Nipadrelane 12:4 - Ngudradreadrekadhane Ka Sisiu 魯凱語聖經

⁴ Kwi baralebale la arakai ku tawthu pelrepelre ku taingeane ki nipautulrwane ki tariau subelebelenge, si verevere pikai lebe. La acegecege ikai cucubungu kwini ki lri tulalakenga ka ababai, lri ukalava kwini ki daini sana kitulalake, lai lri malra thamukulu.

Nipadrelane 12:4 Iomraidhean Croise

Takatwasane Izipiti 1:16

“Lu patulalake numi ki labaibai ki swa Hiburu, lwiyasi tulalake ku sawvalai, papacadha, luka ababai, la papanianiaka.”

Isaiya 27:1

Kwini ki vai, ku Tamatama lri arakai ku makecenge marangisi ka dramu pathavungu ki baralebale, ka amani kudra tara apapiyaiya padaalru akabalrithi ka sidrumane ka sulrau, lai lri papacai kudra tumaelaelane ka waudriwdripi ikai laveke.

Yuhani 8:44

Sakwa ka lalalake numi ki Akema, ka kiadredreedreme ku apasalaladhane pia ku piapia ki tama numi. Twalai ki sapathagili amani ku papacai, kai sakaikai ki patengane ka sabulrwane, asi lwiyane kadrwa iniane ku patengane ka sabulrwane. Takaumawmasaneini ki atavuvulrucane; asi lwiyane amani ku taratavuvuvulrucu, laka tangadrane ki atavuvulrucane.

1 Pitiru 5:8

Kipapawlringava padulru, kwidra badha numi ka Akema mia ki raiyungu girigiringi masasawlriwlri dadavace, silasilape ku alredaneini ku umawmase.

Nipadrelane 12:7

Sakabilrilinga, kai belenge la makaruruburu. Ku Mikaele si sasiakawluini belenge makakaruburu ki baralebale, ku baralebale si sasiakawluini la mialri kainganai kidresenge kikaruburu.

Nipadrelane 12:9

Ku baralebale ala kiverevere pulebe; ka amani kudra sidrumane ka sulrau, ku nagane sia Akema sia Satange, ka amani ku walrilrilrigili sanaka umawmase. Sa kiverevere pwa kai kawmasane; ku sasiakawluini la mialri kiverevere pulebe.

Nipadrelane 13:2

Ku dreleli kwini waudriwdripi mia ki vaeva ka lrikulau; ku drapale mia ki drapale ki cumai, ku ngudui mia ki ngudui ki raiyungu. Ku baralebale la malra ku pukuini ku taetalane ku takatalialaladhaneini si maadrau ka lrekeme baai patuelre kwini ki waudriwdripi.

Nipadrelane 13:4

Wasukubu makanaelre kwini ki baralebale, asi lwiyane kwi baralebale wamalra ku lrekemeini si baai ki waudriwdripi. Kwi lalasu la mialri sukubu kwini ki waudriwdripi, si iya kai, “Aneane ku lri maka kiramau kai ki waudriwdripi? Aneane ku lri maka kiecebe iniane?”

Nipadrelane 16:13

Pacuungulu, la drelaku ku tulru ku ngialisiane ka ri, mia ki iyau, ka la twalai ngibwale ki ngudui ki baralebale, waudriwdripi, si kaika patengane ka yuginsia.

Nipadrelane 17:18

“Kwini drelesu kwini ababai amani kudra warathudu ki latalialalai kawmasane ka maadrau ka cekele.”

Nipadrelane 20:2

Kwi lasu waruthuku kwini ki baralebale, kaamani kudra sidrumanane ka sulrau, ka Akema, la si Satange, wakerenge iniane patara kudrulu ka caili.

Nipadrelane 8:10

Ku mwasakatulru ku sasiakawlu belenge sangirapa, yakai ku maadrau ku tariau, mia ki kwadaladalai ka taliwlare, twalai belenge tuverevere mulebe, si makakai ki taingeane ki nipautulrwane ki kadravane si sanaka tacebeane ki acilai.

Nipadrelane 8:11

(Kikai tariau ku nagane sia “Mapalili kangadha”.) Kai acilai ku taingeane ki nipautulrwane la akabalrithi kapalili. Amani sa kapalili kai acilai, takaalra ku umawmase ku waungulu kikai acilai si pacai makanaelre.

Nipadrelane 8:12

Ku mwasakasupate ku sasiakawlu belenge sangirapa, ku taingeane ki nipautulrwane ki vai, ku taingeane ki nipautulrwane ki dramare, si taingeane ki nipautulrwane ki tariau kiapungupungu patuelre. Ku vai, dramare, tariau la kawlrau ku taingeane ki nipautulrwane ku ledra; ku taingeane ki nipautulrwane ki vaiyane kadrwa ku ledra, ku taingeane ki nipautulrwane ki maungu laka kadrwa ku ledra.

Nipadrelane 8:7

Ku aswalaalanga ka sasiakawlu belenge sangirapa, yakai ku kananu si apwi, ka eraeradhane, la pwa gugu pulebe. Kai kadaengane ku taingeane ki nipau tulrwane, si angatu ka taingeane ki nipau tulrwane, la kulama patueelre; sanaka ubulu la kulama patuelre.

Nipadrelane 8:8

Ku mwasakadrusa kwi sasiakawlu belenge sangirapa, yakai ku vaeva lu drelane mia ki kwadaladalai ka maadrau ka lregelrege si kiverevere pwa ki laveke. Ku taingeane ki nipautulrwane ki laveke la akabalrithi aerai,

Nipadrelane 8:9

Ku yakai ki laveke ku waudriwdripi la pacai ku taingeane ki nipautulrwane, ku varukuru la kalisi ku taingeane ki nipautulrwane.

Nipadrelane 9:10

Yakai ku tawthu si ceneke lini, mia ki apapase, amani kikai tawthu ku yakai ku puku si pakwalri pakiangeange ki umawmase patara lrima ka dramare.

Nipadrelane 9:19

Ku puku ki rigi yakai ki ngudui si tawthu lini. Ku tawthu lini mia ki sulrau, ka yabelenge ku awlru; la arakai kikai awlru dula ki umawmase.