Nipadrelane 13:13 - Ngudradreadrekadhane Ka Sisiu 魯凱語聖經

¹³ Kikai mwasakadrusa ka waudriwdripi la piana ku matiasamaymali; yakai cucubungu ki laumawmase si patwalai belenge pwakai lebe ku apwi.

Nipadrelane 13:13 Iomraidhean Croise

1 Latalialalai 18:38

Ku Tamatama la pulebe ku apwi, lama kwini ki sapatarumarane, ki angatu si pakadrunguru ki lrenege si daedae, pakameale ki acilai ka twabebeke ikai ki talrukwane.

Takatwasane Izipiti 7:22

Ai ku taratulrisi si taraivigi ki swa Izipiti mialri tulrisi, laka thadalrane pakabalrithi ki acilai aerai. Mararaamau ku taiyane ki Tamatama, ku takidremedremane ki talialalai laka makawlukulukulu ki aswalala, kai mubangalre kilalra ku vaga ki Musi si Arungu.

Takatwasane Izipiti 8:7

Ai kwini lataraivigi mialri ivigi, la mialri putaluvaivai ki latakurawru ikai daedae.

Takatwasane Izipiti 9:11

Kudra lataraivigi la kai maka pangimia picucubungu ki Musi, asi lwiyane mialri lini ka ngimiyaiya ki swa Izipiti ngithabucu ku kinawmasane kapu.

Taasipane 16:35

La pacungulu ku Tamatama pwalebe ku apwi si lama amudu kwini ki pwatalialiane ka ta 250 ku laumawmase.

Matai 16:1

Yakai ku tapiya ku swa Palrisai si swa Sadukise ku wakela kikawriva ki Yesu, kiasanu tulisilisi iniane, lakamani ku kitubi iniane ku apadrelane ku pinangu Twaumasane ka puku, sapelaelane ku piaini ala ka twalai ki Twaumase.

Matai 24:24

Asi lwiyane kudra kaika patengane ka Kirisitu si kaika patengane ka yuginsia lri mutaluvaivai, kwini lalasu lri pia ku maadrau ku matiasamali ka awngane pamama ki umawmase; luka adulrwane la lri pakeela ki pamama ku nipilriane ki Twaumase ka lakawkawlu.

Maruku 13:22

Asi lwiyane kudra kaika patengane ka Kirisitu si kaika patengane ka yuginsia lri mutaluvaivai; kwini lalasu lai lri pia ku matiasamali ka awngane, si pakaelre ku dulru lini lrilrigili ki nipilriane ki Twaumase ka lakawkawlu.

2 Timuthi 3:8

Mararaamau sakanadruma ki Yani si Yamebere ku tabaebalreane lini ki Musi, kaiasasane kikai laumawmase mialri baebalre ki patengane ka sabulrwane. Kudra kidremedreme lini ngialisiane, ikai ki salrwane kai maka wadulrunga kikilrialringau,

Nipadrelane 11:5

Alaiyasi ikai ku umawmase ku lri kisanu kabebetethe liniane, kwi lalasu lri patwalai ki ngudui pakelrabe ku apwi, si lama papacai ki badha. Lakamani, ku aneane ku kiasanu kabebetethe liniane, lri kamani ku kiapapacai.

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 20:9

Kwini lalasu lri salraelre kawmasane, lai lri lringulu ku tasuladhane ki kawkawlu ki Twaumase si kudra ki kadalameini ka cekele; ai yakai ku apwi ku twalai belenge mulebe, si amudu liniane.