Nipadrelane 12:7 - Ngudradreadrekadhane Ka Sisiu 魯凱語聖經

⁷ Sakabilrilinga, kai belenge la makaruruburu. Ku Mikaele si sasiakawluini belenge makakaruburu ki baralebale, ku baralebale si sasiakawluini la mialri kainganai kidresenge kikaruburu.

Nipadrelane 12:7 Iomraidhean Croise

Lasenai 78:49

Pakiapadradresenge liniane ku maadrau ku amatikurwane, ara elathane si girimucane tusasiakawlu ki apacadhane si lrumai liniane.

Isaiya 34:5

Ku Tamatama yakai belenge twadreadreme ku dramu; lri papacai kudra tupasalrivanengaini ka lri kamudu ka swa Idume.

Isaiya 55:4

Lri paatarasangililukaku lai lri ka abebeelengenga ki sanaka kuni iniane, la pangukai iniane, si papia liniane pathingalane ku pukuli.

Daniele 10:13

Ai ku palribulu ki kuni ki Perisia ka sasiakawlu belenge watelenge nakwane, lakamani ku ngiabalaili ku nitara 21 ku vai. La tangeangeaku asuru ikai Perisia, yakai ku tangeea ka kiacapili ki sasiakawlu belenge ka Mikaele kaiyanganai paralubu nakwane.

Daniele 12:1

Kudra sialaimai ku malubibiri ka kaimadhane ku laimai ka sasiakawlu belenge amia kai, “Lukamani kwidra, kudra palakelakebe ki sakacekelesu ka kiacapili ki sasiakawlu belenge ka Mikaele lri mutaluvaivai. Lai lri ikai ku lrika amatikurwane, twalai ku tacegecegane ki kuni madradraunga ka amatikurwane. Ikai kwini, ki sakacekelesu ku kiapacase pikai ki mibu ki niake ku nagane, lri kipalriibulu makanaelre.

Matai 13:41

Ku Lalake ki Umawmase lri sikawlu ki sasiakawlu subelebelenge, lai malra ruthuku kudra ki iya kai ki kunini kudra ki latarapapasalrisalriu ki umawmase si sanaka paiyaiya ku ngialisiane ka umawmase.

Matai 16:27

Ku Lalake ki Umawmase lubibilrili lri ikai ki lrigu ki Tamaini, si karededele ki sasiakawluini subelebelenge kainganai. Lu kamani kwidra, kwi lasu lri singikai ki kakwakudhane ki tangeea pangibilri iniane.

Matai 24:31

Ku lingau ki rapa lri kwadrau elraelrange, kwini lasu lri sikawlu ki sasiakawlu belenge pamwa sanaka ininunga, lri patwalai ki talrawane kai kawmasane pakela ki talriwgane kai kawmasane, si sarubu ku pilrini ka laumawmase.”

Matai 25:41

“Ku talialalai ala papia ki tali virini ka umawmase iya kai, ‘Katwasa! Kunumi ka nipuswane ki Twaumase, katwasaili! Si mwa kudra ki palralrawthu kai kaedrepe ka apwi ka nipadulrudulrwane pasikai ki Akema si twapapapalra iniane!

Matai 26:53

Bekacesu kai thingale, ka lri dulrwaku kitubi ku akiparalubane ki Ama, si lri makakai pakainganai ku tai 12 ku tairubwane ki kwapingi ka sasiakawlu belenge?

2 Kurintu 12:7

Pakai ku kaika amalraneli ku makalra ku mwakalrivili ku sapathingalane si ngwalai ngitatwadrau, yakai kai taingeane ka caemane kai tangeangeangane ikai ki kinawmasaneli, mia ki sasiakawlu ki Satange ka wacwicwiki nakwane pakiangeange, ku kaika angikalrilrigwaneli.

Ipisu 6:12

Asi lwiyane kaita ka lri kiecebe ki yakai ku erai ku beate ka umawmase, amani kwidra ngwababelenge ka aidridringane, amani kikai ki madradrimiti ka zidai, ka magagemegeme ku puku, kai puku ki yakai kai ki kiacaebe belenge ka ngialisiane ku akikaruburaneta.

2 Tisaruniki 1:7

si kudra kwalrialri ku umawmase lri pakarededele naiane mukerenge. Lu adrelanenga ikai ki apwi ku Tamatama ka Yesu si sapukwane ka lasasiakawluini belenge, ku Twaumase lri pangimianga pia kikai.

Hiburu 2:10

Kudra amani ku wabekace si apamwamwa sanaka manemanenga ka Twaumase pangwakakai ki Yesu ku akwalriane, si kamaninga ku kiatulrepenge, pakai ku taelre ki lalalake kisupilri ku lriguini, ku tapiane kai ki Twaumase mamamwa. Asi lwiyane ku Yesu naamani ku thamadalane ka wasangililuku liniane mudaane ki akipalribulane ki thamadalane.

2 Pitiru 2:4

Ku Twaumase kai paacepe kwidra ki pasalriu ka sasiakawlu belenge, waverevere liniane puswadriadringi, emenge liniane pikai kadradridrimitane, ukalavalava ku akisaibangane.

Yuda 1:9

Adravane ku kiacapili ki sasiakawlu belenge ka Mikaele, ngwalai ki wapacainga ka kinawmasane ki Musi madradrikisi ki Akema la kai thuru arakai ku tusinalremeane ku vaga kaelaela iniane, amia kai lakathane, “Ku Tamatama lri kaelaela muswane!”

Nipadrelane 12:8

Ai, ku baralebale kiapamalebe; ku baralebale si sasiakawluini la kai maka ikainga ka belenge.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:7

Kwini waudriwdripi kiapalraingi ku akikaruburaneini ki umawmase ki Twaumase, si pamalebe liniane; la kibaai ku puku ku aerecane ki cacekeceekele, ki laminzuku, ki lakuni, si lamakaelaela ku vaga ka umawmase.

Nipadrelane 20:2

Kwi lasu waruthuku kwini ki baralebale, kaamani kudra sidrumanane ka sulrau, ka Akema, la si Satange, wakerenge iniane patara kudrulu ka caili.