Nipadrelane 13:15 - Ngudradreadrekadhane Ka Sisiu 魯凱語聖經

¹⁵ Ku mwasakadrusa ka waudriwdripi la malrana ku lrekeme, lri dulru malra ku niake si ipi pwa kwini ki tinusamiamiangane ka aswalala ka waudriwdripi, kwini samiamiange lai lri dulru kawriva, si papacai patuelre ku kai wasukubu ku umawmase kwini ki tinusamiamiangane ka waudriwdripi.

Nipadrelane 13:15 Iomraidhean Croise

Tabekacane 2:7

Sakabilrilinga, ku Tamatama ka Twaumase la arakai ku lamenge ki daedae bekace tuumawmase, la malra ku saseverane ki niake ipi pwadringi ki ngungwaneini, kai lasu la kirimunga ka yakai ku niake ka umawmase.

Lasenai 115:5

Yakai ku ngudwi lini ai kai wadulru kawriva, yakai ku maca lini ai kai maka wadrele,

Yerimia 10:14

Kikai tangimiamiane pangiathathingale ki umawmase ka makulrungu ka kadrwa ku thingale; ku taradarepe ki kingi masulri kwidra ki piaini ku samiamiange, asi lwiyane kudra pia lini ku latwaumase kaika patengatengane, kadrwa ku niake.

Yerimia 10:5

Kwi samiamiange lini mia ki sapawkukuludrane ka yakai ki mau taliliwru; kai wadulru kawriva, la kai dulru dadavace, lu kibulri ki umawmase wadadavace. Lakamani kunumi madha mukuludru! Kai lri dulru kabebetethe numiane, lai lri kai dulru paralubu numiane.

Yerimia 51:17

Kikai tangimiamiane ku umawmase lu kidremedreme ngiamakulrungu ka kadrwa ku thingale; ku taradarepe ki kingi masulri kudra ngipapia lini ku samiamiange, asi lwiyane kudra piaini ku twaumase kaika patengatengane, kadrwa ku niake

Daniele 7:20

La mialriaku apithingale ku pacugane kudra yakai belenge ki awlruini kudra mangeale ka lawngu si wacebe sakabilrilane ka tikiyane ka lawngu, la malra tuluthu kudra ki drumane ku tulru ka lawngu. Kwini tikiyane ka lawngu yakai ku maca si wadulru tuadrau lu kawriva ka ngudwi, athingalane ka matikikiwcu ki drumane ka lawngu.

Daniele 7:25

Kwi lasu lri palribate ku vaga, si kiecebe ki Abebeelengenga ka Twaumase, si tulilisi ki kawkawlu ki Twaumase. Kwi lasu kiadremedremedreme ku apakabalrithane ki lahulrice ki takisuswane si latatulrisilrisiane. Ku kawkawlu ki Twaumase lri kirathudu iniane taratulru ka caili si apararamau.

Habakuke 2:19

Kiamwangasu ku amatikurwane! Amiasu kai ki angatu, “Pacuna!” La iyasu kai ki lrenege, “Ngidrakaala!” Ku samiamiange lri dulru pelaela muswane ku manemane? Alau niarakaiyane ku kingi ku gingi cabu iniane, ai ku adringini kadrwa ku niake.

Yakubu 2:26

Lakamani, mararaamau ki kinawmasane luka kadrwa ku niake yai wapacai, ku salrwane luka kadrwa ku tangivelevelane mialri ka wapacai.

Nipadrelane 13:1

Pacuungulu, wadreelaku ku vaeva ka waudriwdripi ku twalai ki laveke ubelenge. Kwini waudriwdripi mangeale ku lawngu si ka pitu ku awlru, kwini ki lalawngu la sipagamucu ku pagamucu ki talialalai, kwini ki laawlru la pacase sunanagane tusinalrelreme ki Twaumase.

Nipadrelane 13:12

Kwi waudriwdripi la ikai cucubungu kwidra ki aswalala ka waudriwdripi, si arakai patuelre kudra lrekeme ki aswalaala ka waudriwdripi. Kwi waudriwdripi wavutha kai ki kadaengane si yakai ki kadaengane patuelre, pasukubu kudra aswala ku namadula pakilriingau si laka mwadringainga ka waudriwdripi.

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 14:11

Kudra pakiangeangeange liniane ka ebelre lri palralrawthu kai idrengere ku atuebebelrane. Kudra la wasukubu kwini ki waudriwdripi si waudriwdripi ka samiamiange, si kudra tarwamaranga ku sapatuthingalane ku naganeini, kai lri kasulivatenga pivai pimaungu.”

Nipadrelane 14:9

Ku mwasakatulru ka sasiakawlu belenge laka bibilrili ki tadrusa ka sasiakawlu belenge akwadrau iya kai, “Luka aneane ku wasukubu kwini ki waudriwdripi si tinuwaudriwdripane ka samiamiange, la ki puhange papunu si alrima,

Nipadrelane 16:2

Ku aswalaalanga ka sasiakawlu belenge la mwa, si malra kwini yakai iniane kwi kisi si gugu pikai kawmasane; ala kirimu ikai ki kinawmasane cebe kapapu pakilringau kudra ki lapinuhangeane ka waudriwdripi ka samiamiange si la wasukubunga ki nituwaudriwdripane ka samiamiange.

Nipadrelane 16:5

Kialalraku kwidra taramarasikaikai ki acilai ka sasiakawlu belenge amia kai, “Sanianiangenga kunadruma si kaiasasane! Amanisu ku madringelrese ka tarasaibaibange.

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 17:17

Asi lwiyane ku apiane ki Twaumase ku takidremedremaneini lri pikai kwini ki kidremedreme ki tamangeale ka talialalai, lai lri maramaraamau ku takidremedremane lini, ku sarathudane ku puku lini lri baai kwini ki waudriwdripi, pakela ku angimiane ku vaga ki Twaumase.”

Nipadrelane 17:6

La dreeleana naku kwini ki ababai ungungulu kabusuku ku erai ki umawmase ki Twaumase, si kudra erai ki la pasiakai ki Yesu pelaela si kipapacai. Sadrelaku iniane masamaliaku turamuru.

Nipadrelane 18:20

Swa subelebelenge, kiraragadha! Asi lwiyane kwi alisu mamudunga! Ku laumawmase ki Twaumase, lanisikawlane, si layuginsia, kiraragadha! Asi lwiyane ku Twaumase pusakainga numiane, pathavungunga iniane!

Nipadrelane 18:24

Ku swa Babilunia kiapathavungunga, asi lwiyane ikai kai ki cekele kiadringai ku erai ki yuginsia si umawmase ki Twaumase; unu, ku erai ki kiapapacai sanaka umawmase ikai kai kawmasane kiadringai patuelre ikai kai ki cekele.

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 20:4

La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.