku lingau ku watawtau iya kai, “Lu katwasa pelaela kikai matiakiragai!” La kivagaku, “Lri pelaelaku ku manemane?” “Pelaela pasalraelre sanaka umawmase mia ki ubulu makanaelre ka kadrwa ku paluludane; ku tharirane lini mia ki bengelrai ubulane;

Isaiya 40:9

Yerusalrime, mubelenga ki abelenge ka lregelrege; si pelaela ku matiakiragai ka vaga! Ziyungu, akwadrava tawtau; pelaela ku matiakiragai ku vaga! Akwadrava tawtau, madha mukuludru. Pelaela ki tadradrau ki tatitiki ki lacekele ki swa Yuda: Ku Twaumase numi lri kelanga!

Isaiya 42:12

Ku yakai kabicelrakane ki laveke ku kadaengane ku laumawmase lri lrigu ki Tamatama makanaelre; kwi lalasu lri drengedrengere iniane.

Isaiya 44:23

Lasubelebelenge, putariria! Adringi ki kadaengane, akwadrava senai! Laangatungatu lalregelrege, bwala kainganadha makanaelre si putariri! Ikai angatungatu ka laangatu, bwala kainganadha makanaelre si senai! Ku Tamatama palribulunga ki Yakubu; kwi lasu ngwakainga ki swa Iseraylri pathingalane ku madrau ku pukuini.

Isaiya 58:1

Ku Tamatama amia kai, “Kusu akwadrava tawtau, mia ki rapa paelraelrange, madha idrengere; papia ki kawkawluli ka swa Iseraylri pelaela ku pasalrivane lini.

Yerimia 10:10

Tamatama, kathanesu ka patengane ka Twaumase, ka palralrawthu panianiake ka Twaumase, palralrawthu ka talialalai. Sana kalisisu, kai kadaengane lri lingilingi; ikai ki lisianesu kai lri maka acegecege sanaka kuni.

Izikile 7:2

“Lri tara kawlrau ka umawmase, kikai yai vagali ka abebeelengenga ka Tamatama papia ki swa Iseraylri: Kiasalrunga kai swa Iseraylri, wadethenga ku apalikaiyane palraelre!

Izikile 7:6

Kiasalrunga, wadethenga ku alikaiyane. Kiasalrungasu!

Daniele 8:19

la iya kai nakwane, “Lri pelaelaku muswane ku lrika angimiane lu kalisi ku Twaumase; kikai maburusi ngwakai ki alikaiyane ki zikange.

Husia 8:1

Ku Tamatama amia kai, “Ngirapa pakipapawlringau! Ku badha mia ki takanga patumiamikace kela kikaruburu ki kadaenganeli.” Ku lakawkawluli wabalrenga ki takiketeketane nakwane, si kalrase ki sabulrwaneli.

Malaki 2:2

Kunumi tara arakaiya ku kakwakudhane numi usakene nakwane. Lu kainu kilalra pasalaladha, kai pikai ki kidremedreme, lri pulebeaku ku pusu pakakai ki kinawmasane numi. Ku satalutalu numi panianiake ku lamanemane lri pakipuswaku. Ku patengatengane, wapusunga naku kwini ki lamanemane, asi lwiyane kunumi kai numi twakucingalre kai drekaseli.

Matai 25:13

Ku Yesu la iya kai, “Lakamani, kunumi kasimeameaca kipapawlringalringau, asi lwiyane kai numi wathingale kudra vai, kudra zikange lu lrika amani lwigane ku akelane.”

Luka 17:18

Anika kathane kikai maelane ka zuku ka umawmase ku siawlri kela kiaseasene ki Twaumase?”

Nisikawlane 14:15

“Kunumi makanaelre, anu piya kikai? Mia nai numiane ka umawmase, kai kela nai kikai si pelaelaela kai hukuingi, pakai nai ku acilriane numi ki kadrwa ku pacugane ka samiamiange, si papia kwidra ki panianianiake palralrawthu ka Twaumase ka amani ku wabekace belenge, si kadaengane, laveke si yakai adringi sanaka manemanemane.

Yesua 7:19

Ku Yesua la iya kai ki Akange, “Lalakeli, tukapatengatengana ngipapelaela ku pasalrivanesu ikai cucubungu ki Tamatama ka Twaumase ki swa Iseraylri. La pelaelaili, watumanesu; madha sesesekete nakwane.”

1 Pitiru 4:7

Ku apalikaiyane sanaka maneemanenga lri kelaanga, kunumi kipapawlringava ngiraruthuku, si kasimeameace inulri.

Nipadrelane 11:13

Sakamani kwidra icengecenge, walingilingi kai kadaengane, kwini cekele la kaburuku ku taingeane ki nipaumangealane, ku ngwakai ki lingilingi si pacai wadaruru ki ta 7,000 ku umawmase. Ku tedranenga la makitu kakiwcu la drengedrengere ki yabelenge ka sanianiangenga ka Twaumase.

Nipadrelane 11:18

Sanaka kuni la kagirimucu kalisi, ai, ku sakaelaelane ki dringelresanesu mabeanga. Wadarurunga ku vai, ku wapacai ku umawmase lri kisaibange; ku sasiakawlusu ka layuginsia, ku umawmasesu, si sanaka mwasakene ukuludru muswane ku umawmase, adravane ka matiausakene ka kai matiausakene, lri malra ku pakalreva makanaelre. Kudra lamabebetethe amudu ki kadaengane ku umawmase lri kipakamudu!

Nipadrelane 15:4

Tamatama, aneane ku lri lreme kai musakene si mukuludru muswane? Aneane ku lri kai drengedrengere ki naganesu? Kathaanesu ku amani ku sanianiangenga. Sanaka kuni lri kela makanaelre, si ikai cucubungu muswane sukubu, asi lwiyane ku takaungane ki dringelresanesu athingalanenga utaluvaivai.

Nipadrelane 16:9

Ku umawmase lu kulama ki culwane ki dralrangedrangane, lai lri tudreadrekase ki Twaumase ka wadulru ngisasingikai kelrete ki la amatikurwane. Kwi lalasu sakamiya kai ngitatupela, kai mwabangalre drengedrengere lrigu ki Twaumase.

Nipadrelane 18:10

Kwi lalasu makiwcu drele iniane lu kwalrialri, la yadaaili acegecege, si iya kai, “Kikai maadrau ka cekele, matiangeange! Matiangeange! Matisawsalru ka Babilunia! Kaiyana ngwavaeva ki zikange, la kipathavuthavungungasu!”

Nipadrelane 18:17

La kai darurwana ki vaeva ka zikange, kikai lawbubulu patuelre maulrawnga!” Ku kiacapili ki varukuru, si ngwakaikai ki varukuru, si taramarasikaikai ki varukuru makanaelre, si kudra satalutalu cekecekele ki laveke ku umawmase yadaaili acegecege.

Nipadrelane 18:19

Kwi lalasu wamalra ku abu si sabulu pwa ki awlru lini, la tubi iya kai, “Kikai maadrau ka cekele! Matiangeange! Matiangeange! Sanaka yakai ku varukuru katwatwase ngukakai ki laveke satalu iniane ngiradhekane! La kai darurwana ki vaeva ka zikange, ku manemaneini patuelre maulrawnga!”

Nipadrelane 19:5

Pacuungulu, la ikai ku lingau ku twalai ki taetalane, ku amia kai, “Sanaka sasiakawlu ki Twaumase, ka mwasakene ukuludru ki Twaumase, adravane ka tabebelenge ka talelebe, makitu drengedrengera makanaelre ki Twaumaseta!”

Nipadrelane 4:11

Tamatama nai, Twaumase nai! Swadalepesu tarumara ku lrigu, ku kiwsakenane, si puku ka lrekeme. Wabekacesu sanaka manemanenga; ku takibekacane ki sanaka maneemanenga, ala maka dulru panianiake, singikai ki takidremedremanesu patuelre.

Nipadrelane 4:9

Kwi supate ka panianianiake ka waudriwdripi wasenasenai ku lrigu, ku kiwsakenane, ku sakiaseasenane ka senai, patarumaramara ki wanene itaetalane, ka amani kudra palralrawthu panianiake.

Nipadrelane 8:10

Ku mwasakatulru ku sasiakawlu belenge sangirapa, yakai ku maadrau ku tariau, mia ki kwadaladalai ka taliwlare, twalai belenge tuverevere mulebe, si makakai ki taingeane ki nipautulrwane ki kadravane si sanaka tacebeane ki acilai.

1 Samuile 6:5

Kunumi tara pia kwini nitumiyaiyane ki pu si tila ka mabebetethe ki angangade numi, la papia ki Twaumase ki swa Iseraylri ngipapelaela ku pasalrivane numi. Lu mia kikai, alau kai lri kirimunga pathavungu numiane si latwaumase numi, si la kadaengane numi.