Nipadrelane 14:10 - Ngudradreadrekadhane Ka Sisiu 魯凱語聖經

¹⁰ lri ungulu ku makecenge ka bava ki Twaumase; kikai bava kaika nidrimane ku acilai si gugu pikai ki elathane ka dringelresane ka kupuini! Kwi lalasu lri ikai cucubungu ki saniange ka sasiakawlu belenge si Lrulai ka Kiu kipathavungu ikai ki wakelrakelrakelrabe ka apwi si balaru.

Nipadrelane 14:10 Iomraidhean Croise

Tabekacane 19:24

La pangitutuluku, ku Tamatama la arakai ku kwadaladalai ku balaru patwalai belenge gugu pwa ki cekele Sudume si Gumura.

Yubu 18:15

Ku balrawbawini sa arakainga ku balaru papacai ki la padavake, pamwa ki palrapalra paikaikai.

Yubu 21:20

Ku pasalriu ka umawmase nai tarumara ku naika akipathavunganeini; kwi lalasu nai kilrialringau ku elathane ki wadulru sanaka manemane ka Twaumase.

Lasenai 11:6

Papia ki manganganga ka umawmase pulebe ku lrangele si balaru ka apwi; arakai ku madrareeange ka kelrabe pathavungu liniane.

Lasenai 37:34

Satalwa ki Tamatama, si paluludu ku drekaseini, lri patarumara muswane ku puku, la palakebe kwini ki kadaengane; lai lri drelesu ki manganganga ka umawmase lu kipakatwase.

Lasenai 52:6

Ku madringelrese ka umawmase lu drele kikai lri mukuludru; kwi lalasu lri ulralrakai muswane si iya kai:

Lasenai 60:3

Pakiapadradresengesu ki kawkawlusu ku makaalra ku akwalriane; patwabakebakesu naiane, mia ki waungulu ku makecenge ka bava.

Lasenai 73:10

adravane ka kawkawlu ki Twaumase ngiabaangulu papia liniane, si kasalru ku taiyane lini patuelre.

Lasenai 75:8

Ku Tamatama waecenge ku kupu, swaete ki kupu ku sapukwane ka bava ka lisianeini. La gugu kwini bava; ku manganganga ka umawmase wakela makanaelre ungulu, pakeela ki waeleme ungulu.

Lasenai 91:8

Lri patakamacamacasu, drele ki manganga ka umawmase lu ucugu.

Isaiya 29:9

Pacungula piapia ku langiakulrungane! Pacungula kamukimukici! Twabakebakenga numi ki busukane lu kainu ungulwana, lu kainu tunipiana ku bava la lridrawdrawdrawnga numi!

Isaiya 30:33

Kunadruma, ku Tamatama padulrunga ku taikaiyane, yakai ku madrau ku apwi kulri lama ki tinuhika ki swa Asiria; kikwini taikaiyane swadrau, ka sia Tupithe, waabate pasuete ku angatu. Ku Tamatama lri ipi, mia ki apwi ki thilaru lama kwini ki mabate ka angatu.

Isaiya 34:9

Ku kadravane ki swa Idume lri akabalrithi akurutange, ku kadaengane lri akabalrithi athilaru; ku kuni palraelre mia ki kwadaladalai ka kurutange,

Isaiya 51:17

Yerusalrime, pacuna si ngidrakale! Ngidrakala, si acegecege! Sa pathavuthavungu ku Tamatama, waungulusu ku lisiane ka kupu, sa ungulungasu la lridrawdrawdrawnga.

Yerimia 25:27

Pacungulu, ku Tamatama la iya kai nakwane, “Lri pelaelasu liniane, kwaku ka Tamatama ka abebeelengenga ki sanaka kwapingi, ka Twaumase ki swa Iseraylri lri drekasaku liniane paungulu kikai yakupwane ka bava, kwi lalasu lani kabusuku, puta, ngwadreke si kai maka ngidrakalenga, asi lwiyane pakiapadradresengaku liniane ku amakaruruburane.

Yerimia 49:12

Ku Tamatama amia kai, “Drela, alaiyasi kudra nakai lri kipathavungu ka umawmase la ungulu makanaelre ku sapathavungane ka kupu, kunumi lri dulru numi kai kipathavungu? Kai lri maka dulru! Lri tara ungulu numi kikai yakupwane.

Yerimia 51:57

Lri paungulaku si pakabusuku makanaelre ki tamatama ki tarasangililuku liniane, taradrekadrekase, siwciu, tabebelenge, si lagaragarange; kwi lalasu lri apece ereke, si kai lri pacununga palralrawthu. Talialaladhaku; ku naganeli yai Tamatama ka abebeelengenga ki sanaka kwapingi, amiaku kikai pelaela.

Silringau 4:21

Yakaikai Uze ka swa Idume, kunumi ngilralrainga si pakaelre ulrakalrakai kiraragai! Ku amatikurwane numi lri padaalrunga si kela, lai lri mialri numi ka vilralralrakane kiaruburubwane.

Izikile 20:48

Kwi lalasu lri thiingale makanaelre ala ka amaniaku ka Tamatama ka walama, kadrwa ku umawmase ku lri dulru edrepe.”

Izikile 38:22

Lri arakaiyaku ku swalrubu si atueraeradhane pathavungu iniane. Lri arakaiyaku ku maadrau ka udale, kananu, maadrau ka apwi, si balaru pulebe pwa ki kinawmasane ki ililukuini ka lakwapingi si marasikaikaini ka langiaelre ka kwapingi.

Habakuke 2:16

Lai lri mialrisu ka akiarubwananenga, kawlrawnga ku lrigu. Lri ngwalaisu ki busukane lridrawdrawdrawnga dadavace. Ku Tamatama lri paungulu ku sakipathavunganesu ku kupu; ku lrigusu lri akabalrithi ka akiarubwaananenga.

Matai 20:22

Ku Yesu la iya kai, “Kunumi kai numi wathingale ku kitubitubi numi lukamanemane. Kudra lrika awngulaneli ku mapalili ku yakupwane, lri dulru numi ungulu?” Kwi lalasu la tubalre iya kai, “Lri dulru nai!”

Matai 25:41

“Ku talialalai ala papia ki tali virini ka umawmase iya kai, ‘Katwasa! Kunumi ka nipuswane ki Twaumase, katwasaili! Si mwa kudra ki palralrawthu kai kaedrepe ka apwi ka nipadulrudulrwane pasikai ki Akema si twapapapalra iniane!

Matai 26:39

Kwini lalasu la aru papucucubungu katwase, si pidruru guruthungane, la inulri iya kai, “Ama! Alaiyasi ka adulrudulrwane, madha paungungulu nakwane kikai mapalili kai yakupwane! Ai madha singikaikai ki kidremedremeli, singikaiya ki takidremedremanesu sikakathane.”

Maruku 8:38

Ikai kikai ki wacapange sudringai pasudringai ka sialribate ngilisiane ka zidai, lu ikai ku umawmase ku ngwalai nakwane si vagali la tainu, ku Lalake ki Umawmase ikai kudra ki lrigu ki Tamaini, si kudra ki twapapalra iniane kudra sasiakawluini belenge, lu karededelenga kainganai, lri mialri tainu iniane.”

Nisikawlane 10:22

La tubalre kwini lalasu, “Mabelenge nai ka Kurinilriu ka siakawlu naiane kainganai, kwi lasu mwakuludru usakene ki Twaumase ka madringelrese ka umawmase, ka kiausakene ki mapapangale ki swa Yuda. Yakai ku tangea ku sasiakawlu ki Twaumase ku peaelaela iniane, dawla iya iniane muswane mwa ki daaneini, ku akibulrwane muswane.”

Tapelane Drekase 29:23

Lri aubulane ku laumawma, ki kadaengane lai lri suete ku balaru si timu, kaika adulrwanenga kaungu, adravane ka laubulu kai lri dulrunga cebe. Ku kadaengane numi lri mia kudra sa kalisi ku Tamatama si kabebetethe ki cekele ki swa Sudume, Gumura, Adema, Zebuime.

2 Tisaruniki 1:7

si kudra kwalrialri ku umawmase lri pakarededele naiane mukerenge. Lu adrelanenga ikai ki apwi ku Tamatama ka Yesu si sapukwane ka lasasiakawluini belenge, ku Twaumase lri pangimianga pia kikai.

Yuda 1:7

Si kudra yakai Sudume, Gumura, si ngwadadeethe ka lacekele ku umawmase, ngiamia kwidra ki lasasiakawlu belenge, kwidra kakudhane lini wacapange ki sawvalai si ababai, pangilralraingi ki beate lini, lakamani ku kiarakai lini ku kai lri kaedrepenga ka apwi kipathavungu. Kikai miyaiya kikai akipapawlringavaneta sanaka umawmase.

Nipadrelane 15:7

Ku vaeva ikai ki supate ka panianianiake wamalra ku nipasueteane ki pitu ka kingi ka kisi ku elathane ki Twaumase si baai kwini ki tapitu ka sasiakawlu belenge.

Nipadrelane 16:19

Kudra maadrau ka Babilunia la aegacane mautulru; ku cekele ki lakuni la kaburuku mulebe patuelre. Ku Twaumase pwalringalringau ku pasalrivane ki maadrau ka cekele Babilunia, la paungulu iniane ku puku ki Twaumase ka swaete ku elathane ka makecenge ka bava.

Nipadrelane 18:3

Asi lwiyane sanaka kuni waungulunga makanaelre kikai makecenge ka bava ki pairairange ka ababai, kai latalialalai kawmasane napaswadringainga iniane, kai tarasiwbawbai kawmasane twalai ki takapairairanganeini si samanemanane.”

Nipadrelane 18:6

Kwi alisu ku tapangimiane numiane, lri kitungimiyaiya, lri singikai ku tapianeini si drima bilri iniane. Ku tapiane apaibibu ku bava si baai numiane, lri arukidrima ka parawramuru ku makecenge ka bava si gugu pasuete ki kupuini!

Nipadrelane 19:15

Twalai ki ngudwini putaluvaivai ku vaeva ku marangisi ka dramu; kwi lasu lri arakai kikai dramu pamalebe ki lakuni. Kwini lasu lri arakai ku adreme ka ukudru rathudu liniane, si lai lri pe ku makecenge ka bava ikai ki tapepeane ka elathane ka bava ki sapupukuanenga ka Twaumase.

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 20:10

Kudra pamamama liniane ku Akema lri kiverevere pwa ki apwi ka kananu ka baiyu; kwini waudriwdripi si kaika patengane ka yuginsia lri ikainga kwini. Ikai kwini, kwi lalasu lri pivaiyanenga pimaungu kipakwalrialri, kadrwanga ku aisadrane palralrawthu.

Nipadrelane 20:14

Ku apacadhane si swadriadringi la mialri kiverevere pwadringi ki apwi ka baiyu. (Kikai apwi ka baiyu amani ku saka kingipusale pacai.)

Nipadrelane 21:8

Ai, kudra la makiwcu, kai pangiamia, ngialisiane, papacai ki umawmase, wacapange ki sawvalai si ababai, twalrisi, wasukubu ki samiamiange, si watavuvulrucu kawriva, yakai ku apwi si kananu kudaladalai ka baiyu si ukalavalava liniane; amani kwini kudra saka kingipusale pacai.”