Nipadrelane 13:8 - Ngudradreadrekadhane Ka Sisiu 魯凱語聖經

⁸ Ku sanaka umawmase kai kawmasane, sakaiyana bekace kai kawmasane kudra nagane la kai kiapacase pikai ki niake ka mibu kudra ki kiapapacai ka Lrulai ka Kiu, lri sukubu kwini ki waudriwdripi.

Nipadrelane 13:8 Iomraidhean Croise

Tabekacane 22:7

ku Isake la kawriva, “Ama” iya! Ku Aberahame la tubalre, “Lalakeli, manemane?” Ku Isake la kivaga, “Yakainga kai taapudhane si angatu, ku saarakaiyane patarumara ku kiu la ikainu?”

Lasenai 69:28

Ku nagane lini ani twalai ki niake ki mibusu kisupilri; kwi lalasu ani kai kipikai ki lanagane ki kawkawlusu.

Takatwasane Izipiti 32:32

Kiatubiaku muswane pacepa kavai pasalrivane lini; lu kai mia kwini, kiatubiaku muswane patwaladha ki lanagane ka pacase ki kawkawlusu mwalra supilri ku naganeli.”

Isaiya 4:3

Ku panianianiiakeana makanaelre, ku pilri ki Twaumase si asuru ikai Yerusalrime, lri kitualrivilrivi makanaelre.

Daniele 12:1

Kudra sialaimai ku malubibiri ka kaimadhane ku laimai ka sasiakawlu belenge amia kai, “Lukamani kwidra, kudra palakelakebe ki sakacekelesu ka kiacapili ki sasiakawlu belenge ka Mikaele lri mutaluvaivai. Lai lri ikai ku lrika amatikurwane, twalai ku tacegecegane ki kuni madradraunga ka amatikurwane. Ikai kwini, ki sakacekelesu ku kiapacase pikai ki mibu ki niake ku nagane, lri kipalriibulu makanaelre.

Matai 25:34

Ala lri iya kai ku talialalai kwini ki yavanale iniane: ‘Kunumi ka kiasubulrubulru ki Ama ka laumawmase; bwala! La tarumara kai kuni kai twalai saka tabekacane nipadulrwane pasikai numiane.

Luka 10:20

Ai, madha kirimurimu ngwalai ki tapasalaladhane ki aidridringane numiane si kiraragai, pasikaiya kamani ku takipacasane ku nagane numi ikai subelebelenge si kiraragai.”

Yuhani 1:29

Sakakaiyane, ku Yuhani wadrele ki Yesu sa papiapia iniane kainganai, la iya kai, “Drela, ka Lrulai ka Kiu ki Twaumase, mwalra ku pasalrivane ki yakawmasane!

Ipisu 1:4

Sakaiyana bekace kawmasane, ku Twaumase pangwakainga ki Kirisitu si pilri mitane, la dulruta ikai cucubungu iniane alrivilrivi, si kakadrwa ku natikiyanenga ku pwalane ka umawmase.

Pilripi 4:3

Lapapapalrali, lri mialriaku kitubi numiane paraluba liniane kai ki tadrusa, asi lwiyane kai lamali ikai ki awngane ki hukuingi natwapapapalra nakwane, si Kelimine, si la drumane ka redelane kaungu kwalrialri, ku nagane kilakikai umawmase pinacasanenga patuelre ikai ki mibu ka niake ki Twaumase.

Titu 1:2

kikai patengane ka sabulrwane yai arakai ku sasiadradrama ki palralrawthu ka niake tutangadrane. Kudra kai madraedrangelre ka Twaumase, sakaiyana ikai sanaka maneemane, palrainginga baai mitane kikai palralrawthu ka niake,

Nipadrelane 12:15

Kwini sulrau yakai ilrilrikudru ki ababai, si patwalai ki ngudui burusu palriau ku acilai, ka apakialudrane ki alisu.

Nipadrelane 13:12

Kwi waudriwdripi la ikai cucubungu kwidra ki aswalala ka waudriwdripi, si arakai patuelre kudra lrekeme ki aswalaala ka waudriwdripi. Kwi waudriwdripi wavutha kai ki kadaengane si yakai ki kadaengane patuelre, pasukubu kudra aswala ku namadula pakilriingau si laka mwadringainga ka waudriwdripi.

Nipadrelane 17:8

Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.

Nipadrelane 21:27

Ai, kudra kaika mabula, matialrase ku kakwakudhane si matavuvulrucu lri kai maka mudaane makanaelre; kathane ku kiapacase ku nagane pikai ki niake ki mibu ki Lrulai ka Kiu, ka lri dulru mudaane.

Nipadrelane 3:10

Asi lwiyane paluludusu ku drekaseli, si patulrepenge kiadili, lakamani lu kelanga ku akwalriane kai kawmasane, lu kikilrialrialringaunga sanaka umawmase, lri palakebaku muswane.

Nipadrelane 3:20

Kilalra, acegecega ku ikai latadre ki lrawlrawdru bangebangebange; alaiyasi ikai ku kialalra kai lingauli si muelebe ku lrawlrawdru, lri mudaanaku. Lri kilringulaku iniane, kwi lasu lai lri mialri taelre kilringulu nakwane.

Nipadrelane 3:5

Kudra pamalebe ku umawmase lai lri mialri silaimai ku lrawlrapungu ka laimai; lutumane lri kainaku mwalra ku naganeini patwalai ki tapacasane ki niake. Ikai cucubungu ki Ama si sasiakawluini, lri pathingala naku iniane ala ka swakai nakwane.

Nipadrelane 5:12

la akwadrau senai: Ku kiapapacai ka Lrulai ka Kiu, lri tarumara ku lrekeme ka puku, ku ngiradhekanane, ku lrigilane, ku puku, ku kiwsakenane, ku lrigu, si akidrengedrengerane!

Nipadrelane 5:13

La peelanga naku kilalra ka belenge, lebe, si panianianiake adringi ki kadaengane, si panianianiake adringi ki laveke, si sanaka panianianiake kai ki kawmasane, wasenasenai makanaelre iya kai: Ku sadrengedrengerane, kiwsakenane, lrigu, si lrekeme, lri papia patuelre ki wanene ikai taetalane si Lrulai ka Kiu, kadrwanga ku apalikaiyane kai kamudunga!

Nipadrelane 6:1

Wadrelaku ki Lrulai ka Kiu sa mucaebe ki aswalaalanga ki pitu ka hange. Sakamani kwidra, kialalraku ku vaeva kwini supate ka panianianiake ka waudriwdripi avavaga si mia ki dreredrere ku lingau, iya kai, “Bwala!”