Nipadrelane 13:16 - Ngudradreadrekadhane Ka Sisiu 魯凱語聖經

¹⁶ Kai waudriwdripi la vuthana sanaka umawmase, adravane ka lavavalake ka tarudrawdrange, si maesaesai matiakukuru, ku duri si ngialralrailraingi ka umawmase, piakai ki vanale lini si punu lini puhange patuthingale.

Nipadrelane 13:16 Iomraidhean Croise

2 Lacaili 15:13

Adravane ka sawvalai ka labaibai ka tarudrawdrange si lavavalake, sanaka kaika kiapasilape ki Tamatama, lri kamani ku kiapapacai.

Yubu 34:19

Kwi lasu kai pawakalrivili ki tara rathudu, la Kai tukucingalre ki sapaiswane si tudrekase ki matiakukuru; asi lwiyane kai umawmase bekaceini patuelre.

Lasenai 115:13

Ku Tamatama lri patarumara subulrubulru baai ki mwasakene mukuludru iniane ka laumawmase, kai apakaelaela ku saniange si kaika saniange thadaalrane kisubulrubulru.

Lasenai 49:2

Adravane ka matiakuru ka maesaesaesai, kicacaligira kilalalra.

Takatwasane Izipiti 13:9

Lu pasusu kikai tatulrisisiane amani ku sapakipapawlringavane numiane, mararaamau lu patuthingale pikai ki alrima ku siaedrete pikai ki punu patuthingale, lanu maka ngulringau parwakaikai silrigulrigu pikai ki takidremedremane numi ku hulrice ki Tamatama, asi lwiyane ku Tamatama arakai ku maadrau ku pukuini sangiluku numiane katwase Izipiti.

Izikile 9:4

“Lu katwasa, dadavace salraelre kai Yerusalrime, lu kipadradresengesu ku ngwalai ku tangimiane ki la ngialisiane ikai kai ki cekele si kwalrialri dadange ku umawmase, patuthingala pikai ki punu lini makanaelre.”

Zakaria 13:6

Alaiyasi ikai ku umawmase ku kiavaga iniane iya kai, ‘Kwi dula ki tukusu yai takatumanane?’ Kwi lasu lri tubalre iya kai, ‘Yakaiyaku ki daane ki talragili kadula.’ ”

Nisikawlane 26:22

Ai, pakela kaikameane, la kiparalubaku ki Twaumase, la maka dulrwaku acegecege ikai kai si papia sanaka matiausakene si matiatudrekase ka laumawmase akasikasi. Kai kawrivarivali mialri ka amani kudra taiyane ki yuginsia si Musi kudra lrika angimiane mutaluvaivai lukabibilrili.

1 Kurintu 12:13

Laka thadaalrane, kuta makanaelre adravane ka swa Yuda, ka swa Gurike, ku aduri ku ngialralraingi, twalai ki thadaalrane ka vaeva ka Siri kipabanau, si avaevanga ka kinawmasane, la maramaraamau kisupilri ki vaeva ka Siri.

Galatia 3:28

Kadrwanga ku swa Yuda ku sakamaelanane ka umawmase niyane apatatukudha, ku duri ku ngialralrainginga ka umawmase, ku sawvalai ku ababai, ikai adringi ki niake ki Yesu Kirisitu avaevanga numi ka kinawmasane.

Galatia 6:17

Twalainga kaikameane, madha pikaikainga kikai ki ngwakai kikai silape ku avangavangane nakwane, asi lwiyane kai kinawmasane lri mailililukaku kai bakici ki Yesu.

Ipisu 6:8

Thingala, adravane ka sasiakawlu ka tawki, ku Tamatama lri singikai ku tharirane ku kakwakudhane ki tangeea si pangibilri iniane.

Tapelane Drekase 11:18

“Lakamani, kunumi pulringalringaava kilakikai padradrekase, si pikidremedreme. La malra kilakikai padradrekase tusapatuthingalane, si sikalathe, siedrete, pakipapawlringalringau numiane.

Tapelane Drekase 6:8

Kunumi malra kikai lapadradrekase sikalathe la siedrete tusapatuthingalane,

Kulusia 3:11

Lwiyane kai kawriva, kadrwanga ku tamakakitukudhane ki swa Gurike si swa Yuda, kai lri ikainga ku tamakakaelane ku kiagelregelre tulrisi, si kai kiagelregelre tulrisi, ku kaina akabalrithi ku kakwakudhane, kudra duri si ngialralrainginga ka umawmase. Ku Kirisitu yai amani patuelre, ku Kirisitu waelrelre patuelre.

2 Timuthi 3:8

Mararaamau sakanadruma ki Yani si Yamebere ku tabaebalreane lini ki Musi, kaiasasane kikai laumawmase mialri baebalre ki patengane ka sabulrwane. Kudra kidremedreme lini ngialisiane, ikai ki salrwane kai maka wadulrunga kikilrialringau,

Nipadrelane 11:18

Sanaka kuni la kagirimucu kalisi, ai, ku sakaelaelane ki dringelresanesu mabeanga. Wadarurunga ku vai, ku wapacai ku umawmase lri kisaibange; ku sasiakawlusu ka layuginsia, ku umawmasesu, si sanaka mwasakene ukuludru muswane ku umawmase, adravane ka matiausakene ka kai matiausakene, lri malra ku pakalreva makanaelre. Kudra lamabebetethe amudu ki kadaengane ku umawmase lri kipakamudu!

Nipadrelane 15:2

La dreeleanaku ku mia ki garase ka laveke, kiaibu ku apwi. La mialria naku drele ku laumawmase; kwi lalasu pamalebenga kudra ki waudriwdripi, si tinuwaudriwdripane, amani kwidra niarakaiyane ku asipi patukamani ki nagane ka laumawmase. Kwi lalasu acegecege makanaelre ithili ki garase ka laveke, si ecenge ku baai ki Twaumase liniane ka patungutungu,

Nipadrelane 19:18

Kela kane ki beate ki talialalai, ki tamatama ki kwapingi, la kane ku beate ki rigi si ngwarigi, la kane ku beate ki duri, si ngialralrailraingi ka umawmase, si tabebelenge si talelebe ku makaelaela ka umawmase!”

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 19:5

Pacuungulu, la ikai ku lingau ku twalai ki taetalane, ku amia kai, “Sanaka sasiakawlu ki Twaumase, ka mwasakene ukuludru ki Twaumase, adravane ka tabebelenge ka talelebe, makitu drengedrengera makanaelre ki Twaumaseta!”

Nipadrelane 20:12

La dreelenga naku kudra ki wapacainga ka umawmase, adravane ka tabebelenge ka talelebe, acegecege makanaelre icucubungu ki taetalane. Ku sakukuswane ka pacase ka nibalrulane la mubalrulunga si paipai; ku taingeane laka vaeva ka niake ka mibu mialri paipainga. Ku wapacainga ku umawmase lri singikai ki kakwakudhane lini, si patwalai kilakikai sakukuswane ka pacase ka nibalrulane ku tapacasane, si kisaibange.

Nipadrelane 20:4

La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.

Nipadrelane 6:15

Kai talialalai lebe, si maerece, tamatama ki kwapingi, si sapaiswane, yakai ku puku, duri, si ngialralraingi ka umawmase, lri katwase makanaelre kilepenge ikai ki barungulu si lilibane ka alrisapesape.

Nipadrelane 7:3

“Madha kabebebetethe ki kadaengane, laveke, si angatu, nai paaswalana puhange pikai ki punu ki sasiakawlu ki Twaumase.”