Nipadrelane 14:11 - Ngudradreadrekadhane Ka Sisiu 魯凱語聖經

¹¹ Kudra pakiangeangeange liniane ka ebelre lri palralrawthu kai idrengere ku atuebebelrane. Kudra la wasukubu kwini ki waudriwdripi si waudriwdripi ka samiamiange, si kudra tarwamaranga ku sapatuthingalane ku naganeini, kai lri kasulivatenga pivai pimaungu.”

Nipadrelane 14:11 Iomraidhean Croise

Tabekacane 19:28

Kwini lasu la drele paswalebe Sudume si Gumura si palraelre kwini drataane, la drele kwini ki kadaengane twaebebebelre, mia ki ebelre ki talamalamane lu tudilrungu kaingananganai tuebebelre.

Lasenai 10:16

Ku Tamatama palralrawthu atalialalai magagemegeme ku puku; ku sakamaelanane ka zuku lri twalai ki kadaenganeini kamudu.

Lasenai 145:1

Twaumaseli, lri pelaelaku pasalraelre ku sanianganesu; talialalaili, lri palralrawthaku kiaseasene muswane.

Takatwasane Izipiti 15:18

Tamatama, lrika palralrawlrawthusu atalialalai!

Isaiya 33:14

Ku yakai Ziyungu ku pasalrisalriu ku umawmase lri mukuludru manugiligili. Kwi lalasu amia kai, “Ku saibange ki Twaumase mia ki apwi kai kaedredrepe palralrawthu, lri dulruta twalai kai ki apwi mubere?”

Isaiya 34:10

lukavaiyane lukamaungu kwadaladalai, ku ebelre la papubebebelenge, palralrawthu kai idrengedrengere. Ki kikai kadaengane lri pakela ki mwabaibalrithi ka tamatisepeelane, lri kai ikainga ku umawmase kulri ngukakai lribate.

Isaiya 34:8

Kikai yai tapalribulane ki Tamatama ki swa Ziyungu, si tapapiane ki badha bilri ka vai.

Isaiya 57:20

Ai ku manganga ka umawmase lri mia ki kai maka yadrengere ka laveke, ku bikabiki ngiabawbalrulu kai idrengedrengere; ku tapanianianiakane lini swaete ku ubulu matidingeselre.”

Daniele 3:6

Sanaka kai waguruthungane si sukubu, lri makakaai kiverevere pwa ki wakelrakelrakelrabe kadrareeange adringi ka talamalamane ki nitudilrungane.”

Yuile 2:30

Lri ikaiyaku belenge lebe padrelane ku pinangu Twaumasane ka puku, yakai ku erai, yakai ku apwi, yakai ku makeceege ku ebelre.

Matai 11:28

“Bwala! Kudra kwalrialrialri makanaelre, ku watukudru ku matelrege ka amece, bwala mwaili kai, lri paisadraku numiane.

Matai 25:41

“Ku talialalai ala papia ki tali virini ka umawmase iya kai, ‘Katwasa! Kunumi ka nipuswane ki Twaumase, katwasaili! Si mwa kudra ki palralrawthu kai kaedrepe ka apwi ka nipadulrudulrwane pasikai ki Akema si twapapapalra iniane!

Matai 25:46

Kudra miyaiya kai ku umawmase lrika palralrawthunga ku akipathavunganeini. Kudra la madringelrese ka umawmase, kwini lalasu lri tara maalra ku palralrawthu ka niake.”

Tapelane Drekase 28:65

Lu mwinunga numi kidruanga kai numi lri kasulivate, kai makatubalace. Ku Tamatama lri pakabithengelre, ngusasiadramane si kasusulri ku kidremedreme.

Hiburu 1:8

Pangukai ki Lalake, la iya kai: Twaumase! Ku taetalanesu lri ikai palralrawthu! Arakaisu ku paramaramavane magagemegeme ki puku.

Nipadrelane 11:15

Ku mwasakapitu ku sasiakawlu belenge sangirapa, ka belenge la ikai ku akwadrau ku lingau iya kai, “Ku maadrau ka puku ku sarathudane ki lepawngane Tamatamanengata si cegecegeini ka Kirisitu; Kwi lasu lri magagemegeme ku puku, kai lri kaelanga palralrawthu!”

Nipadrelane 13:12

Kwi waudriwdripi la ikai cucubungu kwidra ki aswalala ka waudriwdripi, si arakai patuelre kudra lrekeme ki aswalaala ka waudriwdripi. Kwi waudriwdripi wavutha kai ki kadaengane si yakai ki kadaengane patuelre, pasukubu kudra aswala ku namadula pakilriingau si laka mwadringainga ka waudriwdripi.

Nipadrelane 13:15

Ku mwasakadrusa ka waudriwdripi la malrana ku lrekeme, lri dulru malra ku niake si ipi pwa kwini ki tinusamiamiangane ka aswalala ka waudriwdripi, kwini samiamiange lai lri dulru kawriva, si papacai patuelre ku kai wasukubu ku umawmase kwini ki tinusamiamiangane ka waudriwdripi.

Nipadrelane 13:17

Kwi hange ka sapatuthingalane amani kudra nagane ki waudriwdripi lakamani kudra sapawbalrithane ki nagane ka asipi; ku kadrwa kikai hange ka sapatuthingalane, lai kai lri dulru malangalangai.

Nipadrelane 14:9

Ku mwasakatulru ka sasiakawlu belenge laka bibilrili ki tadrusa ka sasiakawlu belenge akwadrau iya kai, “Luka aneane ku wasukubu kwini ki waudriwdripi si tinuwaudriwdripane ka samiamiange, la ki puhange papunu si alrima,

Nipadrelane 18:18

Kwi lalasu sadrele ku ebelre ku walamalama liniane, maraleale iya kai, “Yainu ku cekele ku lri kiramau kai ki maadrau ka cekele!”

Nipadrelane 18:9

Kudra twapapapalra iniane si ngilralrailraingi kangangaanga kikai latalialalai kawmasane sadrele kwini ki walamalama iniane kudra ebelre maraleale tubi iniane.

Nipadrelane 19:3

Kwi lalasu la peelanga riariange iya kai, “Haliluya, tadrengedrengere ki Twaumase! Kudra ebelre ki walamalama ki maadrau ka cekele papwabebebelenge kai kareteretege, lri kapalralrawthunga kai idrengere!”

Nipadrelane 20:10

Kudra pamamama liniane ku Akema lri kiverevere pwa ki apwi ka kananu ka baiyu; kwini waudriwdripi si kaika patengane ka yuginsia lri ikainga kwini. Ikai kwini, kwi lalasu lri pivaiyanenga pimaungu kipakwalrialri, kadrwanga ku aisadrane palralrawthu.

Nipadrelane 22:5

Ikai kwini lri kai ikainga ku dradrimitane; kwi lalasu lai kai murikainga ki ledra ki tinaki si ledra ki vai, asi lwiyane ku Tamatama ka Twaumase amani ku ledra lini. Kwi lalasu lri atalialalai si rathudu, pakeela apalralrawlrawthu.

Nipadrelane 7:12

la iyaiya kai, “Amingi! Ku sadrengedrengerane, lrigu, lrigilane, sakiaseasenane, kiwsakenane, lrekeme, si puku lri papia ki Twaumaseta, lri kai kaelaelanga palralrawthu! Amingi.”