Nipadrelane 13:1 - Ngudradreadrekadhane Ka Sisiu 魯凱語聖經

¹ Pacuungulu, wadreelaku ku vaeva ka waudriwdripi ku twalai ki laveke ubelenge. Kwini waudriwdripi mangeale ku lawngu si ka pitu ku awlru, kwini ki lalawngu la sipagamucu ku pagamucu ki talialalai, kwini ki laawlru la pacase sunanagane tusinalrelreme ki Twaumase.

Nipadrelane 13:1 Iomraidhean Croise

Yerimia 5:22

Kwaku ka Tamatama nau kivaga numiane: Anu kai mukuludru musakene nakwane? Ikai cucubungu nakwane, anu kai ukuludru? Paswatelradhaku ki aenaenai tupagisane ki laveke, ku laveke kai lri maka lribate kai ki pagisane. Adravane ka lriau ki acilai ki laveke kai lri dulru lribate; ku bikabiki ki laveke kai lri maka buruku.

Daniele 11:36

“Ku talialalai ki swa Siria lri ngilralraaingi ku apiane, si ngikalrilrilrigu ka sanianiange ki sanaka twaumase, ka walriibate ki sanaka twaumase ka Twaumase. Kwi lasu lri pacungulu pia kikai ngikarakacane pia sanaka manemane, pakeela ku tapathavungane iniane ki Twaumase ka vai. Ku Twaumase lri tara pangimia ku kikakeini, kai lri akabalrithi lutumane.

Daniele 2:41

Kudra drelesu ku maibu ki adreme si dae ka drapale si galawgau ki drapale yai papia ki lubibilrili yakai ku vaeva ku mauvagai ka kuni ku lri mutaluvaivai; kwini yakai ku adreme ka puku, asi lwiyane niapaelreane ku adreme si dae.

Nipadrelane 11:7

Kwi lalasu sapelaelanga ku vaga ki Twaumase, kudra kaiyanganai twalai ki valrulrange ka waudriwdripi lri kikaruburu liniane, lai pamalebe liniane, si lri papacai liniane.

Nipadrelane 12:3

Kai belenge la adrelaneana ku vaevanga ka matiasamaimali ku tangimiane: Yakai ku vaeva ku duduli ka maadrau ka baralebale, twapitu ku awlru, laka mangeale ku lawngu, ku awlru la sipagamucu ku pagamucu ki talialalai.

Nipadrelane 13:11

La dreelenga naku ku taingeane ka waudriwdripi ku twalai adringi ki kadaengane ubelenge. Drusa ku lawnguini, mia ki lawngu ki kiu, ai lu kawriva mia ki baralebale.

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 13:15

Ku mwasakadrusa ka waudriwdripi la malrana ku lrekeme, lri dulru malra ku niake si ipi pwa kwini ki tinusamiamiangane ka aswalala ka waudriwdripi, kwini samiamiange lai lri dulru kawriva, si papacai patuelre ku kai wasukubu ku umawmase kwini ki tinusamiamiangane ka waudriwdripi.

Nipadrelane 15:2

La dreeleanaku ku mia ki garase ka laveke, kiaibu ku apwi. La mialria naku drele ku laumawmase; kwi lalasu pamalebenga kudra ki waudriwdripi, si tinuwaudriwdripane, amani kwidra niarakaiyane ku asipi patukamani ki nagane ka laumawmase. Kwi lalasu acegecege makanaelre ithili ki garase ka laveke, si ecenge ku baai ki Twaumase liniane ka patungutungu,

Nipadrelane 16:13

Pacuungulu, la drelaku ku tulru ku ngialisiane ka ri, mia ki iyau, ka la twalai ngibwale ki ngudui ki baralebale, waudriwdripi, si kaika patengane ka yuginsia.

Nipadrelane 17:16

Kudra drelesu ku mangeale ka lawngu si kudra waudriwdripi lri kavalracevace kwini ki pairairange, lri ravase ku lamanemaneini patuelre, lai lrika mulaimaimainga kwini alisu; kwi lawaudriwdripi lri lama ku beateini, si arakai ku apwi lama iniane.

Nipadrelane 17:3

Kiavelevelaku ki Siri, ku sasiakawlu belenge la malra ililuku nakwane pwa ubulane. La drelaku ku tangea ku ababai ku ngwarigirigi ki vaeva ka duduli ka waudriwdripi; kwini kinawmasane ki waudriwdripi la suete ku pinacasane ku satudreadreadrekasane ka lanagane, la tupitu ku awlru si mangeale ku lawngu.

Nipadrelane 17:5

Ki punuini la pacase ku nipaidringane ka nagane iya kai, “Maadrau ka Babilunia ka tina ki pairairange kai kawmasane si sanaka matialrase ka lamanemane!”

Nipadrelane 19:19

La dreelenga naku kwini ki waudriwdripi si latalialalai kawmasane, si lakwapingi lini yasarubu yelrelre, si makakaruburu kwini ki ngwarigirigi ku lrawlrapungu ka rigi si lakwapingini.