Nipadrelane 12:9 - Ngudradreadrekadhane Ka Sisiu 魯凱語聖經

⁹ Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 12:9 Iomraidhean Croise

Tabekacane 3:1

Kai sulrau yai ikai ki bekace ki Tamatama ka Twaumase sanaka waudriwdripi malrilrigilinga ku salrilrigilane. Ku sulrau la kivaga kwini ki ababai, “Ku Twaumase tengane ka madha kanekane amia numiane kikai sanaka madru ki angatu ikai mawivaivai?”

Tabekacane 3:13

Ku Tamatama ka Twaumase la kivaga kwini ki ababai, “Manemane kai piasu kai?” Kwini alisu la tubalre, “Amani kavai sulrau ka walrilrigili nakwane, lakamani ku kaneli.”

1 Lacaili 21:1

Ku Satange kiaecebe ki swa Iseraylri, ku Davidi la kalritheethe pangimia kudra asipane ki kusiki.

2 Lacaili 18:21

Kwini ri la kawriva, ‘Lri padraedrangelraku ki yuginsia ki Ahabe makanaelre.’ Ku Tamatama la kawriva, ‘Lu mwa, lrulrucuka iniane. Lri tara pamalebesu iya.’ ”

Lasenai 109:6

Kiatubiaku muswane arakaiya ki ngialisiane ka tarasaibaibange si saibange ki badhali, arakaiya ki badhaini kukusu iniane.

Isaiya 14:12

“Talialalai ki swa Babilunia, kusu ka malealedra ka sapakataleare ka tariau, twalaingasu subelebelenge tuverevere mulebe. Napamalebengasu ki lakuni, kikai la kivereveresu pulebe.

Isaiya 27:1

Kwini ki vai, ku Tamatama lri arakai ku makecenge marangisi ka dramu pathavungu ki baralebale, ka amani kudra tara apapiyaiya padaalru akabalrithi ka sidrumane ka sulrau, lai lri papacai kudra tumaelaelane ka waudriwdripi ikai laveke.

Isaiya 65:25

Ku tawpungu ubulane si kiu lri taelre kanekane ku lamanemane; ku raiyungu lri mia ki lwange kane ku ubulu; ku sulrau kai lri dulanga ki umawmase. Ikai Ziyungu ka saniange ka lregelregeli, lri kai ikainga ku akadulane ku ngialisiane.” Ku Tamatama amia kikai pelaela.

Izikile 28:16

Sa ngiesadhanenga ku siwbaisu, la ngikarakacanengasu si pasalriu. Lakamani, ku vuthali pakatwase muswane ki saniange ka lregelregeli; kudra palakelakebe muswane ka sasiakawlu belenge pakatwase muswane kudra ki lawalikalikathe ku silu ka kadaengane.

Matai 13:39

kudra badha ka wasabulu ku ngimumugi Akema; lu ketaketabenga amani luka taalikaiyanenga ku vai kai kawmasane; ku wakela ketabe sasiakawlu subelebelenge.

Matai 24:24

Asi lwiyane kudra kaika patengane ka Kirisitu si kaika patengane ka yuginsia lri mutaluvaivai, kwini lalasu lri pia ku maadrau ku matiasamali ka awngane pamama ki umawmase; luka adulrwane la lri pakeela ki pamama ku nipilriane ki Twaumase ka lakawkawlu.

Matai 25:41

“Ku talialalai ala papia ki tali virini ka umawmase iya kai, ‘Katwasa! Kunumi ka nipuswane ki Twaumase, katwasaili! Si mwa kudra ki palralrawthu kai kaedrepe ka apwi ka nipadulrudulrwane pasikai ki Akema si twapapapalra iniane!

Matai 4:1

Ala pacungulu, ku Yesu kiaililuku ki Siri mwa ubulane calragulragu, si kikituthiathingale ki Akema.

Matai 4:10

Ku Yesu la tubalre iya kai, “Satange, katwasa! Kai Sisiu amia kai, ‘Sukuba ki Tamatama ka Twaumasesu, kathane ku apasikaiyane usakene iniane.’ ”

Matai 4:5

Ku Akema la iilukunga ki Yesu mwa Alrivilrivi ka cekele, si paacegecege iniane ikai talrugulrugane ki abebeelengenga ka daane ki Twaumase,

Matai 4:8

Ku bibiilrilinga ku Akema la ililuku ki Yesu mwa ki abeelenge ka lregelrege, la padrele iniane patuelre sanaka kuni ikawmasane si kudra ngiradhekanane lini.

Luka 10:18

Ku Yesu la iya kai liniane, “Wadrelaku ki Satange mia ki lrikace twalai subelebelenge tuverevere.

Luka 13:16

Kikai alisu mwabaibalrithi ki Aberahame, ka kiakerenge ki Satange tara 18 ka caili, ikai ki Taisadrasadrane ka vai, bekaceta kai mwalra mukerenge kwini sakerengane iniane?”

Luka 22:3

Kikwini kwidra, ku Satange mwadringi ki kidremedreme ki swa Isekaliwte ka Yuda. (Kai Yuda ikai ki ta 12 ka lasitu ki Yesu ka tangea.)

Luka 22:31

Ku Yesu la iyana kai, “Simune, Simune! Ku Satange kiapalrainginga ku akelane kituthiathingale numiane, lri pavalri numiane mia ki tarakawaungu lu pavalri ki mugi.

Luka 8:12

Ku makakai ki babiabila ki kadadalranane ka sapaivai, amani ki umawmase lu kilalranga ku vaga ki Twaumase, ku Akema la kela, si patwalai ki kidremedreme lini malra ku vaga ki Twaumase, ku kaika adulrwane lini kasalru si kipalribulu.

Yuhani 12:31

Kikai yakawmasane lri kisaibange; kikai warathudu kawmasane lri kibaebalre.

Yuhani 14:30

Kikai lri kainaku akukalralenga kawriva numiane, asi lwiyane kikai warathudu ki yakawmasane lri kelanga. Papia nakwane kadrwa ku puku lini;

Yuhani 16:11

ku takidremedremane lini papia ki akisaibangane pasamali, asi lwiyane kikai talialalai ki yakawmasane kiasaibangenga.

Yuhani 8:44

Sakwa ka lalalake numi ki Akema, ka kiadredreedreme ku apasalaladhane pia ku piapia ki tama numi. Twalai ki sapathagili amani ku papacai, kai sakaikai ki patengane ka sabulrwane, asi lwiyane kadrwa iniane ku patengane ka sabulrwane. Takaumawmasaneini ki atavuvulrucane; asi lwiyane amani ku taratavuvuvulrucu, laka tangadrane ki atavuvulrucane.

Nisikawlane 26:18

Lri pamanumacasu ku maca lini, ku lrika atwaladhane lini ki kadradridrimitane ngibangulu papia ki kalealedrane, twalai ki puku ki Satange papia ki Twaumase, ku angukaiyane ki salrwane lini nakwane si kipacepe ku pasalrivane, lalri ikainga ku tasakaiyane lini ikai kudra ki pinilriane ki Twaumase ka laumawmase.’ ”

Nisikawlane 5:3

Ku Pitiru la iya kai kwini ki lasu, “Anania, asu kiruthuku ki Satange kwi kidremedremesu, la draedrangelre ki Siri, la pasurusu ku drumane ku langadhane ki kadaengane?

Ruma 16:18

Asi lwiyane kai miyaiya kaika umawmase kai pasiakaikai ki Tamatamata ka Kirisitu kaungu, pangwalwalwadhane ki barange lini. Kwi lalasu arakai ku mathariri ka lrigilane ka vaga si pamama ki patengatengane kai kadraedrangelre ka umawmase.

Ruma 16:20

Ku wabaai ku sulivatane ka Twaumase lri kabebetethe suburu ki Satange, ku lrika akasalelebeane ikai tailebe ki drapale numi. Ku Tamatamata ka Yesu ani baai numiane ku migemi!

2 Kurintu 11:14

Ku patengatengane kaika akasamaliane, adravane kai Satange wadulru ngisasubusubu si aledra ka sasiakawlu belenge!

2 Kurintu 11:3

Ai amani lu kipangilisiane kwi kidremedreme numi, si cilri ku tasalikavaevane arakai ku bulane kilibake ki Kirisitu, mia ki Iva kilrilrigili ki sulrau.

2 Kurintu 12:7

Pakai ku kaika amalraneli ku makalra ku mwakalrivili ku sapathingalane si ngwalai ngitatwadrau, yakai kai taingeane ka caemane kai tangeangeangane ikai ki kinawmasaneli, mia ki sasiakawlu ki Satange ka wacwicwiki nakwane pakiangeange, ku kaika angikalrilrigwaneli.

2 Kurintu 2:11

amani luka silrialribate numiane ku Satange, asi lwiyane wathingale nai turamuru ku salrilrigilane ki Satange.

2 Kurintu 4:4

Kilakikai umawmase kai masalru, asi lwiyane kikai Satange pakabuti liniane, la kai maka drelenga ku ledra ki hukuingi; kikai hukuingi yai patharukai ki lrigu ki Kirisitu, kai Kirisitu laka tangimiamiane ki Twaumase.

Ipisu 4:14

Lukamiyaiya kai, lai kaita ngialrawnga ki lavavalake, ulrabuku ku daedarepe ki umawmase ku salrilrigilane, si tupapapalra singikai ku makaelaela ku takawrivane ki umawmase.

2 Tisaruniki 2:3

Madha kilrilrilrigili ku tapangimiane sanaka aneeanenga. Asi lwiyane, lu lri kela kudra vai lri paswalana ikai ku bibiilrilinga ku wabaebalre, kudra niyanenga ka lri tara kamudu ka tarapasalrisalriu ka umawmase lri utaluvaivai.

1 Timuthi 2:14

Ku kialrilrigili kaika Adame, amani ku ababai, kwi alisu kialrilrigili, baebalre ku drekase ki Twaumase.

2 Timuthi 3:13

Ku manganga si tara draedraedrangelre ku umawmase ku angimiane lini lukavaivai lri aru ngilisiane, kudra lu draedrangelre ki palrapalra, mialri kidraedrangelre.

Hiburu 2:14

Kikai lalalake kudra yakai makanaelre ku erai ku beate ka umawmase, ku Yesu la mialri ka thadalrane ku takaumawmasane. Lakamiyaiya kai, ngwakai ki tapacadhaneini, wadulru kabebetethe amudu kudra ki magagemegeme ku puku ki apacadhane ka Akema,

1 Pitiru 5:8

Kipapawlringava padulru, kwidra badha numi ka Akema mia ki raiyungu girigiringi masasawlriwlri dadavace, silasilape ku alredaneini ku umawmase.

1 Yuhani 5:19

Wathingaleta, unu kai kawmasane patuelre kia gemegeme ki ngialisiane, kuta tangimianeta ka swakai ki Twaumase.

Yuda 1:9

Adravane ku kiacapili ki sasiakawlu belenge ka Mikaele, ngwalai ki wapacainga ka kinawmasane ki Musi madradrikisi ki Akema la kai thuru arakai ku tusinalremeane ku vaga kaelaela iniane, amia kai lakathane, “Ku Tamatama lri kaelaela muswane!”

Nipadrelane 12:12

Lakamani, kunumi ka swa subelebelenge si yakai kwini, nai kiraragai numi! Ai, kai kadaengane si laveke matisalregesege ki amatikurwane! Asi lwiyane kai Akema mailukunga ku girimucane si mulebe mwa numiane kwini, asi lwiyane ngiathathingale ka kai lri tarathaynunga ku vaini.”

Nipadrelane 12:3

Kai belenge la adrelaneana ku vaevanga ka matiasamaimali ku tangimiane: Yakai ku vaeva ku duduli ka maadrau ka baralebale, twapitu ku awlru, laka mangeale ku lawngu, ku awlru la sipagamucu ku pagamucu ki talialalai.

Nipadrelane 12:7

Sakabilrilinga, kai belenge la makaruruburu. Ku Mikaele si sasiakawluini belenge makakaruburu ki baralebale, ku baralebale si sasiakawluini la mialri kainganai kidresenge kikaruburu.

Nipadrelane 12:8

Ai, ku baralebale kiapamalebe; ku baralebale si sasiakawluini la kai maka ikainga ka belenge.

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

Nipadrelane 18:2

Kwi lasu la akwadrau tawtau iya kai, “Maburukunga! Maadrau ka Babilunia maburukunga! Kai alisu amaninga ku taikaikaiyane ki Akema, ka libi ki aidridringane, ka lisisuku ki latakukudrulru matilrase ka adhadhame.

Nipadrelane 18:23

Ku tinaki kai lri maka ledranga; lai kai akilalranenga ku tamatatetetengeane ki tawkarudrarudrange. Ku muswane ka tarathathathakai ka umawmase kamani ku sapupukuanenga kawmasane makanaelre; kai kawmasane kai umawmase la mialri kilrilrigili pamama!”

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 2:13

Wathingalaku kwi taikaiyanesu amani ku tagemegemane atalialalai ki Satange. Tengatengane kwi kidremedremesu papia nakwane, adravane kipapacai ku taraakasikasi nakwane ka Anetipase ikai ki taikaiyane ki Satange, kaisu wacilri ku salrwanesu papia nakwane.

Nipadrelane 2:24

“Ai, kunumi ka tedrane ka kai twapapalra ku taiyane ku ngialisiane ka vaga ikai Tiatira ka umawmase, si kai kibulru kudra sabulrwane ki Satange. Nau pelaela numiane, lri kainaku drimanga baai numiane ku druma ku matelrege ka amece.

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!

Nipadrelane 20:10

Kudra pamamama liniane ku Akema lri kiverevere pwa ki apwi ka kananu ka baiyu; kwini waudriwdripi si kaika patengane ka yuginsia lri ikainga kwini. Ikai kwini, kwi lalasu lri pivaiyanenga pimaungu kipakwalrialri, kadrwanga ku aisadrane palralrawthu.

Nipadrelane 20:8

kwi lasu lai lri katwase pamama ki ngiathalringulu sanaka kuninga, amani ku swa Guge si swa Maguge. Ku Satange lri alra sarubu si apaelre liniane, la pakatwase pakikaruburu; ku umawmase lini lri mia ki babiabila ki laveke ka enai ku kalrane.

Nipadrelane 3:9

Drela! Kwini la papapalra ki Satange, ka taratavuvuvulrucu ka ngiatatu swa Yuda, ku patengatengane la kaika swa Yuda, lri pakainganadha ku liniane, si icucubungu ki drapalesu sukubu, lani thingale kwi lalasu aka madalamaku muswane.

Nipadrelane 9:1

Ku mwasakalrima ku sasiakawlu belenge sangirapa, wadrelaku ku vaeva ku tariau ku twalai belenge tuverevere mulebe, si mucilri mwa cakena. Kikai tariau tarwamara ku sawsi ki valrulrange.

Nipadrelane 9:20

Kudra drumane ku umawmase ku kai yakai kai ki matikurwane kipapacai thadaalraneana kai ngitatupela, la kai cilri ku ngipapia lini ku samiamiange. Kwi lalasu thadaalraneana sukusukubu ki Akema, si kingi, gingi, lriwlu, lrenege, si niaraangatwane pia ka la kai wadulru drele, kai wadulru kilalra kai wadulru dadavace ka lamanemane.