Nipadrelane 13:11 - Ngudradreadrekadhane Ka Sisiu 魯凱語聖經

¹¹ La dreelenga naku ku taingeane ka waudriwdripi ku twalai adringi ki kadaengane ubelenge. Drusa ku lawnguini, mia ki lawngu ki kiu, ai lu kawriva mia ki baralebale.

Nipadrelane 13:11 Iomraidhean Croise

Daniele 7:8

Sa icengecengaku dredredrele kilakikai lawngu, kudra kabicelrakane ki lalawngu wacebe ku tikiyane ka maelane ka lawngu; kikai tikiyane ka lawngu la malra patwalai ki mangeale ka sakwa ikaai ka lawngu akucu ngutulru. Kikai tikiyane ka lawngu yakai ku maca ki umawmase si vaeva ka twaadrau turamuru lu kawriva ka ngudwi.

Daniele 8:3

si drele ku vaeva ku balase ka nikiubawbalane ka kiu, twalawngu tu drusa kaeelrenge, la acegecege ikai kwini, ku lawngu makakaela ku takalragiane, kwidra malrailragi ka lawngu yai tau cebecebe.

Matai 7:15

“Kunumi padulrwa telenge ki kaika patengane ka yuginsia. Kwi lalasu lu kela mucucubungu numiane, ku belenge lu drelane mia ki nikiubawbalane ka kiu, ku adringi yai ala ka malilisi ka tawpungu ubulane.

Ruma 16:18

Asi lwiyane kai miyaiya kaika umawmase kai pasiakaikai ki Tamatamata ka Kirisitu kaungu, pangwalwalwadhane ki barange lini. Kwi lalasu arakai ku mathariri ka lrigilane ka vaga si pamama ki patengatengane kai kadraedrangelre ka umawmase.

2 Tisaruniki 2:4

Kwini tarapasalrisalriu ka umawmase lri baebalre patuelre kudra ki kiatu twaumase si la kiasukusukubu ki umawmase, si lalri ngitatu abelenge ka sabebeelengenga sanaka maneemane, si la pakeela ku wamwa nene ikai ki daane ki Twaumase, si ngitatu Twaumase.

Nipadrelane 11:7

Kwi lalasu sapelaelanga ku vaga ki Twaumase, kudra kaiyanganai twalai ki valrulrange ka waudriwdripi lri kikaruburu liniane, lai pamalebe liniane, si lri papacai liniane.

Nipadrelane 12:17

Ku baralebale la papia ki ababai kalisi, la katwase kikaruburu ki drumane ka agaganeini, ka makakaruburu ki sanaka umawmase ka paluludu ku drekase ki Twaumase, si masalru si pangimia ku tapelaelane ki Yesu ka patengane ka sabulrwane.

Nipadrelane 13:1

Pacuungulu, wadreelaku ku vaeva ka waudriwdripi ku twalai ki laveke ubelenge. Kwini waudriwdripi mangeale ku lawngu si ka pitu ku awlru, kwini ki lalawngu la sipagamucu ku pagamucu ki talialalai, kwini ki laawlru la pacase sunanagane tusinalrelreme ki Twaumase.

Nipadrelane 13:17

Kwi hange ka sapatuthingalane amani kudra nagane ki waudriwdripi lakamani kudra sapawbalrithane ki nagane ka asipi; ku kadrwa kikai hange ka sapatuthingalane, lai kai lri dulru malangalangai.

Nipadrelane 13:4

Wasukubu makanaelre kwini ki baralebale, asi lwiyane kwi baralebale wamalra ku lrekemeini si baai ki waudriwdripi. Kwi lalasu la mialri sukubu kwini ki waudriwdripi, si iya kai, “Aneane ku lri maka kiramau kai ki waudriwdripi? Aneane ku lri maka kiecebe iniane?”

Nipadrelane 16:13

Pacuungulu, la drelaku ku tulru ku ngialisiane ka ri, mia ki iyau, ka la twalai ngibwale ki ngudui ki baralebale, waudriwdripi, si kaika patengane ka yuginsia.

Nipadrelane 17:6

La dreeleana naku kwini ki ababai ungungulu kabusuku ku erai ki umawmase ki Twaumase, si kudra erai ki la pasiakai ki Yesu pelaela si kipapacai. Sadrelaku iniane masamaliaku turamuru.

Nipadrelane 17:8

Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.